ܡܙܡܘܪ̈ܐ 63

1 ܝܵܐ ܐܲܠܵܗܵܐ، ܐܲܠܵܗ‌ܝܼ ܝܘܸܬ ܐܲܢ݇ܬ، ܒܸܬ ܛܵܥܹܝܢ ܐܸܠܘܼܟ݂، ܨܗܝܼܬܵ‌ܐ ܝܠܵܗ̇ ܐܸܠܘܼܟ݂ ܓܵܢܝܼ، ܪܲܚܪܘܼܚܹܐ ܝܠܹܗ ܐܸܠܘܼܟ݂ ܢܲܦ̮ܫܝܼ، ܒܐܲܪܥܵܐ ܒܵܪܘܿܙܬܵ‌ܐ ܘܟܟ̰ܝܼܚܬܵ‌ܐ ܒܠܵܐ ܡ̈ܝܼܵܐ. 2 ܗܵܕܟ݂ܵܐ ܓܵܘ ܡܲܩܕܫܵܐ ܩܵܡ ܚܵܙܹܢܘܼܟ݂، ܒܸܚܙܵܝܵܐ ܚܲܝܠܘܼܟ݂ ܘܐܝܼܩܵܪܘܼܟ݂. 3 ܣܵܒܵܒ ܒܘܼܫ ܨܦܵܝܝܼ ܝܠܵܗ̇ ܛܲܝܒܘܼܬܘܼܟ݂ ܡ̣ܢ ܚܲܝܹ̈ܐ، ܣܸܦܘܵܬ‌ܝܼ̈ ܒܸܬ ܫܲܒܚܝܼ ܠܘܼܟ݂. 4 ܗܵܕܟ݂ܵܐ ܒܸܬ ܒܲܪܟܸܢܘܼܟ݂ ܒܚܲܝܝܼ̈، ܒܫܸܡܘܼܟ݂ ܒܸܬ ܡܲܪܡܸܢ ܐܝܼܕܵܬ‌ܝܼ̈. 5 ܐܲܝܟ݂ ܒܬܲܪܒܵܐ ܘܒܛܪܝܼܨܘܼܬܵ‌ܐ ܒܸܬ ܣܵܒ݂ܥܵܐ ܓܵܢܝܼ، ܘܒܣܸܦܘܵܬܹ̈‌ܐ ܕܦܨܝܼܚܘܼܬܵ‌ܐ ܒܸܬ ܫܲܒܸܚ ܦܘܼܡܝܼ؛ 6 ܟܲܕ ܕܵܟ݂ܪܹܢܘܼܟ݂ ܥܲܠܔ ܫܘܝܼܬ‌ܝܼ، ܒܒܲܕ̈ܠܹܐ ܒܸܬ ܗܲܓܹܝܢ ܒܘܼܬ ܕܝܼܘܼܟ݂، 7 ܣܵܒܵܒ ܗܘܹܐ ܠܘܼܟ݂ ܗܲܝܲܪܬܵ‌ܐ ܐܸܠܝܼ، ܘܬܚܘܿܬ ܛܸܠܵܢܝܼܬܵ‌ܐ ܕܓܘܼܠܦܵܢܘܼ̈ܟ݂ ܒܸܬ ܫܲܒܚܸܢ. 8 ܬܒܝܼܥ ܠܵܗ̇ ܓܵܢܝܼ ܐܸܠܘܼܟ݂، ܐܸܠܝܼ ܣܢܝܼܕ ܠܵܗ̇ ܝܲܡܝܼܢܘܼܟ݂. 9 ܐܝܼܢܵܐ ܐܵܢܝܼ ܕܟܹܐ ܛܵܥܝܼ ܠܸܛܠܵܩܵܐ ܠܓܵܢܝܼ، ܒܸܬ ܥܵܒ݂ܪܝܼ ܒܬܲܚ̈ܬܵܝܵܬܹ‌ܐ ܕܐܲܪܥܵܐ. 10 ܒܸܬ ܦܵܝܫܝܼ ܣܘܼܦܝܹܐ ܒܐܝܼܕܵܐ ܕܣܲܝܦܵܐ، ܒܸܬ ܗܵܘܝܼ ܡܹܐܟ݂ܘܼܠܬܵ‌ܐ ܕܬܲܥ̈ܠܹܐ. 11 ܐܝܼܢܵܐ ܡܲܠܟܵܐ ܒܸܬ ܦܵܨܹܚ ܒܐܲܠܵܗܵܐ. ܒܸܬ ܥܵܒܹܕ ܫܘܼܒ݂ܗܵܪܵܐ ܟܠܔ ܕܝܵܡܹܐ ܒܝܼܹܗ، ܣܵܒܵܒ ܒܸܬ ܦܵܝܫܝܼ ܐܟ̰ܝܼܡܹܐ ܦܘܼܡܹ̈ܐ ܕܗܲܡܙܸܡܵܢܹ̈ܐ ܕܕܘܼܓܠܵܐ.