Rom 15

1 Nindou sɨhɨrɨ dɨdɨyefɨ anɨhondümbofe hohoanɨmo Ågɨnɨndɨ sahumündefeimbɨ sɨhɨrɨ nindou düdi ai anɨhondümbofe kehurɨ arandɨ ranahambo farɨhefimboane Ågɨnɨndɨ nɨÅgombohünda. Åga sɨhefɨ fimbo yaÅgɨrɨ hohoanɨmopoanɨ. 2 Sɨhɨrɨ mamamɨ nindou sɨhefɨ wandafɨ ranaheimbo aboedɨ nɨÅgombohünda dɨdɨboado-ndɨhundüranɨ ai hɨhɨfɨ-hɨhɨfɨndeimboyei. Rananɨmbo asu ai Ågɨnɨndɨ nɨmboeimbo anɨhondümbo-ndɨhimboyei. 3 Åga Sisas Krais ana ai moai ahandɨ fimbo yaÅgɨrɨ hohoanɨmoyu. Åga asu ai ramefiyu ra, Bukambe hoafɨmayo nou, ‘Ape, nindou sɨhambo moaruwaimbo-marɨhinɨnɨ hoafɨ ra sɨnɨ wambo gabudɨ-mafoareandɨrɨ,’ mehu. 4 MuÅguambo hoafɨ horombo Bukambe sürü papɨmarandɨ ra sɨhefɨmbo yamundɨfe-munɨmbohündamboyo sürü papɨmarandɨ. Ranɨ hoafɨ ra sɨhefɨmbo Ågusüfoambe Ågɨnɨramɨndɨmunɨ asu afurɨhemuna anɨhondümbondɨhu hɨmbondefühɨ nɨmboemboyefɨ. Ranɨmboane asu sɨhɨrɨ anɨhondümbo-ndɨhundühɨ nɨmboemboyefɨ. 5 God ai Ågusüfoambe Ågɨnemɨndɨmbo asu afurɨfe nɨÅgombo hohoanɨmo ra sai arandɨ ai sɨheimbo mbɨfarɨhendür-amboane rananɨmbo asu se Sisas Kriasɨmbo süÅgurɨhi arɨhündɨ, sɨhei mbusümo mamɨ hohoanɨmo yaÅgɨrɨ süÅgundɨhimboyei. 6 Rananɨmbo asu se hohoanɨmo, yafambe mamambendɨhi mbundɨhü, sɨhefɨ Adükarɨ Sisas Kraisɨndɨ God asu afɨndɨ ranahandambo adükar-ani mbɨsefɨmboane. 7 Nindou ai Godɨmbo aboed-ani hoafɨmbohündambo se sɨheihoarɨ ndahümündihündürɨ sapo Krais ai sɨheimbo masemɨndündürɨ nou. 8 Åga ro sɨheimbo hoafehandürɨ, Sisas ai Suda-yafe ratüpurɨyu-randeimbɨ nindoumbofi manüÅgu. Rananɨmbo asu God ai ahei amoao mamɨmbo horombo hoafɨre masɨhendɨ ra anɨhondümbo ramareandɨ ra nafuimbohünda Sisas tükümefiyu. 9 Rananɨmbo asu Suda-yafe ndɨfo ai-amboanɨ Godɨndɨ hɨpoambofe hohoanɨmo ranɨnambo ahambo adükar-ani mbɨseiya yahuhayamboyu ramefiyu. Sapo Bukambe yare hoafɨyowohü yahoya, ‘Rananɨmbo Suda-yafe ndɨfo ranahei hɨmboahü ndürɨ adükarümb-ani mbɨsa hoafɨndamboyahɨ. Asu sɨhafɨ ndürɨ herüna kakɨsaondɨ-hanɨnɨmboyahɨ,’ 2 Samueɨ 22:50 meho süÅgu. 10 Asükaiyo Bukambe yare hoafɨyowohü yahoya, ‘Suda-yafe ndɨfo se-amboanɨ Godɨndɨ nendɨ ranɨ-babɨdɨ hɨhɨfɨ-hɨhɨfɨndei,’ Æo 32:43 meho. 11 Asükai hoafɨyowohü yahoya, ‘Suda-yafe ndɨfo muÅgu se Adükarɨmbo ndürɨ adükarümb-ani mbɨsei. Asu muÅguambo nɨmorehɨ nindowenihɨ se ahandɨ ndürɨ herüna kakɨsaondɨhorɨ,’ Buk Song 117:1 meho. 12 Asükai Aisaia ai hoafɨyuhü yahuya, ‘Sesindɨ ahuirɨ ai tükündüfimbui. Nindou ranai-anɨmbo Suda-yafe ndɨfo ranahei bogorɨmbondɨfi nüÅgumbui. Rananɨmbo nindou