ܡܙܡܘܪ̈ܐ 70

1 ܝܵܐ ܐܲܠܵܗܵܐ، ܡܲܠܝܸܙ ܠܦܲܨܘܼܝܝܼ، ܝܵܐ ܡܵܪܝܵܐ، ܡܲܠܝܸܙ ܠܗܲܝܲܪܬ‌ܝܼ. 2 ܢܵܟ݂ܦܝܼ ܘܦܵܝܫܝܼ ܡܘܼܟܸܦܹܐ، ܛܵܥܝܵܢܹ̈ܐ ܠܓܵܢܝܼ، ܕܵܝܪܝܼ ܠܒܵܬܪܵܐ ܘܦܵܝܫܝܼ ܡܘܼܢܟܸܦܹܐ، ܐܵܢܝܼ ܕܒܵܣܡܵܐ ܠܗܘܿܢ ܒܒܝܼܫܬ‌ܝܼ. 3 ܕܵܝܪܝܼ ܡ̣ܢ ܥܸܠܬܵ‌ܐ ܕܢܟ݂ܝܼܦܬܵܝܗ‌ܝ، ܐܵܢܝܼ ܕܒܹܐܡܵܪܵܐ ܝܢܵܐ: “ܐܲܗܵܐ! ܐܲܗܵܐ!" 4 ܐܝܼܢܵܐ ܚܵܕܝܼ ܘܦܵܨܚܝܼ ܒܝܼܘܼܟ݂ ܟܠܵܝܗ‌ܝ ܛܵܥܝܵܢܹ̈ܐ ܐܸܠܘܼܟ݂، ܘܐܲܡܝܼܢܵܐܝܼܬ ܐܵܡܪܝܼ ܡܲܚܸܒܵܢܹ̈ܐ ܕܦܘܼܪܩܵܢܘܼܟ݂: ܗܵܘܹܐ ܓܘܼܪܵܐ ܐܲܠܵܗܵܐ. 5 ܘܐܵܢܵܐ ܡܸܣܟܹܢܵܐ ܝܘܸܢ ܘܣܢܝܼܩܵܐ، ܝܵܐ ܐܲܠܵܗܵܐ، ܡܲܠܝܸܙ ܒܘܼܬ ܕܝܼܝܼ، ܗܲܝܲܪܬ‌ܝܼ ܘܦܲܨܝܵܢܝܼ ܐܲܢ݇ܬ ܝܼܘܸܬ، ܝܵܐ ܡܵܪܝܵܐ، ܠܵܐ ܥܲܪܩܸܠܸܬ.