Weindahɨfembo 5
PNG1 Ranɨyo asu adükarɨ bogorɨndɨ nɨmarɨ-fondɨ ranɨwamɨ nindou mamaru ranahandɨ warɨhondü waranɨ ro hoeirɨheandanɨ pepa hoandarɨ mamɨ nɨmɨharɨfihɨ Ågamondɨfeimbɨ ahandɨ ndürɨ skror ai meÅgoro. Asu pepa-mayo ranɨfihɨ yɨboboanɨ sürü papɨyoweimbɨ mayowa, asu ranahambo nɨmɨ horɨ nahurai 7-nambo hɨmondɨyɨmɨndɨ masɨhefeyo. 2 Asu ro hoeirɨhenda sünambeahɨndɨ nendɨ Ågɨnɨndɨ hondü ranai hoafɨyuhü yahuya, “Nindou düdi aboedɨ mbumundɨ ndorɨhoeimb-aiyu ai pepa nɨmɨharɨfihɨ Ågamondɨfeimbɨ-mayo ranahambo nɨmɨ horɨ ranɨnambo hɨmondɨmemɨndo ra kɨkɨnde fufudɨgai haya pepa ra Ågurɨma-ndeanda?” mehu. 3 Åga asu nindou sünambeahɨndɨyu, hɨfɨnɨndɨyu, hɨfambeahɨndɨ ragupoedɨyu mamɨ ai-amboanɨ Ågɨrɨ pepa-mayo ranahambo Ågurɨnde hoeinde asu ragu wagabe hɨmbondu, Åga wanɨ. 4 Pepa nɨmɨharɨfihɨ Ågamondɨfeimbɨ-mayo ranahambo Ågurɨ-Ågurɨfe asu wagabe ragu samoÅgorɨ-foefembo-mayo nindou mamɨ ai nɨÅgokoate-mayuwa hoeifekoate-mayefɨ. Ranɨmboanahɨ ro moanɨ afɨndɨmbo aranɨmboaho Ågusümboarɨ hɨmboarɨ-mayahɨ. 5 Ranɨyu asu nindou boagɨrɨ-mayu ranai wambo hoafɨyundɨrühɨ yahuya, “E! Se aranɨndamboyafɨ! Se hɨmboyafɨ! Raion Suda sɨrambeahɨndɨ sei-arɨhündɨ sapo Defitɨndɨ amoao adükarɨ-mayu ranai awi yifiarɨyu tɨtaboafoare-randeimb-ani. Ranɨmboane asu ai-anɨmbo nɨmɨ horɨnambo hɨmondɨmemɨndo 7 ra kɨkɨnde haya pepa nɨmɨharɨfihɨ Ågamondɨfeimbɨ-mayo ra Ågurɨ-Ågurɨndeambui,” mehu. 6 Asu ro hoeirɨheandanɨ Adükarɨ bogorɨndɨ nɨmarɨfondɨ-mayo ranɨ mbusümondühɨ Sipsip Nɨmorɨ ra manüÅgu. Ranɨyo asu ahambo yimbuyimbu yaÅgɨrɨ nɨÅgoweimbɨ moatükunɨ-mayei ranɨyo asu boagɨrɨ nindo-memo ranai Sipsip Nɨmorɨ ranahambo wakɨyomo türu houmbo manɨÅgomo. Refeyowohüyo asu Sipsip Nɨmorɨ ranai hɨfokoefe sɨhefembo hɨmboyohaya meÅgoro. Sipsip Nɨmorɨ ranai 7 daburüdümbɨyo asu 7 hɨmboarümbɨyo. Asu ai ra Godɨndɨ 7-yifiafɨ-yei sapo muÅguambo hɨfɨna koamarɨhendüra makosei. 7 Sipsip Nɨmorɨ ranai ho adükarɨ bogorɨndɨ nɨmarɨfondɨ-wamɨ nindou mamaru ranahandɨ warɨhondü waranɨpoedɨ sapo pepa nɨmɨharɨfihɨ Ågamondɨfe masɨhefeyo ra kosɨmaramɨndo. 8 Sipsip Nɨmorɨ ranai ramareandamboyo asu sapo yimbuyimbu yaÅgɨrɨ nɨÅgoweimbɨ moatükunɨ-mayei ranɨyei asu 24 boagɨrɨ-memo ranai muÅguambo ahandɨ haÅgɨfoanɨ yirɨyimbu pusɨrɨhi mamarei. MuÅguambo mamamɨ boagɨrɨ-memo ranai fandɨyo-rambo moatükunɨ hap ra fufuründümo asu gorɨnambo nafɨyoweimbɨ dis warambemaründümo ranambe fɨsɨÅarümbɨ moatükunɨ foafusimbüyo. Ranana Godɨndɨ yaÅgɨrɨ nindou-yei dɨdɨbafɨfe ranɨyo. 