ranai ahambo anɨhondümbo-ndɨhorühɨ hɨbadɨhorühɨ nɨmboeimboyei,’ Aisaia 11:10 mehu. 13 God ai anɨhondümbofe hɨmboyondombo hohoanɨmo ra nɨmɨndühani. Se ahambo anɨhondümbo-rɨhorɨ arɨhündɨ ranɨmbo-anɨmbo asu ai sɨheimbo ahandɨ-mayo hɨhɨfɨ-hɨhɨfɨ asu Ågusüfo afurɨfe kife hohoanɨmo ra afɨndɨ safɨ mbɨsagadür-amboane. Rananɨmbo Yifiafɨ Aboedɨndɨ Ågɨnɨndɨnambo sɨhei Godɨmbo anɨhondümbo-fihɨ hɨmboyondombo hohoanɨmo ranai adükarɨ hamɨndɨ Ågomboe. 14 Wandafɨ mamɨ, ro Ågusüfoambe anɨhondümbo-rɨheamboanahɨ se aboedɨ hohoanɨmo hohoanɨmoyei arɨhündɨ ranɨmbo. Se muÅguambo mamamɨ fɨfɨrɨfe ra aboedɨ fɨfɨrɨhimbo wambo asu se sɨheihoarɨ sɨmborɨ yamundɨ-firɨndei. 15 Ro sɨhei hohoanɨmo asükainda botɨndɨhearü saheheamboanahɨ asu yɨhɨmbokoate bɨdɨfɨrɨ hoafɨ sɨheimbo sürü papɨmarɨhandɨ. Nɨmboe sapo God ai wambo ranɨ-poanɨmbo Ågɨnɨndɨ masendɨ ranɨna Sisas Kraisɨndɨ ratüpurɨ Suda-yafe ndɨfo aheimbo farɨhefe-ndürɨmbohünda. Roana Godɨmbo sesɨ sɨhai-randeimbɨ nahurai ahandɨ-mayo aboedɨ hoafɨ ra Suda asu ahei ndɨfo ranaheimbo hoafɨyahandürɨ arɨhandɨ. Ro ranaheimbo God sowana ndahamɨndɨ-handürɨ Ågahanɨ asu Yifiafɨ Aboedɨ ranai randeira asu ai Godɨndɨ yaÅgɨrɨ tükümbeyahinda samboanahɨ. Rananɨmbo asu ro Godɨndɨ warɨhündɨ-hearümboyahɨ sapo ahambohünda nɨnɨhondɨ hɨfokoaru sɨhoemonda hɨhɨfefiyu nou. 17 Ranɨ ratüpurɨ ra Sisas Kraisɨ-dɨbo ratüpurayahɨ ana, asu ro Godɨndɨ ratüpurayahɨ ranɨmbohünda hɨhɨfɨ-hɨhɨfɨndamboyahɨ. 18 Ro Ågɨrɨ amurɨ moatükunɨ ranahambo hoafɨndahɨ, Åga nɨnɨ ratüpurɨyo Krais ai wambo ramareandɨ ranɨ-süÅguyu Suda-yafe ndɨfo Godɨndɨ hoafɨ süÅgumarɨhindɨ ranɨ yaÅgɨrɨmboanahɨ hoafɨnda sahehea. Ai wandɨ hoafɨ, ratüpurɨ ranahandamboyu farɨhendɨrɨ haya ratüpurɨmayahɨ. Ranɨyu asu Yifiafɨ Aboedɨndɨ Ågɨnɨndɨnambo ai wambo mafarɨhendɨra hepünüfeimbɨ moatükunɨ asu Godɨndɨ Ågɨnɨndɨ nafuimbo moatükunɨ ra ramarɨheandɨ. Ranɨmboyahɨ ro Serusarem Ågoafɨhü peya hehea Kraisɨndɨ aboedɨ hoafɨ muÅguambo ra wataporɨmbo-rɨhɨ hambo asu Iririkum hɨfɨhü tükümeheandɨ. 20 Ranɨ ratüpurɨ ra nindou bɨdɨfɨrɨ ai Sisasɨndɨ ndürɨ hɨmborɨkoate-yeimbɨ ranaheimboanahɨ ro ho aboedɨ hoafɨ bokarɨhefembo hohoanɨmoayahɨ. Roana worɨ moanɨ Ågorü nindoundɨ kambohoanɨwamɨ worɨmbombo-yahɨpoanɨ hohoanɨmoayahɨ, Åga wanɨ. 21 Åga Bukambe yare hoafɨyowohü yahoya, ‘Nindou dɨdɨyei ai Krais ahambo hoafɨyondürɨ-koate-memondürɨ ai-anɨmbo hoeindɨhorɨ-mboyei. Nindou dɨdɨyei ai ahandɨ hoafɨ hɨmborɨkoate-yeimbɨ ai anɨmbo ahambo fɨfɨrɨndɨhorɨmboyei,’ Aisaia 52:15 meho ranɨmboanahɨ refembo hohoanɨmoayahɨ. 