Son 16
PNG1 Sisas ai yahuya, “Sɨhamundɨ anɨhondümbofe ra hɨnɨÅgɨndumboemo saheheamboyahɨ hoafɨ ra rarɨhe hoafɨmayahapurɨ. 2 Sɨhamumbo ai-babɨdɨmbo rotumbo yowanɨ mbɨsɨmboemo. SüÅgunambo ranɨ-moatükunɨ ra tükündɨfeyoan-anɨmbo asu ai hoafɨndɨmondühɨ anɨmboya, ‘Sɨhɨrɨ Godɨmbo ratüpurɨndefühɨ Sisasɨmbo süÅgururü-rundeimbɨ hɨfokoa-ndɨhupurɨmboane,’ mbɨsɨmboemo. 3 Ai moai Apembo fɨfɨrüwurɨ asu wambo fɨfɨrundɨrɨ, Åga wanɨ. Ranɨmbo-hündambo-anɨmbo ai ranɨ hohoanɨmo ra randu ratüpurɨndɨmboemo. 4 Ro sɨhamumbo ranɨ-moatükunɨ ra hoafɨyahapureimb-ane. Åga asu süÅgunambo-anɨmbo ranɨ-moatükunɨ ra tükündɨfeyoanɨ horombo ro hoafɨmayahapurɨ ranahambo hohoanɨmo-ndɨmo.” Yifiafɨ Aboedɨndɨ ratüpurɨ “Ro se-babɨdɨmbo nɨmboambowambo asu horombo moai sɨhamumbo hoafɨ ra hoafɨyahɨ. 5 Åga roana Nindou koamarɨhendɨra makosahɨ ahambo sowana hahühühanahɨ. Åga moai nindou seyafundeimbɨ ranai wambo düdufihɨ, ‘Se ra nahanamboyafɨ ahafa?’ yahu. 6 Hapoana sɨhamumbo ro Ape sowana hafombo hoafɨ ra hoafɨmehapura asu se afɨndɨ hohoanɨmoemo. 7 Åga ro sɨhamumbo anɨhondümboanahɨ hoafayahapurɨ: Sɨhamumbo ro hɨnɨÅgɨrɨheapurɨ hehea ahahühɨ ranana sɨhamumbo fehefepurɨmboane. Asu ro hafokoate-mbayahɨ-mbonana, Farɨhepurɨ-randeimbɨ ai Ågɨrɨ sɨhamumbo sowana koso. Åga ro ahahüh-anɨmbo sɨhamumbo sowana koandɨheheanda kodɨmboe. 8 Rananɨmbo Farɨhendürɨ-randeimbɨ ai kodɨ nindou hɨfɨ ndanɨhü anɨboadei aheimbo türüboade nafuindandüra ai moaruwai hohoanɨmo, mbumundɨ hohoanɨmo, asu Godɨndɨ yɨbobofe hohoanɨmo nɨmɨndɨ ra fɨfɨndɨhimboyei. 9 Ai moai wambo anɨhondümbo-rɨhindɨrɨ, Åga ranɨmboane asu ai hütiyei mbɨsɨ aheimbo nafuindandürɨmbui. 10 Mbumundɨ hohoanɨmo nɨmɨndɨ rananɨmbo ai nafuindandürɨmbui. Ape ai wamboya, ‘mbumund-ani,’ mbusümbui asu ro ahambo sowana gagühanɨ wambo Ågɨrɨ asükaindɨmo hoeindundɨrɨ. 11 God ai aheimbo yɨbobofe hohoanɨmo ra rande nafuindandürɨmbui. Hɨfɨ ndanɨhünda hɨfandɨ-randeimbɨ Satanɨmbo God ai yɨboborirɨ haya hütimb-ani mehu asu aheimbo amboanɨ yɨbobondearümbui. 12 Hoafɨ afɨndɨ awi ro sɨheheamboanahɨ, Åga se Ågɨrɨ haponda muÅgu ndowandümo. 13 Yifiafɨ hoafɨ anɨhondümbo hoafɨyo-randeimbɨ tükündɨfembo-anɨmbo sɨhamumbo hoafɨ hondü ranambo dɨdɨboado-ndeapurɨmboe. Aiana Ågɨrɨ aipoanɨmbo hohoanɨmondo haya ratüpurɨndo, Åga wanɨ. Ai hoafɨ hɨmborɨmayo rananɨmbo asu sɨhamumbo weindahɨ hoafɨndɨmboe. Rananɨmbo ai sɨhamumbo raranɨ-moatükunɨ süÅgunambo tüküfemboayo ranahambo hoafɨndɨpurɨmboe. 