Rom 10

1 Wandafɨ mamɨ, ro Ågusüfoambe wandɨ nindou Israer ranai aboedambo-mbeahindɨ samboanahɨ hohoanɨmoayahɨ! Ranɨmboanahɨ ro aheimbohünda Godɨmbo dɨdɨbafɨyahando arɨhandɨ. 2 Åga ro aheimbo ndorɨhe fɨfɨrɨhe heheamboanahɨ hoafayahɨ, ai ana awi Godɨndɨ hohoanɨmo ranɨ yaÅgɨrɨ süÅgufemboanei Ågusüfo pararɨhindɨ. Åga ahei Ågusüfo pefembo hohoanɨmo ra anɨhondü süÅgupoanɨ. 3 Aiana moai ndorɨhi fɨfɨrɨhindɨ God ai nindoumbo mbumund-anei yahu hohoanɨmoayu ranana, Åga aiana aheipoanɨmbo mbumundɨ tüküfe hohoanɨmo-ane süÅgurɨhi arɨhündɨ. Ranane asu God ai nindou mbumundɨ hohoanɨmo hɨnɨÅgɨmareandɨ ra moai sahümündi. 4 Åga sɨhɨrɨ fɨfɨrarɨhundɨ, nindou anɨhondümbo-arɨhorɨ ana, ranaheimbo ndeara Krais ai ahɨnümbɨ hohoanɨmo süÅgufe ho ra moendɨmareandɨ. Ranɨmboane asu nindou ai anɨhondümbo-arɨhorɨ ana, ai Godɨndɨ hɨmboahü mbumund-anei. 5 Moses ai nindou ahɨnümbɨ hohoanɨmo rasüÅgu mbumundɨ nindou tüküfemboayo ranahambo sürü pare masɨhendɨ. Ai yahuya, ‘Nindou düdi ai ahɨnümbɨ hohoanɨmo meÅgoro muÅgu ranɨ-süÅgure huhü rananɨmbo ai yaÅgɨrɨ gedühɨ nüÅgumbui,’ mehu. 6 Åga asu nindou ai Godɨmbo anɨhondümbofiwanɨ asu God ai nindou ranahambo seana mbumund-anafɨ yahu arandɨ. Mbumundɨ tüküfe hohoanɨmo ranana ndahurai-ane. Se Ågɨrɨ randɨhi hohoanɨmondeihɨya, ‘Nindou dɨdai sünambe magafua?’ mbɨsei. Hoafɨ ranahandɨ nɨmɨndɨ ra ‘Dɨdai sünambe gafu Krais sɨhefɨmbo nderümündü makuda?’ 7 Asu se Ågɨrɨ randɨhi hohoanɨmondeihɨya, ‘Nindou dɨdai hɨfɨnɨ yɨfambe ranambe magada?’ mbɨsei. Hoafɨ ranahandɨ nɨmɨndɨ ra ‘Dɨdai gadü hoÅguambeahɨndɨ Krais nderümündü madüfua?’ 8 Åga mbumundɨ tüküfembo hohoanɨmo hoafɨ ra ndahurai-ane: ‘Hoafɨ ranana akɨmɨ sɨhafɨ fikɨm-ane, sɨhafɨ yafambe hoearɨ ranɨwamɨ eÅgoro asu sɨhafɨ Ågusüfo ranambe.’ Sapo anɨhondümbofe hohoanɨmo hoafɨ ranane ro bokarɨhehu arɨhundɨ ra. 9 Se sɨhafɨ yafambenambo weindahɨ yaro hoafɨyafɨhüya, ‘Sisas ai wandɨ Adükar-ani,’ safɨ mbura, asu sɨhafɨ Ågusüfo ranambo God sapo Sisasɨmbo yɨfɨhündɨ botɨmarirɨ ranahambo anɨhondümbo-arowandɨ ana, se aboedambo-ndafoamboyafɨ. 10 Åga sɨhafɨ Ågusüfoambe anɨhondümbo-rɨwandanɨ God ai nindou mbumund-anafɨ yahuhaya asu sɨhafɨ yafambe ranambo weindahɨ hoafɨyafanɨ God ai aboedambo-ndeanɨnɨmbui. 