ܡܙܡܘܪ̈ܐ 53

1 ܐܡܝܼܪܹܗ ܣܲܟ݂ܠܵܐ ܒܠܸܒܹܗ: “ܠܲܝܬ ܐܲܠܵܗܵܐ.” ܚܪܝܼܒܹܐ ܝܢܵܐ، ܘܥܒ݂ܝܼܕ ܠܗܘܿܢ ܛܲܢܦܘܼܬܵ‌ܐ ܒܥܵܘܠܵܐ، ܠܲܝܬ ܥܵܒ݂ܕܵܢܵܐ ܕܛܵܒ݂ܬܵ‌ܐ. 2 ܐܲܠܵܗܵܐ ܡ̣ܢ ܫܡܲܝܵܐ ܓܘܼܫܸܩ ܠܹܗ ܥܲܠܔ ܒܢܲܝ̈ܢܵܫܵܐ، ܠܸܚܙܵܝܵܐ ܐܸܢ ܐܝܼܬ ܦܲܪܡܝܼܵܢܵܐ، ܛܵܥܝܵܢܵܐ ܠܐܲܠܵܗܵܐ. 3 ܟܠܵܝܗ‌ܝ ܩܠܝܼܒ ܠܗܘܿܢ، ܡܸܚܕܵܕܹ̈ܐ ܗܘܹܐ ܠܗܘܿܢ ܛܲܡܐܹ̈ܐ، ܠܲܝܬ ܥܵܒ݂ܕܵܢܵܐ ܕܛܵܒ݂ܬܵ‌ܐ، ܠܲܝܬ ܐܘܼܦ ܚܲܕ. 4 ܗܵܐ، ܠܵܐ ܝܕܝܼܥ ܠܗܘܿܢ ܦܵܠܚܵܢܹ̈ܐ ܕܥܵܘܠܵܐ، ܕܟܹܐ ܐܵܟ݂ܠܝܼ ܠܥܲܡܝܼ ܐܲܝܟ݂ ܕܐܵܟ݂ܠܝܼ ܠܲܚܡܵܐ، ܘܠܐܲܠܵܗܵܐ ܠܹܐ ܩܵܪܝܼ؟ 5 ܬܵܡܵܐ ܙܕܝܼܥ ܠܗܘܿܢ ܙܕܘܼܥܬܵ‌ܐ ܓܘܼܪܬܵ‌ܐ ܐܲܝܟܵܐ ܕܠܲܝܬ ܗܘܵܐ ܙܕܘܼܥܬܵ‌ܐ، ܣܵܒܵܒ ܐܲܠܵܗܵܐ ܒܘܼܪܒܸܙ ܠܹܗ ܓܲܪ̈ܡܹܐ ܕܡܵܚܝܵܢܹ̈ܐ ܕܡܲܫܪܝܼܬܵ‌ܐ ܥܲܠܘܼܟ݂، ܡܘܼܢܟܸܦܵܝ ܠܘܼܟ݂ ܣܵܒܵܒ ܐܲܠܵܗܵܐ ܡܘܼܣܠܝܼܵܝ ܠܹܗ. 6 ܛܘܼܒ݂ܵܐ ܕܐܵܬܹ‌ܐ ܡ̣ܢ ܨܸܗܝܘܿܢ ܦܘܼܪܩܵܢܵܐ ܕܐܝܼܣܪܵܐܹܝܠܔ؛ ܟܲܕ ܡܲܕܸܪ ܐܲܠܵܗܵܐ ܥܲܡܹܗ ܡ̣ܢ ܓܵܠܘܼܬܵ‌ܐ، ܒܸܬ ܦܵܨܹܚ ܝܲܥܩܘܿܒ݂، ܒܸܬ ܚܵܕܹܐ ܐܝܼܣܪܵܐܹܝܠܔ.