ܡܙܡܘܪ̈ܐ 31

1 ܒܝܼܘܼܟ݂، ܝܵܐ ܡܵܪܝܵܐ، ܫܩܝܼܠܔ ܠܝܼ ܓܵܘܣܵܐ، ܠܵܐ ܫܵܒ݂ܩܹܬ ܢܵܟ݂ܦܹܢ ܠܥܵܠܲܡ، ܒܙܲܕܝܼܩܘܼܬܘܼܟ݂ ܦܲܨܝܼ ܠܝܼ. 2 ܡܲܟܸܦ ܐܸܠܝܼ ܢܵܬܘܼܟ݂، ܓ̰ܲܠܕܹܐ ܦܲܨܝܼ ܠܝܼ، ܗܘܝܼ ܐܸܠܝܼ ܐܝܼܨܵܪܵܐ ܕܩܲܠܥܵܐ، ܚܸܣܢܵܐ ܠܦܲܪܘܼܩܝܼ. 3 ܒܗ̇ܝ ܕܩܵܝܝܼ ܘܚܸܣܢܝܼ ܐܲܢ݇ܬ ܝܼܘܸܬ، ܘܒܘܼܬ ܫܸܡܘܼܟ݂ ܡܗܲܕܹܝܬ ܠܝܼ ܘܡܕܲܒܪܸܬ ܠܝܼ. 4 ܦܲܠܛܸܬ ܠܝܼ ܡ̣ܢ ܓܲܪܕܵܐ ܕܛܘܼܡܸܪܗܘܿܢ ܩܵܬ‌ܝܼ، ܒܗ̇ܝ ܕܐܲܢ݇ܬ ܝܼܘܸܬ ܩܲܠܥܝܼ. 5 ܒܐܝܼܕܘܼܟ݂ ܣܲܦܘܼܝܹܐ ܝܘܸܢ ܪܘܼܚܝܼ، ܦܘܼܪܸܩ ܠܘܼܟ݂ ܐܸܠܝܼ ܡܵܪܝܵܐ ܐܲܠܵܗܵܐ ܕܫܪܵܪܵܐ. 6 ܟܹܐ ܣܵܢܹܝܢ ܠܐܵܢܝܼ ܕܕܵܒ݂ܩܝܼ ܠܨܵܢܲܡܹ̈ܐ ܣܪ̈ܝܼܩܹܐ، ܘܒܡܵܪܝܵܐ ܣܒܝܼܪܝܼ ܐܵܢܵܐ. 7 ܒܸܬ ܦܵܨܚܹܢ ܘܒܸܬ ܚܵܕܹܝܢ ܒܛܲܝܒܘܼܬܘܼܟ݂، ܒܗ̇ܝ ܕܚܙܹܐ ܠܘܼܟ݂ ܥܵܘܩܵܢܝܼ، ܟܹܐ ܝܵܕܥܹܬ ܠܗܘܿܢ ܐܘܼܠܨܵܢܹ̈ܐ ܕܢܲܦ̮ܫܝܼ. 8 ܘܠܵܐ ܩܵܡ ܣܲܦܹܝܬ ܠܝܼ ܒܐܝܼܕܵܬܹ̈‌ܐ ܕܕܸܫ̃ܡܸܢ، ܡܘܼܟܠܹܐ ܠܘܼܟ݂ ܐܲܩܠܵܬ‌ܝܼ̈ ܒܕܘܼܟܵܐ ܪܘܝܼܚܬܵ‌ܐ. 9 ܪܲܚܸܡ ܥܲܠܝܼ، ܝܵܐ ܡܵܪܝܵܐ، ܒܗ̇ܝ ܕܥܝܼܩ ܠܵܗ̇ ܐܸܠܝܼ، ܚܒܹܐ ܠܗܘܿܢ ܥܲܝܢܝܼ̈ ܡ̣ܢ ܓ̰ܘܼܢܓ̰ܵܪܝܼ، ܢܘܝܼܠܔ ܠܗܘܿܢ ܓܵܢܝܼ ܘܐܘܼܦ ܦܲܓ݂ܪܝܼ. 