Mak 4
PNG1 Sisas ai asükai Gariri kurɨhoe kɨmɨ nindou yamundɨfe ratüpurɨ ra botɨmareandɨ. Nindou afɨndɨ ranai ahandɨ hoafɨ hɨmborɨmbo mafandeanda botambe farɨfi hoe haÅgɨfo-wamɨ mamaru. Asu nindou ranai gudianɨ hoe kɨmɨ mamarei. 2 Sisas ai aheimbo kafoefe hoafɨnambo yamundeandürühɨ yahuya, “Nindou mamɨ ai nümbürambe hu sesɨ ahurɨ bubumarandɨ. 4 Ai hu sesɨ ahurɨ ra buburandane bɨdɨfɨrɨ ai nafɨnɨ pütapɨmayoa ndu ai tüküyahi masahüsi. 5 Bɨdɨfɨrɨ nɨmoei yahafɨ safambe hɨfɨ akɨdou yaÅgɨrɨ nɨÅgowambe pütapɨmayo. Hɨfɨ ra ragu hanɨkoate-wambo ahurɨ ranai nɨmai tütükɨmayo. 6 Åga asu hüfɨhamɨndɨ ai pɨyowohüyo ahurɨ hapoadümbo maforo ra sore soremarandɨ. Sapo ahasɨharɨ ranai hɨfambe ragu hanɨkoate-wambo asu muÅgu yapataparɨmayo. 7 Asu bɨdɨfɨrɨ ahurɨ ranai tɨhoarɨ tɨhoarümbɨ wofɨ ranambe pütapɨmayoa gabudandühɨ hɨsɨkoatemayo. 8 Asu ahurɨ bɨdɨfɨrɨ ai hɨfɨ aboedambe safɨ pütapɨyowohü hɨsɨmayo. Nɨmɨndɨ mamɨ ranahandambo bɨdɨfɨrɨ ai 100 hɨsɨyo, asu bɨdɨfɨrɨ ai 60 hɨsɨyo, asu bɨdɨfɨrɨ ai 30 hɨsɨyo,” mehu 9 Hoafɨ moendɨfembo yahumbo Sisas ai hoafɨyundürühɨ yahuya, “Nindou ai hɨmbo-ambeimbɨndühɨ ana, hoafɨ nda hɨmborɨmbiyu-wamboane,” mehu. 10 SüÅgunambo nindou afɨndɨ ranai bukürefoendane Sisas yaÅgɨrɨ mamaruwa ahandɨ süÅgururü-rundeimbɨ 12-yomo asu nindou ahambo süÅgurɨhorɨ-rɨhündeimbɨ ai kafoefe hoafɨ ranahambo düdumehindɨ. 11 Asu Sisas ai sɨmborɨ hoafɨyundürühɨ yahuya, “God Ågɨnɨndɨ hɨfandarandɨ ranahandɨ dɨbo hoafɨ nɨmɨndɨ ra se fɨfɨrɨfembo-hünda God ai masagadürɨ, Åga nindou weindanɨ manɨboadei ranaheimbo ana kafoefe hoafɨ yaÅgɨrɨyo hoafɨmayu. 12 Ranɨmboane, Ai afɨndɨmbo hɨmboarɨ papɨndeimboyei, Åga ai Ågɨrɨ türüboadɨhi fɨfɨrɨndɨhindɨ. Ai afɨndɨ hoafɨ hɨmborɨndeimboyei, Åga ahandɨ nɨmɨndɨ Ågɨrɨ fɨfɨrɨndɨhindɨ. Ranɨmbo-anɨmbo ai wambo sowana asükai hɨhrɨndahi dɨdeiyanɨ God ai ahei moaruwai hohoanɨmo ra amboawi mbüsümbui,” Aisaia 6:9-10 mehu. 13 Sisas ai ahamumbo hoafɨyupurühɨ yahuya, “Awi se kafoefe hoafɨ ranahandɨ nɨmɨndɨ ra moai fɨfɨrundɨyo? Asu refeana bɨdɨfɨrɨ amurɨ kafoefe hoafɨ ra nüÅgundu fɨfɨrɨ-mandunda? 14 Nindouyei mbusümo Godɨndɨ hoafɨ wataporɨmboayo ana, sapo nindou sesɨ ahurɨ nümbürambe buboafoareandɨ nahuraiane. 15 Hoafɨ nafɨnɨ pɨrayo ana, sapo nindou Godɨndɨ hoafɨ hɨmborɨyeihanei, Åga Satan ai nɨmehünou hoafɨ ra nindouyei mbusümonɨndɨ semündü raguanambo-reandühani. 