ܡܙܡܘܪ̈ܐ 24

1 ܕܡܵܪܝܵܐ ܝܠܵܗ̇ ܐܲܪܥܵܐ ܘܡܸܠܝܘܼܬܘܼܗ̇، ܒܪܝܼܬܵ‌ܐ ܘܥܵܡܪ̈ܵܢܹܐ ܕܓܵܘܘܼܗ̇. 2 ܣܵܒܵܒ ܗ̇ܘ ܥܲܠܔ ܝܵܡܵܬܹ̈‌ܐ ܫܘܼܬܐܸܣܵܐ ܠܹܗ، ܘܥܲܠܔ ܢܲܗܪ̈ܵܘܵܬܹ‌ܐ ܡܘܼܩܘܝܼܵܐ ܠܹܗ. 3 ܡܵܢܝܼ ܐܵܣܹܩ ܒܛܘܼܪܵܐ ܕܡܵܪܝܵܐ؟ ܘܡܵܢܝܼ ܟܵܠܹܐ ܒܕܘܼܟܬܵ‌ܐ ܕܩܘܼܕܫܹܗ؟ 4 ܗ̇ܘ ܕܙܲܟܵܝܹܐ ܝܢܵܐ ܐܝܼܕܵܬܘܼ̈ܗ‌ܝ ܘܕܸܟ݂ܝܵܐ ܝܠܹܗ ܠܸܒܹܗ، ܕܠܵܐ ܡܘܼܪܸܡ ܠܹܗ ܒܣܪܝܼܩܘܼܬܵ‌ܐ ܓܵܢܹܗ، ܘܠܵܐ ܝܡܹܐ ܠܹܗ ܒܦܸܠܡܵܐ. 5 ܒܸܬ ܩܲܒܸܠܔ ܒܘܼܪܟܬܵ‌ܐ ܡ̣ܢ ܡܵܪܝܵܐ، ܘܙܲܕܝܼܩܘܼܬܵ‌ܐ ܡ̣ܢ ܐܲܠܵܗܵܐ ܕܦܘܼܪܩܵܢܹܗ. 6 ܐܵܗܵܐ ܝܠܹܗ ܕܵܪܵܐ ܕܐܵܢܝܼ ܕܛܵܥܝܼ ܐܸܠܹܗ، ܛܵܥܝܵܢܹ̈ܐ ܕܦܵܬܘܼܟ݂، ܝܵܐ ܐܲܠܵܗܵܐ ܕܝܲܥܩܘܿܒ݂. ܣܹܠܵܗ 7 ܡܲܪܡܘܼܢ، ܝܵܐ ܕܲܪ̈ܘܵܙܹܐ، ܪܹ̈ܝܫܵܘܟ݂ܘܿܢ، ܘܦܘܼܫܘܼܢ ܡܘܼܪܡܹܐ، ܝܵܐ ܬܲܪ̈ܥܵܢܹܐ ܕܥܵܠܲܡ، ܕܥܵܒܹܪ ܡܲܠܟܵܐ ܕܐܝܼܩܵܪܵܐ. 8 ܡܵܢܝܼ ܝܠܹܗ ܐܵܗܵܐ ܡܲܠܟܵܐ ܕܐܝܼܩܵܪܵܐ؟ ܡܵܪܝܵܐ ܥܲܫܝܼܢܵܐ ܘܓܲܒܵܪܵܐ؛ ܡܵܪܝܵܐ ܓܲܒܵܪܵܐ ܕܦܠܵܫܵܐ. 9 ܡܲܪܡܘܼܢ، ܝܵܐ ܕܲܪ̈ܘܵܙܹܐ، ܪܹ̈ܝܫܵܘܟ݂ܘܿܢ، ܘܦܘܼܫܘܼܢ ܡܘܼܪܡܹܐ، ܝܵܐ ܬܲܪ̈ܥܵܢܹܐ ܕܥܵܠܲܡ، ܕܥܵܒܹܪ ܡܲܠܟܵܐ ܕܐܝܼܩܵܪܵܐ. 10 ܡܵܢܝܼ ܝܠܹܗ ܐܵܗܵܐ ܡܲܠܟܵܐ ܕܐܝܼܩܵܪܵܐ؟ ܡܵܪܝܵܐ ܚܲܝܠܬܵܢܵܐ، ܗ̇ܘ ܝܼܠܹܗ ܡܲܠܟܵܐ ܕܐܝܼܩܵܪܵܐ. ܣܹܠܵܗ