ܡܙܡܘܪ̈ܐ 135

1 ܫܲܒܚܘܼܢ ܠܫܸܡܵܐ ܕܡܵܪܝܵܐ، ܫܲܒܚܘܼܢ، ܝܵܐ ܪܹ̈ܓܵܘܵܬܹ‌ܐ ܕܡܵܪܝܵܐ، 2 ܐܵܢܝܼ ܕܟܹܐ ܟܵܠܝܼ ܒܒܲܝܬܵ‌ܐ ܕܡܵܪܝܵܐ، ܒܕܵܪ̈ܵܬܹ‌ܐ ܕܒܲܝܬܵ‌ܐ ܕܐܲܠܵܗܵܐ. 3 ܫܲܒܚܘܼܢ ܠܡܵܪܝܵܐ ܣܵܒܵܒ ܛܵܒ݂ܵܐ ܝܠܹܗ ܡܵܪܝܵܐ، ܙܡܘܿܪܘܼܢ ܠܫܸܡܹܗ ܣܵܒܵܒ ܒܲܣܝܼܡܵܐ ܝܠܹܗ. 4 ܣܵܒܵܒ ܓܘܼܒܹܐ ܠܹܗ ܡܵܪܝܵܐ ܠܝܲܥܩܘܿܒ݂ ܩܵܐ ܓܵܢܹܗ، ܠܐܝܼܣܪܵܐܹܝܠܔ ܣܝܼܡܬܵ‌ܐ ܩܵܐ ܓܵܢܹܗ. 5 ܣܵܒܵܒ ܐܵܢܵܐ ܟܹܐ ܝܵܕܥܹܢ ܕܓܘܼܪܵܐ ܝܠܹܗ ܡܵܪܝܵܐ، ܘܥܸܠܵܝܵܐ ܝܠܹܗ ܡܵܪܲܢ ܡ̣ܢ ܟܠܵܝܗ‌ܝ ܐܲܠܵܗܹ̈ܐ. 6 ܟܹܐ ܥܵܒܹܕ ܡܵܪܝܵܐ ܟܠܔ ܕܒܵܣܡܵܐ ܠܹܗ، ܒܫܡܲܝܵܐ ܘܒܐܲܪܥܵܐ، ܒܝܵܡܵܬܹ̈‌ܐ ܘܒܟܠܵܝܗ‌ܝ ܬܗܘܿܡܹ̈ܐ. 7 ܡܲܣܩܵܢܵܐ ܕܗܵܘܓܹ̈ܐ ܡ̣ܢ ܡܲܪܙܵܐ ܕܐܲܪܥܵܐ، ܥܵܒ݂ܕܵܢܵܐ ܕܒܸܪ̈ܩܹܐ ܩܵܐ ܡܸܛܪܵܐ، ܦܲܠܛܵܢܵܐ ܕܦܵܘܚܵܐ ܡ̣ܢ ܐܲܢܒܵܪ̈ܘܼܗ‌ܝ. 8 ܗ̇ܘ ܝܼܗܘܵܐ ܕܡܚܹܐ ܠܹܗ ܒܘܼܟ݂ܪܹ̈ܐ ܕܡܸܨܪܹܝܢ، ܡ̣ܢ ܒܲܪܢܵܫܵܐ ܗܲܠܔ ܒܥܝܼܪܵܐ. 9 ܩܵܡ ܫܲܕܸܪ ܢܝܼܫܲܢܩܹ̈ܐ ܘܕܘܼܡܵܪܹ̈ܐ ܓܵܘܵܟ݂ܝ، ܝܵܐ ܡܸܨܪܹܝܢ، ܥܲܠܔ ܦܸܪܥܘܿܢ ܘܥܲܠܔ ܟܠܵܝܗ‌ܝ ܪܹ̈ܓܵܘܵܬܘܼܗ‌ܝ. 10 ܗ̇ܘ ܝܼܗܘܵܐ ܕܡܚܹܐ ܠܹܗ ܐܸܡܘܵܬܹ̈‌ܐ ܪܵܒܵܐ، ܘܩܛܝܼܠܔ ܠܹܗ ܡܲܠܟܹ̈ܐ ܥܲܫܝܼܢܹ̈ܐ؛ 11 