Ruk 14

1 Moanɨ nɨmarɨmbo sihɨ Sisas ai Farisi bogorɨndɨ worambe sesɨ sesɨmbo mahuwa nindou ai ahambo ndorüwurɨ hɨmboarɨ safühɨmarüwurɨ. 2 Ranɨhü nindou mamɨ yirɨwarɨ fiyuweimbɨ mamaru. 3 Ranɨyo Sisas ai Farisi nindou-yomo asu ahɨnümbɨ hohoanɨmo fɨfɨrundeimbɨ-yomo ahamumbo hoafɨyuhɨya, “Moanɨ nɨmarɨmbo sihɨ ra nindou aboedɨfemboyo asu yowanɨyo?” mehu. 4 Åga asu ai moai ahandɨ hoafɨ sɨmborɨ hoafɨyomo. Ranɨyo asu Sisas ai nindou ra serümündü aboedɨrirɨ mbura koamarɨherü. 5 Sisas ai ahamumbo hoafɨyupurühɨya, “Sɨhamundɨ nɨmorɨyo asu burmakauyo ai moanɨ nɨmarɨ sihɨ feamoÅgoambe pɨrayo ra nɨmai hümandɨhouyo asu wanɨmandɨyo?” mehu. 6 Ranɨyomo asu moai ahambo sɨmborɨ hoafɨyomondo. 7 Sisas ai hoeireapurane nindou sesɨ sesɨmbo hoafɨmayua tükümefundɨ ranai nɨmarɨfondɨ aboedɨ hamɨndɨwamɨ nɨmarɨmbo hohoanɨmo-memonda yare hoafɨyuhɨya, “Nindou Ågorü ai sɨhambo nɨmorehɨ semɨndambe sesesɨmbo hoafɨnduanɨ Ågafühɨ ra se nɨmarɨfondɨ aboedühɨ ndowandɨmboyafɨ, Åga nindou ndorɨhoeimbɨ ahambo amboanɨ hoafɨyomondowohüpo. 9 Nindou sɨhafanɨmbo yɨboboambo hoafɨmayupɨra mahafanɨ ranai düdü sɨhambo hoafɨndühɨya, ‘Nindou ndanahambo sɨhafɨ-mayo fondɨ ra sabado,’ mbüsümbui. Randɨfiyuwanɨ asu se amoanɨÅgɨndafɨ mbunda Ågafɨ bɨdɨfɨranɨ fondɨwamɨ nɨmandɨmboyafɨ. 10 Åga sɨhambo hoafɨndeianɨ Ågafühɨ ra fondɨ sapo akɨdou yahurɨÅgoahurɨ safɨ-mayo ranɨwamɨ anɨmbo nɨmandɨfɨ. Rananɨmbo sɨhambo hoafɨmayunɨna mahafɨ ranai Ågu hoeindeanɨnanɨ wanɨ hoafɨnduhüya, ‘Wandafɨ, fondɨ aboedühɨ ndanɨwamɨ sühüfɨ nɨmarɨfɨ,’ mbüsüwanɨ asu bɨdɨfɨrɨ amurɨ mafandɨhindɨ ranai sɨhambo nindou adükar-ani mbɨseihü ahɨnɨndeimboyei. 11 Nindou dɨdɨyei ai ahei fi botarɨhindɨ ana, God ai hɨfɨnambo-ndearümbui. Asu nindou dɨdɨyei ahei fi hɨfɨnambo-arɨhindɨ ana, God ai aheimbo botɨndearümbui,” mehu. 12 Sisasɨmbo nindou hoafɨmayundoa mahu ranahambo hoafɨyundühɨ yahuya, “Hüfɨnɨmboyo asu nɨmbambeyo sesesɨmbo ra, se yowanɨ sɨhafɨ Ågunindɨ, fikɨmɨnɨndɨ, boagɨrɨ, sɨhafɨ napo afɨndeimbɨ wandafɨ aheimbo yaÅgɨrɨ mborai yahopoanɨ. Asu sɨmborɨ amboanɨ Ågorüsɨmboanɨ hoafɨndeianɨ Ågafanɨ sesɨ ndahünɨnɨmboyei. 