ܡܙܡܘܪ̈ܐ 28

1 ܐܸܠܘܼܟ݂، ܝܵܐ ܡܵܪܝܵܐ، ܟܹܐ ܩܵܪܹܝܢ، ܝܵܐ ܐܝܼܨܵܪܝܼ، ܠܵܐ ܐܵܟ̰ܡܹܬ ܢܵܬܘܼܟ݂ ܥܲܠܝܼ. ܠܵܐ ܗܵܘܹܐ ܕܫܵܬܩܹܬ ܥܲܠܝܼ، ܘܕܵܡܹܝܢ ܠܨܵܠܝܵܢܹ̈ܐ ܕܓܘܼܒܵܐ. 2 ܫܡܹܥ ܩܵܠܵܐ ܕܦܲܪܦܲܠܬ‌ܝܼ ܒܓܥܵܝܬ‌ܝܼ ܐܸܠܘܼܟ݂، ܒܡܲܪܲܡܬܵ‌ܐ ܕܐܝܼܕܵܬ‌ܝܼ̈ ܠܗܲܝܟܠܵܐ ܕܩܘܼܕܫܘܼܟ݂. 3 ܠܵܐ ܓܵܪܫܹܬ ܠܝܼ ܥܲܡ ܪ̈ܲܫܝܼܥܹܐ، ܘܥܲܡ ܦܵܠܚܵܢܹ̈ܐ ܕܥܵܘܠܵܐ، ܕܟܹܐ ܗܲܡܙܸܡܝܼ ܫܠܵܡܵܐ ܥܲܡ ܚܲܒ݂ܪ̈ܵܘܵܬܵܝܗ‌ܝ، ܟܲܕ ܒܝܼܫܬܵ‌ܐ ܒܠܸܒܵܝܗ‌ܝ. 4 ܦܪܹܥ ܠܗܘܿܢ ܐܲܝܟ݂ ܦܘܼܠܚܵܢܵܝܗ‌ܝ، ܘܐܲܝܟ݂ ܒܝܼܫܘܼܬܵ‌ܐ ܕܣܘܼܥܪ̈ܵܢܵܝܗ‌ܝ، ܐܲܝܟ݂ ܥܒ݂ܵܕܵܐ ܕܐܝܼܕܵܬܵܝ̈ܗ‌ܝ ܦܪܹܥ ܠܗܘܿܢ، ܡܲܕܸܪ ܦܘܼܪܥܵܢܵܝܗ‌ܝ ܥܲܠܵܝܗ‌ܝ. 5 ܒܗ̇ܝ ܕܠܹܐ ܦܲܪܡܝܼ ܠܦܘܼܠܚܵܢܹ̈ܐ ܕܡܵܪܝܵܐ، ܐܵܦܠܵܐ ܠܥܒ݂ܵܕܵܐ ܕܐܝܼܕܵܬܘܼ̈ܗ‌ܝ، ܒܸܬ ܬܲܠܸܚ ܠܗܘܿܢ ܘܠܹܐ ܒܵܢܹܐ ܠܗܘܿܢ. 6 ܒܪܝܼܟ݂ܵܐ ܝܠܹܗ ܡܵܪܝܵܐ، ܒܗ̇ܝ ܕܫܡܝܼܥ ܠܹܗ ܩܵܠܵܐ ܕܦܲܪܦܲܠܬ‌ܝܼ. 7 ܡܵܪܝܵܐ ܝܠܹܗ ܥܘܼܫܢܝܼ ܘܡܵܛܵܠܝܼ، ܒܝܼܹܗ ܣܒܝܼܪܹܗ ܠܸܒܝܼ، ܘܦܝܼܫ ܠܝܼ ܗܘܼܝܸܪܵܐ؛ ܒܘܼܬ ܐܵܗܵܐ، ܦܨܝܼܚ ܠܹܗ ܠܸܒܝܼ، ܘܒܙܡܵܪܬ‌ܝܼ ܒܸܬ ܫܲܟܪܸܢܹܗ. 8 ܡܵܪܝܵܐ ܝܠܹܗ ܥܘܼܫܢܵܐ ܠܥܲܡܹܗ، ܘܩܲܠܥܵܐ ܕܦܘܼܪܩܵܢܵܐ ܕܡܫܝܼܚܹܗ. 9 ܦܲܪܸܩ ܠܥܲܡܘܼܟ݂، ܘܒܲܪܸܟ݂ ܠܝܵܪܬܘܼܬܘܼܟ݂، ܘܡܲܪܥܝܼ ܠܗܘܿܢ، ܘܛܥܘܿܢ ܠܗܘܿܢ ܥܲܠܔ ܕܪ̈ܵܥܢܵܢܘܼܟ݂ ܗܲܠܔ ܥܵܠܲܡ.