ܡܙܡܘܪ̈ܐ 39

1 ܐܡܝܼܪܝܼ: “ܒܸܬ ܢܵܛܪܹܢ ܐܘܼܪ̈ܚܵܬ‌ܝܼ، ܡ̣ܢ ܠܸܚܛܵܝܵܐ ܒܠܸܫܵܢܝܼ، ܒܸܬ ܐܵܣܪܹܢ ܠܦܘܼܡܝܼ، ܟܡܵܐ ܕܒܝܼܫܵܐ ܒܲܠܩܘܼܒ݂ܠܝܼ ܝܠܹܗ." 2 ܗܘܹܐ ܠܝܼ ܠܲܥܠܵܐ ܘܫܬܝܼܩܵܐ، ܐܘܼܦ ܫܬܝܼܩ ܠܝܼ ܡ̣ܢ ܛܵܒ݂ܬܵ‌ܐ، ܘܕܲܪ̈ܕܝܼ ܙܝܼܕ ܠܗܘܿܢ، 3 ܚܝܼܡ ܠܹܗ ܠܸܒܝܼ ܒܓܵܘܝܼ، ܒܗܲܓܲܝܬ‌ܝܼ ܒܸܠܒ݂ܵܟ݂ܵܐ ܝܗܘܵܐ ܢܘܼܪܵܐ، ܗ̇ܝܓܵܗ ܗܘܼܡܙܸܡ ܠܝܼ ܒܠܸܫܵܢܝܼ: 4 “ܡܲܕܸܥ ܐܸܠܝܼ، ܝܵܐ ܡܵܪܝܵܐ، ܚܲܪܬ‌ܝܼ، ܘܡܫܘܼܚܬܵ‌ܐ ܕܝܵܘܡܵܢܝܼ̈ ܡܘܼܕܝܼ ܝܠܵܗ̇، ܕܝܵܕܥܹܢ ܟܡܵܐ ܙܲܒ݂ܢܵܢܵܝܵܐ ܝܘܸܢ ܐܵܢܵܐ. 5 “ܗܵܐ، ܟܸܪ̈ܝܹܐ ܥܒ݂ܝܼܕܵܝ ܠܘܼܟ݂ ܝܵܘܡܵܢܝܼ̈، ܘܡܸܬܚܵܐ ܕܚܲܝܝܼ̈ ܐܲܝܟ݂ ܗܸܟ̃ ܡܸܢܕܝܼ ܝܠܹܗ ܠܟܸܣܠܘܼܟ݂، ܫܲܪܝܼܪܵܐܝܼܬ، ܐܲܚܟ̰ܝܼ ܚܕܵܐ ܢܫܲܡܬܵ‌ܐ ܝܠܹܗ ܟܠܔ ܒܲܪܢܵܫܵܐ. ܣܹܠܵܗ 6 “ܫܲܪܝܼܪܵܐܝܼܬ، ܐܲܝܟ݂ ܨܲܠܡܵܐ ܟܹܐ ܚܵܕܹܪ ܐܢܵܫܵܐ، ܫܲܪܝܼܪܵܐܝܼܬ، ܒܣܪܝܼܩܘܼܬܵ‌ܐ ܟܹܐ ܫܵܓܹܫ، ܟܹܐ ܡܲܙܝܸܕ ܥܘܼܬܪܵܐ ܘܠܹܐ ܝܵܕܹܥ ܡܵܢܝܼ ܒܸܬ ܓ̰ܲܡܸܥ ܠܹܗ. 7 “ܘܐܵܕܝܼܵܐ، ܠܡܘܼܕܝܼ ܣܵܦܪܹܢ، ܝܵܐ ܡܵܪܝܵܐ؟ ܣܲܒ݂ܪܝܼ ܒܝܼܘܼܟ݂ ܝܠܹܗ. 8 “ܦܲܨܝܼ ܠܝܼ ܡ̣ܢ ܟܠܵܝܗ‌ܝ ܓܢܵܗ‌ܝܼ̈، ܠܵܐ ܥܵܒ݂ܕܹܬ ܠܝܼ ܠܵܘܡܵܐ ܕܣܲܟ݂ܠܵܐ. 9 “ܗܘܹܐ ܠܝܼ ܠܲܥܠܵܐ، ܠܵܐ ܦܬܝܼܚ ܠܝܼ ܦܘܼܡܝܼ، ܣܵܒܵܒ ܐܲܢ݇ܬ ܥܒ݂ܝܼܕ ܠܘܼܟ݂ ܐܵܗܵܐ. 10 “ܡܲܥܒܸܪ ܡܥܲܠܝܼ ܡܚܘܿܬܘܼܟ݂، ܡ̣ܢ ܡܚܵܝܬܵ‌ܐ ܕܐܝܼܕܘܼܟ݂ ܐܵܢܵܐ ܬܝܼܡ ܠܝܼ. 11 “ܟܹܐ ܬܲܥܠܡܸܬ ܐܢܵܫܵܐ ܒܢܓ̰ܵܘ̈ܝܵܬܹ‌ܐ ܒܘܼܬ ܥܵܘܠܵܐ، ܘܟܹܐ ܡܲܚܪܸܒܸܬ ܐܲܝܟ݂ ܐܸܟ݂ܠܵܐ ܡܸܢܕܝܼ ܕܫܲܗܘܸܬ ܐܸܠܹܗ، ܫܲܪܝܼܪܵܐܝܼܬ، ܢܫܲܡܬܵ‌ܐ ܝܠܹܗ ܟܠܔ ܒܲܪܢܵܫܵܐ. ܣܹܠܵܗ 12 “ܫܡܹܥ ܨܠܘܿܬ‌ܝܼ، ܝܵܐ ܡܵܪܝܵܐ، ܘܠܓܥܵܝܬ‌ܝܼ ܗܲܒ݂ܠܔ ܢܵܬܵ‌ܐ، ܠܕܸܡܥܝܼܬ‌ܝܼ ܠܵܐ ܫܵܬܩܹܬ، ܒܗ̇ܝ ܕܡܵܫܵܚܲܛ ܝܘܸܢ ܐܵܢܵܐ ܠܟܸܣܠܘܼܟ݂، ܬܵܘܬܵܒ݂ܵܐ ܐܲܝܟ݂ ܟܠܵܝܗ‌ܝ ܐܲܒ݂ܵܗܵܬ‌ܝܼ̈. 13 “ܦܪܘܿܩ ܡܸܢܝܼ ܕܚܵܕܹܝܢ ܡܩܲܕܡ ܕܐܵܙܹܠ݇ܢ ܘܠܵܐ ܗܵܘܹܝܢ ܐܚܹܪܢܵܐ."