Mak 11

1 Sisas ai ahambo süÅgururü-rundeimbɨ babɨdɨmbo Serusarem Ågoafɨkɨmɨ akɨmɨ tɨfɨrundühɨyomo Orif hɨfɨ wafuhɨ Betefage asu Betani Ågoafɨhü tükümefundɨ. Ai ahambo süÅgururü-rundeimbɨ yimbu koarɨhepɨrühɨ yahuya, 2 “Ågoafɨ gogu anaÅgo ranɨnambo Ågafanɨ. Se Ågoafambe tükündafɨneandühɨ doÅgi hoarɨfɨ nindou ai horombo semɨndɨ hokoate nɨmɨfihɨ wofɨnambo hɨmondɨndümo hɨnɨÅgɨndundanɨ nɨÅgowa nɨmehünou hoeindɨneamboyafanɨ. Se wofɨ fufurɨndɨhene hena ndowandɨfanɨ dügüfanɨ. 3 Asu nindou mamɨ ai sɨhafanɨmbo düdundüfipɨrühɨya, ‘Nɨmboe doÅgi ra sowandɨfanɨ ahüfana?’ ehu ana, asu se hoafɨndafɨnandowohü anɨmboya, ‘Adükarɨ ai ranambo ratüpurɨndu mbunda Ågɨrɨ amɨtata koandɨhendɨ,’ mbɨsafanɨ,” mehu. 4 Ai hafanɨ hoeirɨneandane doÅgi ranai nafɨnɨ worɨ nafɨtambe kɨmɨ hɨmondɨrundümo hɨnɨÅgɨrundanɨ manɨÅgo. 5 Ai wofɨ fufurɨheneandane, nindou akɨmɨ manɨÅgomo ranai düdurüpɨrühɨ yahomoya, “Se nɨnɨ-nünüÅgufemboyo doÅgi ra wofɨ fufurarɨheneanda?” mehomondambo-yafanɨ. 6 Asu Sisas ai hoafɨmayupɨrɨ süÅgu sɨmborɨ hoafɨmefɨnapurɨ. Ranɨyo nindou-memo ranai doÅgi ra semɨndɨ hombo ahafanɨmbo yɨnɨ mehomopɨrɨ. 7 Ai doÅgi ra sowandɨfanɨ hüfanɨ Sisasɨmbo-so tüküyafɨne ahafandɨ hoandarɨ hoearɨ ra doÅgiwamɨ manandɨneanda ranɨwamɨ Sisas ai mamaru. 8 Ranɨyei nindou afɨndɨ ranai ahei Ågɨsɨharɨ hoearɨ yimündɨbadɨhümündi nafɨnɨ korɨhi hei asu bɨdɨdɨfɨrɨ ai mbeyemü nahurai hutühümündi korɨmarɨhi hei. 9 Nindou afɨndɨ ranai puküna hoafɨ karɨhehindühɨ seiya, “Godɨmbo hɨhɨfɨ-hɨhɨfɨmboane! God ai nindou Adükarɨndɨ ndürɨnambo asünu ranahambo aboedɨ aboedɨmbɨriramboane. 10 Sɨhefɨ amoao Defitɨndɨ sɨrambeahɨndɨ adükarɨ bogorɨ hapondanɨ sɨhefɨmbo hɨfandɨyomunɨmboayu ranahambo God ai aboedɨ aboedɨmbɨriramboane. God nɨmoamo hondü amaru ranahambo hɨhɨfɨ-hɨhɨfɨmboane!” Buk Song 118:25-26 masei. 11 Sisas ai Serusaremɨhü tüküfi haya hu Godɨndɨ worambe muÅgu-moatükunɨ hübudura wakɨmareandɨ. Åga asu ndeara nɨmbɨfembo yaÅgɨrɨmayowamboyo ai ahambo süÅgururü-rundeimbɨ 12 ranɨbabɨdɨmbo Betani Ågoafɨnambo hɨhɨrɨyafu mahomo. 