ܡܙܡܘܪ̈ܐ 142

1 ܒܩܵܠܝܼ ܠܡܵܪܝܵܐ ܟܹܐ ܡܲܩܘܸܚܸܢ، ܒܩܵܠܝܼ ܠܡܵܪܝܵܐ ܟܹܐ ܦܲܪܦܸܠܸܢ. 2 ܟܹܐ ܫܲܦܟܸܢ ܩܲܕܡܘܼܗ‌ܝ ܩܒ݂ܵܠܬ‌ܝܼ. ܥܵܘܩܵܢܝܼ ܩܲܕܡܘܼܗ‌ܝ ܟܹܐ ܡܲܕܥܸܢ. 3 ܟܲܕ ܒܓܵܘܝܼ ܕܘܼܪܕܸܫ̃ ܠܵܗ̇ ܪܘܼܚܝܼ، ܐܲܢ݇ܬ ܟܹܐ ܝܵܕܥܹܬ ܠܹܗ ܫܒ݂ܝܼܠܝܼ، ܒܐܘܼܪܚܵܐ ܕܟܹܐ ܚܵܕܪܹܢ، ܛܘܼܫܹܐ ܠܗܘܿܢ ܢܸܫܒ݂ܵܐ ܐܸܠܝܼ. 4 ܚܘܼܪ ܠܝܲܡܝܼܢܵܐ، ܘܚܙܝܼ ܕܠܲܝܬ ܠܝܼ ܝܵܕܥܵܢܵܐ، ܛܠܝܼܩ ܠܵܗ̇ ܡܸܢܝܼ ܕܘܼܟܬܵ‌ܐ ܕܥܪܵܩܬܵ‌ܐ، ܠܲܝܬ ܒܲܩܪܵܢܵܐ ܒܘܼܬ ܓܵܢܝܼ. 5 ܡܘܼܩܘܸܚ ܠܝܼ ܠܟܸܣܠܘܼܟ݂، ܝܵܐ ܡܵܪܝܵܐ، ܐܡܝܼܪܝܼ: ܐܲܢ݇ܬ ܝܼܘܸܬ ܒܹܝܬ ܓܵܘܣܝܼ، ܣܵܗܡܝܼ ܒܐܲܪܥܵܐ ܕܚܲܝܹ̈ܐ. 6 ܨܘܼܬ ܠܓܥܵܝܬ‌ܝܼ ܒܗ̇ܝ ܕܦܝܼܫ ܠܝܼ ܡܘܼܟܸܦܵܐ ܪܵܒܵܐ، ܦܲܨܝܼ ܠܝܼ ܡ̣ܢ ܢܵܦܠܵܢܹ̈ܐ ܒܵܬܪܝܼ ܒܗ̇ܝ ܕܒܘܼܫ ܚܲܝܠܵܢܹ̈ܐ ܝܢܵܐ ܡܸܢܝܼ. 7 ܦܲܠܸܛ ܠܵܗ̇ ܓܵܢܝܼ ܡ̣ܢ ܒܹܝܬ ܚܒ݂ܘܼܫܝܵܐ ܕܫܲܟܪܸܢ ܠܫܸܡܘܼܟ݂، ܠܚܵܕܸܪ̈ܘܵܢܝܼ ܒܸܬ ܟܵܪܟ݂ܝܼ ܙܲܕܝܼܩܹ̈ܐ، ܒܗ̇ܝ ܕܒܦܸܪܝܘܼܬܵ‌ܐ ܒܸܬ ܦܵܪܥܹܬ ܠܝܼ.