11 Bukambe hoafɨ ranai hoafɨyowohü yahoya, ‘Nindou düdi ahambo anɨhondümbo-arirɨ ana, nindou ranai Ågɨrɨ amoanɨÅgɨndu,’ meho. 12 Suda-anei asu Suda-yafe ndɨfo rananei ranai Ågorü-poanɨmbo Ågorü-poanɨmbo-yahimboyeipoanɨ, Åga nindou Godɨndɨ hɨmboahü mamɨ sɨsɨmogodɨ yaÅgɨr-anei. God aiana muÅguambo nindou ranahei Adükar-ani. Asu nindou muÅguambo dɨdɨyei ai ahamboya farɨhawandürɨ sei arɨhündɨ ranaheimbo aboedɨ-aboedɨreandürɨ arandɨ. 13 Ranɨmboyo Bukambe yare hoafɨyowohüya, ‘MuÅguambo nindou ai Adükarɨmboya farɨhawandürɨ sei hoafɨyei arɨhündɨ ana, ai aboedambo-ndahimboyei,’ meho. 14 Åga asu nindou ranai anɨhondümbofe-koatendeihɨ ana, Ågɨrɨ ahambo hoafɨndahündo. Asu ai hoafɨ ranahambo hɨmborɨkoate-ndeihɨ ana, Ågɨrɨ ahambo anɨhondümbo-ndɨhorɨ. Nindou ranai hoafɨ ra bokarɨ-hefekoate-ndɨmondanɨ asu ai Ågɨrɨ hɨmborɨndei. 15 Asu nindou koehefepura hokoate-ayomo ana, ai Ågɨrɨ bokandɨhoundɨ. Åga Bukambe yare hoafɨyowohü yahoya, ‘Nindou aboedɨ hoafɨ sahümündi asɨnei ra aboedɨ safane,’ meho. 16 Åga asu Suda yimbu-mamɨ yaÅgɨrɨ ai aboedɨ hoafɨ ranahambo sahümündi süÅgurɨhimboanei. Åga Aisaia ai yare hoafɨyuhü yahuya, ‘Adükarɨ, nindou ai yɨhoefɨ-mayo hoafɨ ra moai anɨhondümbo-rɨhindɨ,’ mehu. 17 Åga ranɨ-moatükunɨ ra ndahurai-ane: aboedɨ hoafɨ ra hɨmborɨyeihɨyei asu anɨhondümbofe tükümefeyo. Asu Krais ranahambo hoafɨ bokarɨhefembo aboedɨ hoafɨ ra hɨmborɨyeihanei. 18 Åga asu haponda ro düdueheandɨ, Anɨhondüyo Suda ai Godɨndɨ hoafɨ ra hɨmborɨkoate-mayei? Wanɨ. Hoafɨ ra ai anɨhondü hɨmborɨmayeisɨ. Åga Bukambe yare hoafɨyowohü yahoya, ‘MuÅgu-moatükunɨ God ai nafɨmarandɨ ranahandɨ hoafɨ ra muÅguambo hɨfɨ ranɨhü ho tükümefeyo, ahei hoafɨ muÅguambo hɨfɨ kaiyowohü ho tükümefeyo,’ Buk Song 19:4 meho. 19 Asükaiya ro düdueheandɨ, Awi Israer ai moai fɨfɨrɨhindɨyo? Ai fɨfɨrɨmarɨhindɨ. God ai Mosesɨndɨ süÅgure hoafɨyuhü yahuya, ‘Ro Suda-yafe ndɨfo ai mamɨ ranɨnɨ-poedɨyefɨpoanɨ ranaheimbo fandɨheheiranɨ, asu Israer se Ågusüfoambe moaruwai-ndeimboyei. Ro Suda-yafe ndɨfo ai fɨfɨrɨfekoate-yeimbɨ ranaheimbo fandɨhehe-andüranɨ, asu Israer se Ågusüfoambe Ågɨnɨndɨ-ndeimboyei,’ Æo 32:21 mehu. 20 Asu süÅgunambo Aisaia ana ai moai hoafɨmbo yɨhɨmboyu, Åga God ai ahandɨ süÅgure yare hoafɨyuhü yahuya, ‘Nindou wambo kokoendɨrɨkoate-mayei ranɨyei wambo hoeimarɨhindɨrɨ. Roana nindou wambo hohoanɨmoyokoate-mayei ranaheimbo sowahɨ weindahɨ tükümeheandɨ,’ Aisaia 65:1 mehu. 21 Åga asu Israerɨmbo ai yare hoafɨyuhü yahuya, ‘Ro nɨmbɨ-nɨmbɨsi nindou hoafɨ mbahɨrɨhe-hindeimbɨ asu hɨmborɨkoate-yeimbɨ ranaheimbo wandɨ warɨ kɨkɨhɨrɨha-mɨndɨndürɨ arɨhandɨ ai-babɨdɨ aboedɨ-aboedɨfembohünda,’ Aisaia 65:2 mehu.