16 Bɨdɨfɨrɨ sesɨ ahurɨ nɨmoei yahafɨsafambe pütapɨmayo nahuraiane. Ai Godɨndɨ hoafɨ ra hɨmborɨyei hehi nɨmehünou semɨndɨmbo hɨhɨfɨ-hɨhɨfɨyeihɨ-anei. 17 Åga ai moai hoafɨ ra ndorɨhi sahümündia ahei Ågusüfoambe ragu Ågɨnɨndɨ nɨmaro, Åga ai moanɨ akɨdou yaÅgɨrɨ Ågɨnɨndɨ nɨmboeihɨ anei. Ai Godɨndɨ hoafɨ hɨmborɨyei masahümündi ranahambo refe hoeifembo nindou Ågorü ai tɨÅɨrɨfo sehindanɨ nɨmehünou hɨnɨÅgɨrɨhindühɨ-anei. 18 Bɨdɨfɨrɨ ai sesɨ ahurɨ tɨhoarɨ-tɨhoarümbɨ wohambe pütapɨmayo nahuraiane. Nindou ranai hoafɨ hɨmborɨyeihaneisɨ, Åga ai hɨfɨndɨ moatükunɨmbo afɨndɨ hohoanɨmoyeihɨ napo afɨndɨ semɨndɨmbo Ågusüfo parɨhindühɨ Godɨndɨ hoafɨ ranahambo gabudɨfoareanda asu ahurɨ ranai Ågɨrɨ hɨsɨndo. 20 Asu sesɨ ahurɨ hɨfɨ aboedambe bubumayoa aboedɨ tükefeyo ranana sapo nindou düdi ai hoafɨ hɨmborɨyu haya fɨfɨreandühɨ tümafoareandɨ nahuraiane. Ranɨyo bɨdɨfɨrɨ ai hɨsɨ aboedɨ hɨsɨyowohü bɨdɨfɨrɨ ai 100 hɨsɨyo, bɨdɨfɨrɨ ai 60 hɨsɨyo, asu bɨdɨfɨrɨ ai 30 hɨsɨyo marandɨ,” mehu. 21 Sisas ai ahambo süÅgururü-rundeimbɨmbo hoafɨyupurühɨ yahuya, “Awi nindou ai ram hai wambürɨ asu fondɨ hoarehɨ dɨbonapɨmandɨhiyo? Wanɨ, Åga ram ra fondɨwamɨ nɨmoamo ane nindɨhi arɨhündɨ. 22 MuÅguambo moatükunɨ haponda dɨbombo eÅgoro ra süÅgunambo ana weindahɨ tükündɨfemboe. Asu nɨne-moatükunɨ gabudɨhi masɨhehindɨ ra süÅgunambo ana weindahɨ yagodomboe. 23 Nindou ai hɨmboambeimbɨndühɨ ana, hoafɨ nda hɨmborɨmbiyu-wamboane,” mehu. 24 Asükai hoafɨyupurühɨ yahuya, “Hoafɨ hɨmborayomo ra se wudɨpoapondu hohoanɨmondɨmo. Se nindoumbo yimbuarɨhindürɨ ranɨ sɨmogodühɨ anɨmbo God ai sɨheimbo yimbundearühɨ asu Ågorü bɨdɨfɨrɨ pandeambui. 25 Nindou düdi ai bɨdɨfɨrɨ moatükuneimbayu ana, God ai asükai bɨdɨfɨrɨ dagadombui. Åga nindou düdi ranɨ-koateayu ana, nɨne akɨdou ahandɨ warambeahɨndɨ ra ndemündü raguanambo-ndeambui,” mehu. 26 Sisas ai asükai hoafɨyuhɨ yahuya, “God Ågɨnɨndɨ hɨfandarandɨ ranana nindou sesɨ ahurɨ nümbürambe buboafoareandɨ nahuraiane. 27 Nindou ranani apuwanɨyo asu yaÅgɨrɨ ahandɨ ratüpurɨ ratüpurɨyuwanɨyo nɨmbokoanɨ sɨrühɨ sesɨ ahurɨ adükarɨ tükefeyo ra ai moai fɨfɨreandɨ. 