ܡܙܡܘܪ̈ܐ 88

1 ܡܵܪܝܵܐ ܐܲܠܵܗܵܐ ܕܦܘܼܪܩܵܢܝܼ، ܒܐܝܼܡܵܡܵܐ ܘܒܠܲܝܠܹܐ ܡܘܼܩܘܸܚ ܠܝܼ ܩܲܕܡܘܼܟ݂. 2 ܫܒ݂ܘܿܩ ܐܵܬܝܵܐ ܠܩܲܕܡܘܼܟ݂ ܨܠܘܿܬ‌ܝܼ، ܡܲܟܸܦ ܢܵܬܘܼܟ݂ ܠܡܲܩܘܲܚܬ‌ܝܼ. 3 ܣܵܒܵܒ ܡܠܹܐ ܠܵܗ̇ ܡ̣ܢ ܣܸܪ̈ܝܵܬܹ‌ܐ ܓܵܢܝܼ، ܘܚܲܝܝܼ̈ ܠܫܝܘܿܠܔ ܡܛܹܐ ܠܗܘܿܢ. 4 ܦܝܼܫ ܠܝܼ ܚܘܼܫܒܸܢܵܐ ܥܲܡ ܨܵܠܝܵܢܹ̈ܐ ܕܓܘܼܒܵܐ، ܗܘܹܐ ܠܝܼ ܐܲܝܟ݂ ܓܲܒ݂ܪܵܐ ܕܠܲܝܬ ܠܹܗ ܚܲܝܠܵܐ؛ 5 ܒܓܵܘܵܐ ܕܡܝܼ̈ܬܹ‌ܐ ܫܒ݂ܝܼܩܵܐ، ܐܲܝܟ݂ ܩܛܝܼ̈ܠܹܐ ܕܵܡܟ݂ܵܢܹ̈ܐ ܒܩܲܒ݂ܪܵܐ، ܕܠܹܐ ܕܵܟ݂ܪܹܬ ܠܗܘܿܢ ܐܚܹܪܢܵܐ، ܘܐܵܢܝܼ ܡ̣ܢ ܐܝܼܕܘܼܟ݂ ܦܝܼܫ ܠܗܘܿܢ ܩܛܝܼܥܹܐ. 6 ܡܘܼܬܸܒ݂ ܠܘܼܟ݂ ܐܸܠܝܼ ܒܓܘܼܒܵܐ ܬܲܚܬܵܝܵܐ، ܒܕܘܼܟܵܢܹ̈ܐ ܚܸܫܟܵܢܹ̈ܐ، ܒܥܘܼܡܩܹ̈ܐ. 7 ܥܲܠܝܼ ܦܝܼܫ ܠܵܗ̇ ܡܘܼܬܸܒ݂ܬܵ‌ܐ ܚܸܡܬܘܼܟ݂، ܘܩܵܡ ܡܲܥܝܸܩܸܬ ܠܝܼ ܒܟܠܵܝܗ‌ܝ ܡܲܚܫܘܼܠܘܼ̈ܟ݂. ܣܹܠܵܗ 8 ܡܘܼܪܚܸܩ ܠܘܼܟ݂ ܝܵܕܥܵܢܝܼ̈ ܡܸܢܝܼ، ܥܒ݂ܝܼܕܸܢܘܼܟ݂ ܛܲܡܐܘܼܬܵ‌ܐ ܐܸܠܵܝܗ‌ܝ، ܦܝܼܫܵܐ ܝܘܸܢ ܚܒ݂ܝܼܫܵܐ ܘܠܹܐ ܡܵܨܹܝܢ ܦܵܠܛܹܢ. 9 ܥܲܝܢܝܼ ܢܘܝܼܠܔ ܠܵܗ̇ ܡ̣ܢ ܥܵܘܩܵܢܵܐ، ܒܟܠܹܗ ܝܵܘܡܵܐ ܩܪܹܐ ܠܝܼ ܐܸܠܘܼܟ݂، ܝܵܐ ܡܵܪܝܵܐ، ܦܪܝܼܣ ܠܝܼ ܐܸܠܘܼܟ݂ ܐܝܼܕܵܬ‌ܝܼ̈. 