12 Ågorü sinambo Betani Ågoafɨhündɨ sɨfomondühɨyo, Sisas ai wembombomayu. 13 Ranɨyu fik nɨmɨndɨ ranai akɨdou aÅgunɨ safɨ emündü afɨndɨ momorɨyo haya manɨÅgowa hoeimareandɨ. Ai fik hɨsɨ kiarɨhɨpo yahu haya akɨmɨ hɨmboambo mahu, Åga ai moai hɨsɨ mamɨ amboanɨ kiarowa hoeirirɨ. Ai emündü yaÅgɨrɨyo afɨndɨ momorɨmayo, sapo ranana fik hɨsambeyopoanɨ, Åga ranɨmbo wamboyo. 14 Sisas ai fik nɨmɨndɨ ranahambo hoafɨyundowohü yahuya, “Se yowanɨ asükai hɨsɨyowanɨ nindou ai fik sesɨpoanɨ,” mehuamboyo. Asu ahambo süÅgururü-rundeimbɨ ai hoafɨ hoafɨmayu ra hɨmborɨmemo. 15 Sisas ai ahambo süÅgururü-rundeimbɨ babɨdɨmbo homo Serusarem Ågoafɨhü tüküyafu houmbo Godɨndɨ worɨna mahu. Ai hu hɨmboyuwane nindou ai ranambe napo kakɨfihɨ sɨhou sowandümo raraomaründa bukürɨmafoareapurɨ. Ai nindou kakɨ nandu houmbo sɨseru asu nindou nɨmarɨmo ndu kakɨfihɨ sɨhou-marundɨ ahamundɨ nɨmarɨfondɨ ra hɨhɨre amoahɨmareandɨ. 16 Asu ai nindou ranahamumbo Godɨndɨ worɨ ranɨ papambe fufuemɨndɨ horambo yowanɨ mehupurɨ. 17 Ranɨyu nindou ranahamumbo yamundeapurühɨ yahuya, “Godɨndɨ bukambe yare hoafɨyowohü yahoya, ‘Wandɨ worɨ ana muÅguambo hɨfɨhündɨ nindou ai ho wambo dɨdɨbafɨfe worane,’ Aisaia 56:7, Jeremaia 7:11 meho. Åga se hümbuhünɨ nindouyei dɨbonapɨfe fondɨ nahurai rawarɨhindɨ,” mehu. 18 Godɨmbo sesɨ sɨhou-rundeimbɨ bogorɨyomo asu ahɨnümbɨ hohoanɨmo yamundu rundeimbɨyomo ai ranühɨ hoafɨ ra hɨmborɨyomo houmbo Sisasɨmbo hɨfokoefimbo nafɨ kokomarundɨ. Ai ramefundɨ ra sapo nindou ranai Sisasɨndɨ yamundɨfe hoafɨ ranɨmbo hepünahi marɨhünda ranɨmbo yɨhɨmborurühɨ. 19 Asu nɨmbambeahɨ Sisas ai ahambo süÅgururü-rundeimbɨ babɨdɨmbo Serusarem hɨnɨÅgɨru houmbo mahomo. 20 Ågorü-sɨmboanɨ siambeahɨ Sisas ai ahambo süÅgururü-rundeimbɨ babɨdɨmbo homondühɨyo hoeirundanɨ fik nɨmɨndɨ ranai nɨmbɨmayo. Ai nɨmbɨyowohü emündü asu ahasɨharɨ muÅguambo yapataparɨmayo. 21 Sisas ai fik nɨmɨndɨ ranahambo hoafɨmayundo ra Pita ai fɨfɨre haya hoafɨyundowohü yahuya, “Nindou Yamundo-randeimbɨ hoeiro, fik nɨmɨndɨ se hoafɨmayafɨndo ranana nɨmbɨyo haya anɨÅgo,” mehu. 22 Asu Sisas ai sɨmborɨ hoafɨyupurühɨ yahuya, “Se Godɨmbo yaÅgɨrɨ anɨhondümbondundɨ. 