13 Ranamboasɨ, Åga se sesesɨ-ndafühɨ ra napo-koate-yeimbɨ, fi moaruwaiyeimbɨ, tɨÅarɨ moaruwaiyeimbɨ asu hɨmboatɨharɨyeimbɨ aheimbo anɨmbo mborai mbɨsafɨ. 14 Rananɨmbo God ai sɨhambo aboedɨ-aboedɨndea-nɨnɨmbui, nɨmboe sapo aiana napo-koate-wambo asu Ågɨrɨ sɨmborɨ nɨnɨ ndehindɨ. Åga aboedɨ nindou ai yɨfɨhündɨ botɨyahindɨ sɨmboanɨ God ai takɨnɨ daganɨnɨmbui." 15 Mamɨ sɨmboanɨ nindou mamɨ sesɨ fondɨwamɨ Sisas-dɨbo nɨmarümbo God Ågɨnɨndɨ hɨfandarandɨ ranambe nɨmareimbo seses-ayei hoafɨ ra hɨmborɨyu haya hoafɨyundühɨ yahuya, “Nindou ranai hɨhɨfɨ-hɨhɨfɨmbeyei-amboane,” mehuamboyu. 16 Sisas ai hoafɨyundowohü yahuya, “Nindou mamɨ ai afɨndɨ sesesɨmbo hohoanɨmoyu haya nindou afɨndɨmboya ‘Mborai’ mehupurɨ. 17 Mamɨ muÅguambo sesɨ sɨndɨ nafɨramɨndoanɨ ahandɨ ratüpurɨyu randeimbɨmbo hoafɨyundowohü yahuya, ‘Nindou ro hoafɨmehapurɨ ranahamumbo sowana hafɨ hoafɨyafɨpurühɨ anɨmboya, ‘Mborai, muÅguambo sesɨ sɨndɨ nafɨramɨndɨmboane’ mbɨsafɨ. 18 Åga asu muÅguambo nindou ranai moeimbo Ågɨrɨ dɨdefɨ mehomo. Åga Ågorü ai boatei hoafɨndühɨya, ‘Ro hɨfɨ pemɨya heheambo wamboanahɨ Åga hoeindɨhea samboanahɨ asu ro Ågɨrɨ dɨdɨhɨ,’ mehu. 19 Ranɨkɨmɨ Ågorü ai hoafɨnduhüya, ‘Roana burmakau 10 ratüpurɨmbohünda pemɨya heheambo wamboanahɨ Åga randɨhe hoeindɨhea samboanahɨ, Åga asu ro Ågɨrɨ dɨdɨhɨ,’ mehu. 20 Asu bɨdɨfɨranambo nindou-mayu ranai hoafɨyuhɨ yahuya, ‘Ro ana hapondanɨ yaÅgɨrɨ nɨmorehühɨ-yahe heheambo wambo Ågɨrɨ dɨdɨhɨ,’ mehu. 21 Ranɨyo asu ahandɨ ratüpurɨyu-randeimbɨ ai hɨhɨrɨfi hüfu ahandɨ bogorɨmbo nindou ai yɨboaruko-memo ranahambo hoafɨmayundo. Ranɨyu asu bogorɨ ai Ågusüfoambe moaruwaiyuhü hoafɨyuhɨya, ‘Nɨmehünou asükai Ågafɨ muÅguambo adükarɨ nafɨhü asu muÅguambo akɨdou nafɨhü, napo-koate-yeimbɨ, fi moaruwaiyeimbɨ, yitɨÅarɨ moaruwaiyeimbɨ asu hɨmboatɨharɨ ra fufondandɨfɨndürɨ dügüfɨ,’ mehu 22 SüÅgunambo ratüpurɨyu-randeimbɨ ai hoafɨyundowohü yahuya, ‘Bogorɨ, ro ramarɨheandɨ se hoafɨmayafɨ süÅgu, Åga awi fondɨ anɨÅgo,’ mehuamboyu. 23 Ahandɨ bogorɨ ai hoafɨyundowohü yahuya, ‘Ågafɨ tükündafo hawa akɨdou nafɨ asu nɨmambe nafɨ Ågafühɨ hoeindowandürühɨ ana hüti hoafɨndafanɨ mbüsühüsiamboane. Rananɨmbo wandɨ fondɨ ra sɨmoÅgorɨ-mbeyowamboane. 