10 ܒܗ̇ܝ ܕܬܝܼܡ ܠܗܘܿܢ ܚܲܝܝܼ̈ ܒܚܲܫܵܐ، ܘܥܒ݂ܝܼܪܗܘܿܢ ܫܸܢܝܼ̈ ܒܬܲܢܲܚܬܵ‌ܐ، ܡ̣ܢ ܥܵܘܠܝܼ ܒܨܝܼܪܹܗ ܚܲܝܠܝܼ، ܘܓܲܪ̈ܡܝܼ ܢܘܝܼܠܔ ܠܗܘܿܢ. 11 ܗܘܹܐ ܠܝܼ ܠܵܘܡܵܐ ܒܥܸܠܬܵ‌ܐ ܕܟܠܵܝܗ‌ܝ ܕܸܫ̃ܡܸܢܝܼ̈، ܘܠܟܸܣ ܫܒ݂ܵܒ݂ܝܼ̈ ܟܠܵܢܵܐܝܼܬ، ܘܗܘܹܐ ܠܝܼ ܙܕܘܼܥܬܵ‌ܐ ܠܝܵܕܥܵܢܝܼ̈، ܚܵܙܝܵܢܝܼ̈ ܒܥܵܠܘܿܠܵܐ ܥܪܝܼܩ ܠܗܘܿܢ ܡܸܢܝܼ. 12 ܦܝܼܫ ܠܝܼ ܢܸܫܝܵܐ ܡ̣ܢ ܠܸܒܵܐ ܐܲܝܟ݂ ܡܝܼܬܵ‌ܐ، ܗܘܹܐ ܠܝܼ ܐܲܝܟ݂ ܡܵܐܢܵܐ ܡܪܘܼܦܝܵܐ. 13 ܒܗ̇ܝ ܕܫܡܝܼܥ ܠܝܼ ܒܘܼܚܬܵܢ ܡ̣ܢ ܪܵܒܵܐ، ܐܝܼܬ ܙܕܘܼܥܬܵܐ ܡ̣ܢ ܚܵܕܸܪ̈ܘܵܢܝܼ، ܟܲܕ ܥܒ݂ܝܼܕ ܠܗܘܿܢ ܡܸܠܟܵܐ ܥܲܡ ܚܕܵܕܹ̈ܐ ܥܲܠܝܼ، ܬܘܼܚܡܸܢܗܘܿܢ ܠܸܫܩܵܠܵܐ ܓܵܢܝܼ. 14 ܘܐܵܢܵܐ ܒܝܼܘܼܟ݂ ܣܒܝܼܪܝܼ، ܝܵܐ ܡܵܪܝܵܐ، ܐܡܝܼܪܝܼ: “ܐܲܠܵܗ‌ܝܼ ܝܘܸܬ ܐܲܢ݇ܬ." 15 ܒܐܝܼܕܘܼܟ݂ ܝܼܢܵܐ ܚܲܝܝܼ̈، ܦܲܨܝܼ ܠܝܼ ܡ̣ܢ ܐܝܼܕܵܐ ܕܕܸܫ̃ܡܸܢܝܼ̈، ܘܡ̣ܢ ܢܵܦܠܵܢܹ̈ܐ ܕܒܵܬܪܝܼ. 16 ܒܲܗܪܸܢ ܦܵܬܘܼܟ݂ ܥܲܠܔ ܪܹܓܘܼܟ݂، ܦܲܪܸܩ ܠܝܼ ܒܛܲܝܒܘܼܬܘܼܟ݂. 