22 Ranɨmbo-hündamboanahɨ asu ro sɨheimbo sowana afɨndɨmbo tüküfembo kɨkarɨheheandɨ. 23 Åga asu ndanɨ hɨfɨnɨ ro ratüpurɨmbo ratüpurɨ moai nɨÅgo. Afɨndɨ hɨmbanɨ maho ra ro sɨheimbo sɨfo hoeifendürɨmbo sahehea hohoanɨmomayahɨ. 24 Åga hapondanɨ ana awi refembo hɨmboayo. Ro Spen hɨfɨna gagühühɨ asu nafɨna sɨheimbo sɨnɨ hoeifendürɨ hefe homboanahɨ hohoanɨmoayahɨ. Rananɨmbo awi ro dɨdɨ asu ranɨhü se-babɨdɨ akɨdou nɨmandɨ hɨhɨfɨ-hɨhɨfɨnda sahehea. Sɨheimbo hoeindɨhe hɨnɨÅgɨndɨhearü heheambo-anɨmbo, asu se wambo Spenɨnambo hombo ranafɨ fandɨhehindɨra Ågamboane. 25 Åga awi haponda hamɨndɨ ana Serusaremɨnambo Godɨndɨ nindou ra farɨhefe-ndürɨmbo hahühanahɨ. 26 Godɨndɨ nendɨ bɨdɨfɨrɨ Serusaremɨ-yafe mbüsumo amarei ranai napokoate-mayeiamboyei Masedonia asu Akaiahündɨ Godɨndɨ hoafɨ süÅgurɨhindeimbɨ ai kakɨ gugurɨfe mburümbo farɨhefe-ndürɨmbohündambo hoafɨ fɨrɨhümündi masɨhehindɨ. 27 Ai ahei hohoanɨmonambo yaÅgɨrɨ moanɨ kakɨ ra gugurɨhi masɨhehindɨ. Suda ai ahei ndɨfo nindou ranaheimbo Godɨndɨ aboedɨ hohoanɨmo ranɨnamboyo farɨhehindürɨhɨ dɨdɨboado-marɨhindürɨ. Ranɨmboane asu Suda-yafe ndɨfo ranamboanɨ Sudambo ahei fi nɨÅgo hohoanɨmo ranɨmbo sɨmborɨ mbɨfarɨhehi-ndüramboane. 28 Ranɨ-moatükunɨ ra ro muÅgundɨhe mbundühambo-anambo samboanahɨ. Ro kakɨ Suda Serusaremɨhündɨ ranahei warambe hɨnɨÅgɨndɨhe heheambo-anɨmbo, asu ro Spenɨna Ågahühɨ nafɨna rühɨ dɨdɨ sɨheimbo hoeindɨ-hearümboyahɨ. 29 Sɨheimbo sowana asɨnɨhɨ ana, ro fɨfɨrɨheamboanahɨ Kraisɨndɨ-mayo dɨdɨboadofe hohoanɨmo ranɨ sɨmoÅgorühɨ dɨdɨmboyahɨ. 30 Wandafɨ mamɨ, Adükarɨ Sisas Kraisɨndɨ süÅgu asu Yifiafɨ ai Ågusüfo pefe sai-randeimb-ane ranɨ-süÅgu ro sɨhei Ågusüfoambe botɨrɨheandühɨ sɨheimbo hoafehandürɨ nda: Se wambo fandɨhehindɨrɨ hehimbo Godɨmbo dɨdɨbafɨfembo ra tɨÅɨrɨfo-ndefomboane ai wambo farɨhefe-ndɨrɨmbohünda. 31 Nindou Sudiahündɨ Godɨndɨ hoafɨ süÅgufekoate amarei ra wambo-yɨndɨrɨmbo maseimbo se wambohünda Godɨmbo dɨdɨbafɨ-ndahindanɨ anɨmbo asu ai wambo ahei warambeahɨndɨ aboedambo-mbɨreandɨramboane. Asu se dɨdɨbafɨ-ndahindan-anɨmbo ai wambo fandɨhendɨra Godɨndɨ nendɨ Serusarem Ågoafɨhü amarei ranai wandɨ-mayo fehefe ratüpurɨ ra ndorɨhi mbɨsahümündi-amboane. 32 Ranɨmboane asu God ai yare hohoanɨmoayu ana, ro sɨheimbo sowana hɨhɨfɨ-hɨhɨfümbɨ dügühühɨmbo se-babɨdɨmbo fi handɨhe nɨmandɨmboyahɨ. 33 Sapo God, afurɨfimbɨ hohoanɨmo nɨmɨndühayu ranai muÅguambo se babɨdɨ mbɨnüÅguwamboane. Åga anɨhond-ane.