14 Asu ai wandɨ-mayo hoafɨ ra ndemɨndɨ hayambo-anɨmbo sɨhamumbo weindahɨ hoafɨndɨmboe. Ranɨnambo ai wandɨ ndürɨmbo adükar-ani mbɨsɨmboe. 15 Apendɨ moatükunɨ muÅguambo ra wand-ane. Ranɨmboanahɨ sɨhamumbo haponda hoafɨyahapurühɨya: ‘Yifiafɨ ai-anɨmbo wandɨ-mayo hoafɨ ndemɨndɨ haya sɨhamumbo weindahɨ hoafɨndɨpurɨmboe,’ asahapurɨ,” mehu. 16 Sisas ai yɨfɨmbo-mayu ranɨmbo hoafɨyuhɨ yahuya, “Akɨdoumbo yaÅgɨr-anɨmbo se Ågɨrɨ wambo hoeindundɨrɨ asu süÅgunambo akɨdoumbo yaÅgɨr-anɨmbo se wambo asükaindɨmo hoeindündɨrɨmboemo,” mehu. 17 Ahambo süÅgururü-rundeimbɨ bɨdɨfɨrɨ ai ahamundɨhoarɨ ndaru wataporɨyomondühɨ yahomoya, “Nɨne hoafɨ nɨmɨndɨ ranahandamboyo ai yɨhoefɨmbo yare hoafemuna? Asu ai yare hoafyuhɨya, ‘Akɨdoumbo yaÅgɨr-anɨmbo se Ågɨrɨ wambo hoeindundɨrɨ asu süÅgunambo akɨdoumbo yaÅgɨrɨ se wambo asükaindɨmo hoeindundɨrɨmboemo,’ mehua? Asu yahuya, ‘Sapo roana Ape sowanambo hahühühɨ wambo,’ mehu." 18 Asu ai yaru düduyafundühɨ yahomoya, ‘Akɨdoumbo yaÅgɨr anɨmbo,’ ai hoafɨmayu nda nüÅgufe-nüÅguferamboyoa? Roana moai hoafɨmayu ndanahandambo nɨmɨndɨ ana fɨfɨrɨhundɨ,” mehomondamboyu. 19 Sisas ai hoeireandane ahambo düdufimbo yahomo houmbo raraomemo ra fɨfɨrɨmareapurɨ. Ranɨmboyu asu ai hoafɨyuhɨ yahuya, “Awi seana ro hoafɨmayahapurɨ ndanɨmbo nɨmɨndɨ hoafɨ ra fɨfɨrɨfembo yahomomboanemo düdu-düduyomo wakarundɨ? Ro hoafɨyahühɨ sahɨya, ‘Akɨdoumbo yaÅgɨr anɨmbo se Ågɨrɨ wambo hoeindundɨrɨ asu süÅgunambo akɨdoumbo yaÅgɨr-anɨmbo se wambo asükaindɨmo hoeindundɨrɨmboemo,’ masahɨ,” mehu. 20 Sisas ai yɨfɨyo hefe botɨfembo-mayu ranɨmbo hoafɨyuhɨ yahuya, “Ro sɨhamumbo anɨhondümboanahɨ hoafayahapurɨ: Awi seana afɨndɨ hohoanɨmo-ndɨmondühɨ aranɨndɨmboemo. Åga nindou hɨfɨ ndanɨhü burayei aiana hɨhɨfɨ-hɨhɨfɨndeimboyei, Åga seana Ågusüfoambe afɨndɨ hohoanɨmondɨmboemo. Sɨhamundɨ Ågusüfoambe afɨndɨ hohoanɨmo ra muÅgundowohü asu hɨhɨfɨ-hɨhɨfɨ hohoanɨmo sɨhamundɨ mbusümo tükündɨfemboe. 21 Nɨmorehɨ ai nɨmorɨ wakemɨndɨmboayo ra ranɨ si tüküfeihɨ Ågusüfoambe afɨndɨ hohoanɨmo kürareandɨ. Asu süÅgunambo nɨmorɨ ra wakɨramɨndɨ mburambo ana, ai asübusɨ ranɨmbo Ågɨrɨ afɨndɨ hohoanɨmondo, Åga wanɨ. Asu aiana nɨmorɨ wakɨmaramɨndo ranɨmbo hɨhɨfɨ-hɨhɨfɨndɨmboe. 