28 Hɨfɨ yaÅgɨrane sesɨ ahurɨ ra rareanda adükarɨ tüküfehü hɨsɨyo arandɨ. Ai moai fɨfɨreandɨ nüÅgureambombai weaÅgurühɨ emündɨ boatei tükündɨfe mbunda mbɨro ahurɨ tükündɨfihü anɨmbo ranambe hɨsɨ tükündɨfemboe. 29 Hɨsɨ ranai ho Ågɨnɨndɨyowa nümbürɨ aharambürɨ ranai yimuÅgure-mɨndɨmboyo sɨmboanɨ yimuÅguramündɨ arandɨ,” mehu. 30 Sisas ai asükai hoafɨyuhɨ yahuya, “Sɨhɨrɨ God Ågɨnɨndɨ hɨfandarandɨ ranahambo nüÅgunahuraiane mambɨsefa? Ranahambo hoafɨmbo nɨnɨ-kafoefe hoafɨnambo hoafɨmandefa? 31 God Ågɨnɨndɨ hɨfandarandɨ ranana hambomo hoarɨ nahurai akɨdou ahandɨ ndürɨ mastet hoarɨ hɨfɨ kararowandɨ nahuraiane. 32 Åga hɨfefeyo ana, tɨkoanɨ nahurai tüküfe haya adükarɨ hamɨndɨ amurɨ nümbürambeahɨndɨ sesɨ ranahambo Ågasündeandühane. Ranane afɨndɨ düdüdü papɨre haya nɨÅgowanɨ, ndu ai hei ranɨwamɨ Ågɨsɨharühɨ Ågeramborühɨ arɨhündɨ,” mehu. 33 Sisas ai nɨmorehɨ nindowenihɨ afɨndɨ ranaheimbo kafoefe hoafɨ afɨndɨ wataporɨmbomarandɨ ahei hohoanɨmo ra sɨmogodühɨ. 34 Ai ranaheimbo kafoefe hoafɨnambo yaÅgɨrɨ wataporɨmborandürɨ marandɨ. Åga ahambo süÅgururü-rundeimbɨ aiyaÅgɨrɨ nɨmarɨmondanɨ ana, hoafɨ ranahandɨ nɨmɨndɨ ra yamundeapurɨ-marandɨ. 35 Mamɨ ranɨ nɨmbambe ahambo süÅgururü-rundeimbɨmbo yahuya, “Sɨhɨrɨ Gariri kurɨhoe ra Ågorü-goanɨnɨ Ågefomboane,” mehupurɨ. 36 Ranɨyo nɨmorehɨ nindowenihɨ afɨndɨ ra raru hɨnɨÅgɨrüwurɨ houmbo bot Sisas mamaru ranambe fareafu houmbo sowaründümo mahomo. Asu bot bɨdɨfɨrɨ amurɨ ranai amboanɨ ai-babɨdɨmbo maho. 37 Ai hɨfomondane, Gariri kurɨhoe ranambe Ågɨnɨndɨ hamɨndɨ werɨ ranai tükümefeyo. Ranɨyo hoe ranai hafo kaifoairandühɨ tükühefembo yaÅgɨrɨmayo. 38 Asu Sisas ai daboadanɨ pirowamɨ mbɨro nande haya apuane, ahambo süÅgururü-rundeimbɨ ai yaÅgɨrɨ ruwurühɨ yahomoya, “Nindou Yamundo-randeimbɨ, sɨhɨrɨ yɨfɨmbo yaÅgɨrayefɨ ranahambo awi se moai hohoanɨmoyafɨyo?” mehomondamboyu. 39 Sisas ai botɨfi hoe asu werɨ ranahafembo Ågɨnɨndɨ hoafɨyupɨrühɨ yahuya, “Rühüsafɨ kɨkɨndandɨfe,” mehua hoafɨ nɨÅgowambe kɨkamɨndühɨyo hoe asu werɨ ai afure pimareandɨ. 40 Sisas ai ahambo süÅgururü-rundeimbɨmbo hoafɨyupurühɨ yahuya, “Nɨmboe se yɨhɨmboayomoa? Awi se anɨhondümbofe-koate-wamboyomo?” mehu. 41 Ahambo süÅgururü-rundeimbɨ ai ahamundɨhoarɨ sɨmborɨ ndüwurɨyomondühɨ yahomoya, “Nindou nda nüÅgunahurai nindouyua? Moanɨ hoe afɨndɨ-afɨndɨmayo asu werɨ ranai ahandɨ hoafɨ hɨmborɨyafehü afurɨmarɨneandɨ,” mehomo.