ܠܣܝܼܚܘܿܢ ܡܲܠܟܵܐ ܕܐܵܡܘܿܪ̈ܵܝܹܐ، ܘܠܥܘܿܓ݂ ܡܲܠܟܵܐ ܕܒܲܝܫܵܢ، ܘܠܟܠܵܝܗ‌ܝ ܡܲܠܟܘܵܬܹ̈‌ܐ ܕܟܢܲܥܢ. 12 ܘܝܘܼܗܒܹܠܔ ܠܹܗ ܐܲܪܥܵܝܗ‌ܝ ܠܝܵܪܬܘܼܬܵ‌ܐ، ܝܵܪܬܘܼܬܵ‌ܐ ܠܐܝܼܣܪܵܐܹܝܠܔ ܥܲܡܹܗ. 13 ܝܵܐ ܡܵܪܝܵܐ، ܫܸܡܘܼܟ݂ ܠܥܵܠܲܡ ܝܼܠܹܗ، ܝܵܐ ܡܵܪܝܵܐ، ܕܟ݂ܵܪܘܼܟ݂ ܠܕܵܪܵܐ ܘܕܵܪܵܐ. 14 ܣܵܒܵܒ ܒܸܬ ܥܵܒܹܕ ܡܵܪܝܵܐ ܕܝܼܘܵܢ ܕܥܲܡܹܗ، ܘܥܲܠܔ ܪܹ̈ܓܵܘܵܬܘܼܗ‌ܝ ܒܸܬ ܪܲܚܸܡ. 15 ܨܵܢܲܡܹ̈ܐ ܕܐܸܡܘܵܬܹ̈‌ܐ ܣܹܐܡܵܐ ܘܕܲܗܒ݂ܵܐ ܝܢܵܐ، ܦܘܼܠܚܵܢܵܐ ܕܐܝܼܕܵܬܹ̈‌ܐ ܕܒܲܪܢܵܫܵܐ. 16 ܦܘܼܡܵܐ ܐܝܼܬ ܠܗܘܿܢ ܐܝܼܢܵܐ ܠܹܐ ܗܲܡܙܸܡܝܼ، ܥܲܝܢܵܬܹ̈‌ܐ ܐܝܼܬ ܠܗܘܿܢ ܐܝܼܢܵܐ ܠܹܐ ܚܵܙܝܼ، 17 ܢܵܬܝܵܬܹ̈‌ܐ ܐܝܼܬ ܠܗܘܿܢ ܐܝܼܢܵܐ ܠܹܐ ܫܵܡܥܝܼ، ܐܘܼܦ ܠܲܝܬ ܢܫܲܡܬܵ‌ܐ ܒܦܘܼܡܵܝܗ‌ܝ. 18 ܐܲܝܟ݂ ܕܝܼܵܝܗ‌ܝ ܗܵܘܝܼ ܥܵܒ݂ܕܵܢܵܝ̈ܗ‌ܝ، ܘܟܠܔ ܕܣܵܒܹܪ ܒܝܼܵܝܗ‌ܝ. 19 ܝܵܐ ܒܹܝܬ ܐܝܼܣܪܵܐܹܝܠܔ، ܒܲܪܟ݂ܘܼܢ ܠܡܵܪܝܵܐ، ܝܵܐ ܒܹܝܬ ܐܲܗܪܘܿܢ، ܒܲܪܟ݂ܘܼܢ ܠܡܵܪܝܵܐ، 20 ܝܵܐ ܒܹܝܬ ܠܹܘܝܼ، ܒܲܪܟ݂ܘܼܢ ܠܡܵܪܝܵܐ، ܝܵܐ ܙܕܝܼ̈ܥܹܐ ܕܡܵܪܝܵܐ، ܒܲܪܟ݂ܘܼܢ ܠܡܵܪܝܵܐ. 21 ܒܘܼܪܟ݂ܵܐ ܝܠܹܗ ܡܵܪܝܵܐ ܡ̣ܢ ܨܸܗܝܘܿܢ، ܥܵܡܪܵܢܵܐ ܕܐܘܿܪܸܫܠܸܡ. ܗܲܠܸܠܘܼܝܵܐ.