23 Ro sɨhamumbo anɨhondümbo-anahɨ hoafehapurɨ. Nindou mamɨ ai yimbu hohoanɨmokoateyuhü nɨmoei wafu ndanahambo sɨrɨwara-ambe karɨhoefɨ hanɨfɨ ehu ana, ai hoafɨmayu süÅgu randɨfemboe. 24 Ranɨmboane ro sɨhamumbo hoafehapurɨ, se nɨnɨ-moatükunɨ semɨndɨmbo anɨhondümborundühɨ ndahumɨndemboyefɨ yahomo houmbo dɨdɨbafefundɨ ana, ranɨ-süÅgunambo anɨmbo ndowandümboemo. 25 Asu se botɨndafu nɨÅgomombo dɨdɨbafɨndafundühɨ nindou Ågorü ai sɨhambo moaruwai ramareandɨ ra hohoanɨmoayafɨ ana, amboawi mbɨsafɨndo. Rananɨmbo asu God ai sɨmborɨ sɨhafɨ hohoanɨmo moaruwai ra amboawi mbüsümbui,” mehu. 27 Sisas ai ahambo süÅgururü-rundeimbɨ babɨdɨmbo asükai Serusarem Ågoafɨhü tükümefundɨ. Sisas ai Godɨndɨ worambe huane Godɨmbo sesɨ sɨhou-rundeimbɨ, ahɨnümbɨ hohoanɨmo fɨfɨrundeimbɨ asu bogorɨ nindou ai ahambosowana mahomo. 28 Ai Sisasɨmbo düdururühɨ yahomoya, “Se ndanɨ Ågɨnɨndɨ ra nahanɨhündambo sowandɨfɨmboyafa? Dɨdandɨ Ågɨnɨndɨ nda sɨhambo masaganɨnamboyafɨ ndanɨ ratüpurɨ rawarowanda?” mehomondamboyu. 29 Asu Sisas ai sɨmborɨ hoafɨyupurühɨ yahuya, “Roamboanɨ sɨhamumbo sɨmborɨ mamɨ düdufe düdundɨheapurɨmboyahɨ. Se wambo sɨmborɨ hoafemondɨndɨrɨ ana, asu ro ndanɨ ratüpurɨ ratüpurɨmbo Ågɨnɨndɨ düdi masendɨrɨ ra hoafɨndahapurɨmboyahɨ. 30 Se wambo hoafɨyomondɨndɨrɨ, Son ai nindou hundürüra-marandɨ Ågɨnɨndɨ ra Godɨndɨ-mayoyo, asu hɨfɨ ndanühɨndambo nindou-yomondɨ-mayoyo?” mehu. 31 Ai ahamundɨhoarɨ sɨmborɨ hoafɨyomondühɨ yahomoya, “Sɨhɨrɨ Godɨndɨ-mayoane asefɨ ana, ai sɨhefɨmboya asu nɨmboe anɨhondümbofe-koateayomoa? mbüsümbui. 32 Åga sɨhɨrɨ hoafɨyefühɨya hɨfɨnɨndɨ nindou-yafemayoane asefɨ ana, asu muÅguambo nindou ai fɨfɨrɨhindɨ Son ai Godɨndɨ hoafɨ hoafɨyu-randeimbani,” mehomo. 33 Ranɨmboyo ai hoafɨyomondühɨya, “Moai fɨfɨrɨhundɨ,” mehomondamboyu. Asu Sisas ai sɨmborɨ hoafɨyupurühɨ yahuya, “Roamboanɨ düdi Ågɨnɨndɨ masendɨrɨ ra Ågɨrɨ hoafɨndahɨpurɨ,” mehu.