10 ܗܵܐ، ܠܡܝܼ̈ܬܹ‌ܐ ܒܸܬ ܥܵܒ݂ܕܹܬ ܕܘܼܡܵܪܹ̈ܐ؟ ܝܲܢ ܪ̈ܘܼܚܵܬܹ‌ܐ ܕܡܝܼ̈ܬܹ‌ܐ ܒܸܬ ܩܵܝܡܝܼ ܫܲܟܪܝܼ ܠܘܼܟ݂؟ ܣܹܠܵܗ 11 ܗܵܐ، ܒܸܬ ܦܵܝܫܵܐ ܗܘܼܩܝܼܬܵ‌ܐ ܒܩܲܒ݂ܪܵܐ ܛܲܝܒܘܼܬܘܼܟ݂، ܝܲܢ ܒܐܲܒ݂ܕܵܢܵܐ ܡܗܘܼܡܢܘܼܬܘܼܟ݂؟ 12 ܗܵܐ، ܒܸܬ ܦܵܝܫܝܼ ܝܕܝܼܥܹܐ ܒܚܸܫܟܵܐ ܕܘܼܡܵܪ̈ܘܼܟ݂، ܝܲܢ ܒܐܲܪܥܵܐ ܕܡܲܢܫܲܝܬܵ‌ܐ ܙܲܕܝܼܩܘܼܬܘܼܟ݂؟ 13 ܐܝܼܢܵܐ ܐܵܢܵܐ ܐܸܠܘܼܟ݂، ܝܵܐ ܡܵܪܝܵܐ، ܡܘܼܩܘܸܚ ܠܝܼ، ܘܒܨܲܦܪܵܐ ܨܠܘܿܬ‌ܝܼ ܠܟܸܣܠܘܼܟ݂ ܟܹܐ ܐܵܬܝܵܐ. 14 ܩܵܡܘܿܕܝܼ، ܝܵܐ ܡܵܪܝܵܐ، ܪܲܦܹܝܬ ܠܵܗ̇ ܓܵܢܝܼ؟ ܩܵܡܘܿܕܝܼ ܛܲܫܹܝܬ ܠܵܗ̇ ܦܵܬܘܼܟ݂ ܡܸܢܝܼ؟ 15 ܡܘܼܥܝܸܩܵܐ ܝܘܸܢ ܐܵܢܵܐ، ܘܒܸܡܝܵܬܵ‌ܐ ܡ̣ܢ ܥܠܲܝܡܘܼܬ‌ܝܼ، ܩܘܼܒܸܠܔ ܠܝܼ ܙܕܘܼܥܝܵܬܘܼ̈ܟ݂، ܦܝܼܫ ܠܝܼ ܗܝܼܪܵܐ. 16 ܚܸܡܬܵ‌ܐ ܕܟܲܪ̈ܒܘܼܟ݂ ܐܬܹ‌ܐ ܠܵܗ̇ ܥܲܠܝܼ، ܙܕܘܼܥܝܵܬܘܼ̈ܟ݂ ܩܵܡ ܡܲܫܬܸܩܝܼ ܠܝܼ. 17 ܩܵܡ ܟܵܪܟ݂ܝܼ ܠܝܼ ܐܲܝܟ݂ ܡ̈ܝܼܵܐ ܟܠܹܗ ܝܵܘܡܵܐ، ܚܘܼܪܕܹܐ ܠܗܘܿܢ ܥܲܠܝܼ ܡܥܘܼܕܵܠܹܐ. 18 ܡܘܼܪܚܸܩ ܠܘܼܟ݂ ܡܸܢܝܼ ܡܘܼܚܸܒܵܐ ܘܪܵܚܡܵܐ، ܝܵܕܥܵܢܝܼ̈ ܒܚܸܫܟܵܐ ܝܢܵܐ.