17 ܝܵܐ ܡܵܪܝܵܐ، ܠܵܐ ܫܵܒ݂ܩܹܬ ܢܵܟ݂ܦܹܢ ܒܗ̇ܝ ܕܩܪܹܐ ܠܝܼ ܐܸܠܘܼܟ݂، ܫܒ݂ܘܿܩ ܢܵܟ݂ܦܝܼ ܪ̈ܲܫܝܼܥܹܐ ܘܫܵܬܩܝܼ ܒܫܝܘܿܠܔ. 18 ܦܵܝܫܝܼ ܐܟ̰ܝܼܡܹܐ ܣܸܦܘܵܬܹ̈‌ܐ ܕܲܓܵܠܹ̈ܐ، ܕܒܫܘܼܒ݂ܗܵܪܵܐ ܟܹܐ ܗܲܡܙܸܡܝܼ ܥܲܠܔ ܙܲܕܝܼܩܵܐ، ܒܚܬܝܼܪܘܼܬܵ‌ܐ ܘܡܲܣܠܲܝܬܵ‌ܐ. 19 ܟܡܵܐ ܓܘܼܪܬܵ‌ܐ ܝܠܵܗ̇ ܛܵܒ݂ܬܘܼܟ݂ ܕܚܘܼܡܝܘܼܗ̇ ܝܘܸܬ ܩܵܐ ܙܕܝܼܥܘܼ̈ܟ݂، ܕܗܘܼܕܪܘܼܗ̇ ܝܘܸܬ ܩܲܕܡ ܒܢܲܝ̈ܢܵܫܵܐ ܩܵܐ ܣܵܒܪ̈ܵܢܹܐ ܕܒܝܼܘܼܟ݂. 20 ܟܹܐ ܟܲܣܹܝܬ ܠܗܘܿܢ ܒܣܸܬܵܪܵܐ ܕܦܵܬܘܼܟ݂ ܡ̣ܢ ܦܸܬܢܵܐ ܕܐܢܵܫܹ̈ܐ، ܟܹܐ ܛܲܫܹܝܬ ܠܗܘܿܢ ܒܡܛܲܠܠܵܐ ܡ̣ܢ ܡܲܩܪܲܨܬܵ‌ܐ ܕܠܸܫܵܢܹ̈ܐ. 21 ܒܪܝܼܟ݂ܵܐ ܝܠܹܗ ܡܵܪܝܵܐ، ܣܵܒܵܒ ܥܒ݂ܝܼܕܵܐ ܠܹܗ ܥܓ̰ܝܼܒܬܵ‌ܐ ܛܲܝܒܘܼܬܹܗ ܩܵܬ‌ܝܼ ܒܡܕܝܼܢ݇ܬܵ‌ܐ ܡܗܘܼܨܸܪܬܵ‌ܐ. 22 ܘܐܵܢܵܐ ܐܡܝܼܪܝܼ ܓܵܘ ܬܸܫܘܸܫܬ‌ܝܼ: “ܦܝܼܫ ܠܝܼ ܩܛܝܼܥܵܐ ܡ̣ܢ ܩܲܕܡ ܥܲܝ̈ܢܘܼܟ݂،” ܐܝܼܢܵܐ ܫܡܝܼܥ ܠܘܼܟ݂ ܩܵܠܵܐ ܕܦܲܪܦܲܠܬ‌ܝܼ ܐܝܼܡܲܢ ܕܡܘܼܩܘܸܚ ܠܝܼ ܐܸܠܘܼܟ݂. 23 ܡܲܚܸܒܘܼܢ ܠܡܵܪܝܵܐ ܟܠܵܝܗ‌ܝ ܙܲܕܝܼܩܘܼ̈ܗ‌ܝ. ܠܡܗܘܼܡܢܹ̈ܐ ܟܹܐ ܢܵܛܹܪ ܡܵܪܝܵܐ، ܐܝܼܢܵܐ ܡܸܠܝܵܐܝܼܬ ܟܹܐ ܦܵܪܹܥ ܠܚܵܬܪ̈ܵܢܹܐ ܐܲܝܟ݂ ܥܒ݂ܵܕܵܝ̈ܗ‌ܝ. 24 ܚܲܠܸܢܘܼܢ ܘܗܵܘܹܐ ܙܲܪܒܵܢܵܐ ܠܸܒܵܘܟ݂ܘܿܢ ܟܠܵܝܗ‌ܝ ܣܵܦܪ̈ܵܢܹܐ ܠܡܵܪܝܵܐ.