Weindahɨfembo 11
PNG1 Ranɨyo asu wambo sɨmoÅgorɨfe-rambo nɨmɨharɨ nɨmɨndɨ nahurai sendɨrɨ mbura hoafɨyuhü yahuya, “Nɨmɨharɨ ranambo Ågafɨ Godɨndɨ worɨ asu ahambo sesɨ mandɨfe hasɨhonɨ ra sɨmoÅgorɨ-ndowandɨ. Asu nindou dɨdɨyei worɨ ranambe amarei ranaheimbo tapuindafɨndürɨ. 2 Åga asu Godɨndɨ worɨ ranahandambo papɨ weindanɨ anɨÅgo ranana yowanɨ se sɨmoÅgorɨ-ndowamboyafɨ. Ranana sapo nindou Suda-yafe ndɨfo ranaheimbo hɨnɨÅgɨmefeyo-ane. Ranɨ nindou ranai-anɨmbo Godɨndɨ Ågoafɨ adükarɨ ranahambo 42 amoamombo pühɨndei kɨkɨmɨboadɨ-himboyei. 3 Rananɨmbo asu ro nindou koandɨheheapɨra afɨndɨ hohoanɨmo-yomombo hoearɨ güdüne hena wandɨ hoafɨyaheimbɨ hoafɨ hoafombohünda kodamboyafanɨ. Rananɨmbo ai Godɨndɨ hoafɨ ra wataporɨmbo-ndɨnamboyafanɨ 1,260 si aho ranambe,” mehundɨrɨ. 4 Nindou yimbu ranai ana sapo orif nɨmɨ yimbu asu ram hai yimbu muÅguambo hɨfɨ ranahei Adükarɨ anüÅgu ranahandɨ haÅgɨfoan-ane anɨmbafanɨ. 5 Nindou yimbu ranahafanɨmbo düdi ai moaruwaimbo-fepɨrɨmbo ehu ana, asu ahafandɨ yahamo-nafɨ hai ranai tükündɨfehü ranɨ-moatükunɨ ranambo ahafanɨmbo moaruwaimbofe-pɨrɨmbo nindou ranaheimbo hai tɨkɨrɨnda-ndürɨmboe. 6 Ai Ågɨnɨndɨ sowandɨfanɨmbo-anafanɨ Godɨndɨ hoafɨ bokarɨhefembo sɨmboanɨ sünambeahɨndɨ hoe kosɨwa kɨkɨhemɨndɨmbo ra. Asükai ai Ågɨnɨndɨ sowandɨfanɨmbo-anafanɨ hoe ra horɨ nahuraimbofe tüküfembo amboa. Asu hɨfɨnɨndɨ nendɨ aheimbo moaruwai moatükunɨ refeyoanɨ moaruwaimbo-fendürɨmbo amboa ahafandɨ hohoanɨmo süÅgu refembo asafanɨ ra randɨneamboyafanɨ. 7 Godɨndɨ hoafɨ ra ndeara wataporɨmborɨnɨ moendɨneandan-anɨmbo nɨmambeahɨndɨ nɨnɨhondɨ hɨfambe akɨmɨ kai-koateimbɨ ranambeahɨndɨ tüküfe arandɨ ranai ai-babɨdɨmbo yifiarɨndɨmboe. Ai ahafanɨmbo Ågasündeapɨrɨ haya hɨfokoa-ndeapɨrɨmboe. 8 Asu ahafandɨ yɨfɨ-nɨmoko ranai Ågoafɨ ranahandɨ bogorɨ nafɨnɨ yagodɨmboyafanɨ, sapo ahafandɨ Adükarɨ nɨmɨ keimbɨ karɨhendeimbɨ-fihɨ tɨkoründümo pamarüwurɨ houmbo hɨfokoarüwurühɨ. Adükarɨ Ågoafɨ ranahambo kafoefe hoafɨ ranana Sodom asu Isipɨyo. 9 MuÅgua hɨfɨhündɨ nindou, mamamɨ sɨrɨ, mamamɨ hoafümbɨ asu mamamɨ fi-hoearɨ ai Ågɨmɨyo mbura Ågorü sinambo hombo hüfünɨmboyo ahafandɨ yɨfɨ-nɨmoko ra hɨbudundɨhü-pɨrɨmboyeisɨ, Åga asu Ågɨrɨ hɨfɨ kandɨhipɨrɨ. 10 Hɨfɨ ndanɨhündambo nindou ai hɨhɨfɨ-hɨhɨfɨ-ndeimboyei sapo nindou yimbu ai yɨfɨmefandɨ ranahambo. Ai sesesɨ-ndeihɨ hɨhɨfɨ-hɨhɨfɨ-ndeihɨ asu aboedɨ napo sɨmborɨ saindeimboyei nindou yimbu Godɨndɨ hoafɨ hoafɨyafanɨ-rɨnandeimbɨ ai nindou ranaheimbo afɨndɨ hamɨndɨ tɨÅɨrɨfo masabɨnandürɨ ranɨmbo. 