24 Ro nindou weaÅgurühɨ hoafɨmehapurɨ ra Ågɨrɨ dɨdai-amboanɨ wandɨ-mayo sesɨ ra apɨndeandɨ,’ mehu,” Sisas ramehu. 25 Nindou afɨndɨ ranai ahandɨ süÅgu tümareandamboyu asu aheimbo hɨhɨrɨfi hoafɨyundürühɨ yahuya, “Nindou düdi ai wambo süÅgureandɨrühɨ asu ahandɨ hondafɨndɨ, nɨmorehɨ, nɨmorɨ, akohoandɨ rehɨmamɨ aheimbo asu ahandɨhoarɨmbo amboa afɨndɨ hohoanɨmoyuhü wambo akɨdou-yaÅgɨrɨ hohoanɨmoayu ana, nindou ranai wandɨ süÅgureandeimbɨ-yupoanɨ. 27 Nindou düdi ai wandɨ süÅgunambo ahambo tɨÅɨrɨfo afɨndɨ tükefeyo ranahambo moanane yahu Ågɨnɨndɨ nɨÅgokoate-ayu ana, ai wandɨ süÅgureandeimbɨ-yupoanɨ. 28 Sapo se afɨndɨ hoandarɨ worɨmbombo hohoanɨmoayafɨ ra weaÅgurühɨ nɨmandɨfɨ hohoanɨmondafɨ nüÅgunümbɨ kakɨnambo worɨ nda moendɨmandɨhinɨ mbɨsafɨ hohoanɨmondafɨ hoeindowandühɨ anɨmbo randowandɨ. 29 Asu refekoate-ayafɨ ana, se kambohoanɨ yaÅgɨrɨ fondo hɨnɨÅgɨndo hawa asu moendɨfekoate-ndafanɨ bodɨmondɨ ai sɨhambo tɨrɨfoefe hoafɨ-ndahünɨnɨmboyei. 30 Ai randɨhi hoafɨndeihɨya, ‘Nindou nda worɨmbo-marandɨyosɨ, Åga moai moendɨreandɨ,’ mbɨseimboyei. 31 Adükarɨ bogorɨ nindou Ågorü ai adükarɨ bogorɨ Ågorü-dɨbo yifiarɨmbo hohoanɨmoayu ana, ai nɨmandü hohoanɨmondu hoeindeandühɨ anɨmbo rambüfiyuwamboane. Ai nɨmandü hohoanɨmondu hoeindeandühɨ anɨmbo 10,000 ami ra 20,000 ranahambo waÅgeimandɨyo. 32 Asu Ågɨrɨnduhü ana, bogorɨ Ågorü ai aÅgunɨyuambe anɨmbo nindou Ågorü koandɨheiranɨ nɨmai hu hoafɨyuwanɨ asu aboedɨ-aboedɨ-mbeyafɨne-andamboane. 33 Mamɨ rahuraiane se muÅguambo moatükunɨ ranahambo ambe yahokoate-ayafɨ ana, Ågɨrɨ se wandɨ süÅgurowandɨrɨ-randeimbɨ tükündafoandɨ,” mehu. 34 Namɨ ana aboed-ane, Åga namɨ ra budesowanɨ aparɨkoate-ndoanɨ Ågɨrɨ ahandɨ aparɨ ra koadürü koadüründɨfe hɨnɨÅgɨndɨfeyo, Åga wanɨ. 35 Namɨ moaruwai yahurai ana Ågɨrɨ nümbürambeahɨndɨ sesɨ ranahambo fandɨhendanɨ aboedɨ tükündɨfeyo. Asu Ågɨrɨ hɨhamoe awai bɨtapɨndɨhu nümbürambe dɨgehundɨ, Åga wanɨ. Åga nindou ai moanɨ pindɨhimboyei. Se dɨdɨyei hɨmboambeimbayei ana, ndondɨhi hɨmborɨndei.