22 Ranɨmboanemo se haponda hohoanɨmo afɨndɨ küru amarɨmo. Åga asu ro asükainda sɨhamumbo hoeindɨheapuranɨ se asükaindɨmo Ågusüfo aboedɨ kündumboemo. Asu Ågɨrɨ nindou Ågorü ai sɨhamundɨ Ågusüfo aboedɨ kife nɨmarɨ hɨhɨfɨ-hɨhɨfɨ ra ndemündü pindeandɨ, Åga wanɨ. 23 Ranɨ-si ra tüküfe sɨmboanɨ ana Ågɨrɨ se wambo nɨnɨmbo akɨdou düdundafundɨrɨ. Ro sɨhamumbo anɨhondümboanahɨ hoafayahapurɨ: Asu se Apembo raranɨ-moatükunɨ mbɨsenda yahomo houmbo, dɨdɨbafefundɨ ana, asu ai wandɨ ndürɨ süÅgunambo sɨhamumbo ranɨ-moatükunɨ ra dagapurɨmbui. 24 Horombo ana moai se wandɨ ndürɨnambo dɨdɨbafɨyafu rundɨ raranɨ-moatükunɨ semɨndɨmbo yahomombo ra. Se ahambo dɨdɨbafɨndɨmondanɨ ana, ai sɨhamumbo dagapurɨmbui. Rananɨmbo asu se afɨndɨ hɨhɨfɨ-hɨhɨfɨndɨmondu-mboemo." 25 “Ro sɨhamumbo kafoefe hoafɨyahɨ hoafɨmayahapurɨsɨ, Åga süÅgunambo ana Ågɨrɨ sɨhamumbo kafoefe hoafɨnambo hoafɨndahapurɨ, Åga wanɨ. Åga ro sɨhamumbo Apembo hoafɨ hondü hoafɨnda-hapurɨmboyahɨ. 26 Ranɨ-sɨmboan-anɨmbo se wandɨ ndürɨ süÅgunambo Apembo dɨdɨbafɨndafundo. Wandɨhoarɨ ana Ågɨrɨ Apembo sɨhamumbo farɨhefe-purɨmbohünda dɨdɨbafɨndahɨ, Åga wanɨ. Se sɨhamundɨhoarɨ ahambo dɨdɨbafɨndafumboemo. 27 Åga Ape ahandɨhoar-ani sɨhamumbo Ågusüfo parareapurɨ. Nɨmboe sapo Ape wambo koamarɨhendɨra makosahɨ ranɨmbo anɨhondümbo-rundühɨ Ågusüfo pararundɨrɨ ranɨmbo wambo. 28 Horombo ro Ape-dɨbo nɨmboa mburɨhamboyahɨ, asu ahambo hɨnɨÅgɨrɨhinɨ hehea hɨfɨna makosahɨ. Åga asu hapondanɨ ana ro asükai hɨfɨ nda hɨnɨÅgɨfe mburɨmbo Ape sowana hafombo samboanahɨ,” mehuamboemo. 29 Asu ahambo süÅgururü-rundeimbɨ ai hoafɨyomondühɨ yahomoya, “Yɨnɨ, hapondanɨ ana se moai kafoefe hoafɨnambo hoafɨyafɨ, Åga hoafɨ hond-ane hoafayafɨ. 30 Hapoana sɨhambo ro fɨfɨrɨhunɨnɨmboanefɨ. Yɨhoefɨ Ågusüfoambe düdufembo hohoanɨmo ran-amboa se fɨfɨrowandɨ asu Ågɨrɨ sɨhambo düdundahundɨ. Se muÅgu moatükunɨ fɨfɨrɨmarowandɨ. Ranɨmboanefɨ se God-dɨbo nɨmbafɨ hawa makosafɨ ranahambo anɨhondümbo-arɨhundɨ,” mehomo. 31 Ranɨyu asu Sisas ai sɨmborɨ ahamumbo hoafɨyuhɨ yahuya, “Hapoana se akɨdou anɨhondümbo-arundɨrɨ. 32 Åga se hɨmborɨyomo! Ranɨ si ra ndearambo tüküfembo yahomboane asu sɨhamumbo bukürü-boadühipuranɨ mamɨ-mamɨ se sɨhamundɨ worɨna Ågomboemo. Rananɨmbo asu se wambo yaÅgɨrɨ hɨnɨÅgɨndundɨra nɨmboamboyahɨ. Åga asu ro yaÅgɨrɨyahɨpoanɨ anɨmboahɨ, Åga Ape ai ro-dɨbo nüÅgumbui. 33 Se ro-dɨbo nɨÅgomondanɨ sɨhamundɨ Ågusüfo afure kümbearowa samboanahɨ hohoanɨmoayahɨ. Ranɨmboyahɨ ro sɨhamumbo ranɨ hoafɨ ra rarɨhe hoafɨmehapurɨ. Hɨfɨ ndanɨhü ana se afɨndɨ hohoanɨmo kündu nɨmandɨmboemo. Roana hɨfɨ ndanɨhündambo hohoanɨmo ranana hɨfɨnambo-rɨheamboanahɨ, Åga sɨhamundɨ Ågusüfo rananɨmbo se Ågɨnɨndɨ kündu nɨmandɨmo,” mehu.