11 Ågɨmɨyo mbura Ågorü sinambo hombo hüfünɨmboyo yaÅgɨrɨ nɨÅgombo yafui ra God ai koamafoareanda kosɨ ahafandɨ fiambemefeyowa ai botɨmefɨneanda, asu nindou muÅguambo ai ndarɨhi hoeirɨhipɨra mayowa yɨhɨmbomayei. 12 Ranɨyo asu Godɨndɨ hoafɨ hoafɨyafanɨ-rɨnandeimbɨ ai hɨmborɨ-yafandane, sünambeahɨndɨ hoafɨ mamɨ puküna ahafanɨmbo hoafɨyopɨrühɨ yahoya, “Mborai ndühɨ sühüfanɨ,” meho. Ahafanɨmbo hɨfokoa-marɨhipɨrɨ ai hɨmboapoyeiane, asu ai mburɨÅgai bɨtapɨrɨne hena sünambe mahahüfanɨ. 13 Asu ranɨ-sɨmboanɨ hamɨndɨ hɨfɨhe afɨndɨ ranai tüküfehüyo, adükarɨ Ågoafɨ ranahandambo mamɨ bɨdɨfɨrɨ bɨrefoai pütapɨyowohü asu 9 bɨdɨfɨrɨ nɨÅgohüyo 7,000 nɨmorehɨ nindowenihɨ ra hɨfokoako-mafoareandürɨ. Nindou bodɨmondɨ yaÅgɨrɨ manɨboadei ai yɨhɨmboyeihɨ God sünambe amaru ranahambo adükar-ani masei. 14 Yimbu noufimbɨ tɨÅɨrɨfo ranana ndeara muÅguyomboane, Åga se hɨmborɨyei Ågɨmɨ noufimbɨ tɨÅɨrɨfo ranai ndeara akɨmɨ tüküfembo yahomboane. 15 Ranɨyo asu sünambeahɨndɨ nendɨ 7 noufimbɨ ai fufuÅɨmayu. Ranɨyo asu sünambeahɨ nindou afɨndɨ hoafɨ ranai puküna hoafɨyeihɨ seiya, “Ågɨnɨndɨ semɨndɨ hefe muÅgua hɨfɨ ra hɨfandɨmbo ana sɨhefɨ Adükarɨ asu nindou sɨhefɨmbo aboedambofe-munɨmbo kamafoarirɨ Krais ahafand-ane, asu ai-anɨmbo koadürümbo-koadürümbo hɨbadambui,” masei 16 Ranɨyomo Godɨndɨ haÅgɨfoanɨ 24 boagɨrɨ nindou ahamundɨ nɨmarɨ-fondɨwamɨ mamarɨmo ranai hɨfɨnɨ yirɨ-yimbu pusɨru mbɨro pütapɨyomo mburu Godɨmbo aboed-ani mehomo. Ai hoafɨyomondühɨ yahomoya, 17 “Adükarɨ, se God muÅguambo Ågɨnɨndeimb-anafɨ. Seana haponda anɨmbafɨ, horombo manɨmbafɨ! Sɨhafɨ Ågɨnɨndɨ ra sowandɨfɨ hawa asu muÅguambo hɨfɨ pɨyafɨ hawa hɨfandara hafɨ ranahambo sɨhambo ro hɨhɨfarɨhunɨnɨ. 18 Hɨfɨ ndanɨhünda nindou ai Ågɨnɨndɨmayei sapo sɨhafɨ Ågɨnɨndɨmbo si ra tükümefeyowa, asu yɨfɨyeimbɨ nindou aheimbo yɨbobo-fendürɨmbo si ranamboa tükümefeyowa. Sɨhafɨ ratüpurɨyomo-rundeimbɨ, sɨhafɨ hoafɨ hoafɨyomo-rundeimbɨ asu sɨhafɨ muÅguambo nindou akɨdouyo adükarɨyo sapo sɨhambo yɨhɨmboarɨhünɨnɨ ranaheimbo aboedɨ moatükunɨ saimbo si ra tüküfemboane. Åga asu nindou dɨdɨyei hɨfɨ moaruwaimbo-marɨhindɨ ranaheimbo moaruwaimbo-fendürɨmbo si ranɨ amboa ndeara tükɨfemboane,” mehomo. 19 Sünambeahɨ Godɨndɨ worɨ ranahandɨ yipurɨ ra sübüdɨhoehü asu ahandɨ nendɨmbo hoafɨ fɨramündü masɨhendɨ bokis ra weindahɨmayowa hoeimarɨhindɨ. Ranɨyo wabürüsɨyo wakɨreandühɨ asu fuyowohüyo nɨmoamonɨndɨ hoafɨ ai pai kapeihü kɨkɨrandühɨyo asu hɨfɨhe tüküfehü kɨfohɨ nɨmoei nahurai pütapɨmayo.