9 Asu ai yaru heirü sɨmborɨ heirüyomondühɨ yahomoya, “Seana nindou moanɨ aboedɨ hamɨnd-anafɨ. Pepa nɨmɨharɨfihɨ Ågamondɨfeimbɨ semɨndɨ hefe asu nɨmɨ horɨnambo hɨmondɨyɨmɨndɨ masɨhefeyo ra kɨkɨfe Ågurɨ-Ågurɨfembohünda se Ågɨnɨndayafɨ! Nɨmboe sapo sɨhambo hɨfokoama-rɨhinɨna yɨfɨmayafɨ, ranɨmbohünda asu sɨhafɨ horɨ ranambo muÅguambo sɨrɨ, muÅgambo hoafɨmbü, muÅguambo hɨfɨhündɨ asu muÅguambo fi ra Godɨmbo-hünda hɨhɨro masowandɨfɨ-ndürɨ. 10 Asu se aheimbo Godɨmbo sesɨ sai-rambohünda nindou adükarɨ bogorɨmbo-rowandürühɨ hɨnɨÅgɨma-rowandürɨ ahandɨ ratüpurɨ ratüpurɨyo-rambohünda. Asu aiana muÅgua hɨfɨ hɨbadɨhümboyei,” yahomo heirümayomo. 11 Ranɨyo asükaiya hɨmboyahane sünambeahɨndɨ nendɨ afɨndɨ tapuiyoanɨ tausenɨyo mirionɨyo-randeimbɨ-yomondɨ yafambe hɨmborɨmayahɨ. Asu ai sapo Adükarɨ bogorɨndɨ nɨmarɨfondɨ ranahambo, yimbuyimbu yaÅgɨrɨ nɨÅgoweimbɨ moatükunɨ-mayo, asu boagɨrɨ nindou-memo ranaheimbo muÅguambo wakɨyomo türu houmbo manɨÅgomo. 12 Ranɨyomo asu ai puküna heirüyomondühɨ yahomoya, “Sapo Sipsip Nɨmorɨ hɨfokoamefiyu ranai ana nindou aboedɨ hamɨnd-ani. Asu ai hɨfandɨmbo Ågɨnɨndɨ, muÅguambo aboedɨ moatükunɨ, aboedɨ fɨfɨrɨfe, Ågɨnɨndɨ ra mbɨsemündu-amboane. Asu muÅguambo nindou ranahambo ndürümbɨ adükar-ani mbɨsei-wamboane, ahambo hɨhɨfɨ-hɨhɨfɨmbɨrɨ-horɨmboane, asu ahambo hɨhɨfɨmbɨrɨ-horɨmboane,” yahomo houmbo heirümayomo. 13 Ranɨyo hɨmborɨyahane, muÅguambo moatükunɨ sünambe eÅgoro, hɨfɨ ndanɨhü eÅgoro, hɨfambe ragu hoarehɨ eÅgoro, asu muÅguambo moatükunɨ sɨrɨwara-ambe eÅgoro ranai rarɨhi heirüyeihɨ seiya, “Nindou sapo ahandɨ adükarɨ bogorɨndɨ nɨmarɨfondɨ-wamɨ amaru asu Sipsip Nɨmorɨ amboanɨ ranahafanɨmbo muÅguambo ai hɨhɨfɨmbɨrɨhü-pɨramboane adükarɨ ndüreimb-anafanɨ mbɨseiyei-amboane ahafanɨmbo hɨhɨfɨ-hɨhɨfɨmbeyei-amboane asu ai Ågɨnɨndɨ mbɨsowandɨfand-amboane,” masei. 14 Asu yimbuyimbu yaÅgɨrɨ nɨÅgoweimbɨ moatükunɨ ai rarɨhi sɨmborɨ hoafɨyeihɨ seiya, ‘Anɨhond-anesɨ,’ masei. Ranɨyomo asu nindou boagɨrɨ-memo ranai yirɨyimbu pusɨru nɨmarɨmombo heirünambo ahafanɨmbo kakɨsaorupɨrühɨ aboed-anafanɨ mehomopɨrɨ.