Son 12
PNG1 Adükarɨ si ra tüküfembo awi 6 si nɨÅgowane, asu Sisas ai Betani Ågoafɨnambo mahu. Ågoafɨ ra Rasarusɨndɨ Ågoaf-ane. Rasarus ranahamborürɨ Sisas ai hoÅguambeahɨndɨ yɨfɨhündɨ botɨmarirɨ. 2 Ranɨ Ågoafɨhündɨ ai Sisasɨmbo sɨndɨrühündühɨ mamarei. Mata ai sesɨ kakɨreandɨ, Åga Rasarus ai nindou Sisas-babɨdɨmbo nɨmarei masahüsi ra-babɨdɨmbo nɨmaru. 3 Maria ai werɨ fɨsɨÅarümbɨ hɨpɨrɨ mbuisamoÅgo-ramɨndeimbɨ kakɨ afɨndɨfihɨ sahümündimbɨ ra semɨndɨ haya Sisasɨndɨ tɨÅarɨ wamɨ kare mbura, asu ahandɨ mbɨrɨnaÅɨnambo gedümarɨhendɨ. Ranɨyo asu werɨ ranahandɨ fɨsɨÅarü aboedɨ ranai worambe kɨkɨhɨmayo. 4 Åga asu nindou mamɨ ahambo süÅgurürɨ-randeimbɨ ahandɨ ndürɨ Sudas Iskariot ai-amboanɨ ranɨhü nɨmaru. Nindou ranai-anɨmbo Sisasɨmbo nderümündü ahandɨ hürütümbɨ ahamundɨ warɨwamɨndirümbui. Ai moai Maria ramareandɨ ranahambo hɨhɨfɨ-hɨhɨfɨyu. 5 Nindou ranai hoafɨyuhɨ yahuya, “Nɨmboe werɨ aboedɨ nda nindou ai sahümündihɨ asu ranɨfihɨ 300 kakɨ semɨndɨ mburɨmbo nindou napokoateimbɨ aheimbo segudürɨmbomayoa?” mehu. 6 Åga nindou napo-koateimbɨ aheimbo hohoanɨmoyundürɨ haya hoafɨyumboyupoanɨ, Åga wanɨ. Nindou ranai hümbuhünɨyu-randeimb-ani ranɨmboane asu ai yare hoafɨmayu. Aiyu kakɨ hɨpɨrɨ ahamundɨ ra hɨfandɨmarandɨ ranɨyu asu ai kakɨ foarɨhi marɨhündɨ ra bɨdɨfɨrɨ hümbuhünɨyu marandɨ. 7 Ranɨmboyu asu Sisas ai yahuya, “Nɨmorehɨ ranahambo se hɨnɨÅgɨndɨhindɨ. Ai wandɨ yɨfɨ si ranahambo horombonambo noure rarendühane fɨsɨÅarümbɨ moatükunɨ aboedɨ ra afandɨfoareandɨrɨ. 8 Nindou napo-koateimbɨ ai-anɨmbo se-babɨdɨmbo koadürümbo-koadürümbo nɨmboeimboyei asu se aheimbo fandɨhehi-ndürɨndɨhündɨ, Åga roana Ågɨrɨ se-babɨdɨmbo koadürümbo-koadürümbo nɨmboahɨ,” mehu. 9 Suda ai Sisas Betani Ågoafɨhü anɨÅgu hoafɨ hɨmborɨyei hehimboyei, ranɨnambo mahüsi. Ai mahüsi ra Sisasɨmbo hoeifimbo yaÅgɨrɨyeipoanɨ, Åga Sisas Rasarusɨmbo yɨfɨhündɨ hoÅguambeahɨndɨ botɨmarirɨ ranɨmbo hoeifimbo kameihɨyei mahüsi. 10 Ranɨyu asu Godɨmbo sɨhou-rundeimbɨ bogorɨ ranai Rasarusɨmbo kameihɨ hɨfokoefimbo yahomo houmbo hoafɨ dɨdɨboado-marundɨ. 11 Nɨmboe sapo Suda bɨdɨfɨrɨ ai Sisas Rasarus yɨfɨhündɨ botɨmarirɨ ranahambo hohoanɨmoyeihɨ asu ahei bogorɨ-yomondɨ ratüpurɨ ra hɨnɨÅgɨrɨhi hehimbo Sisasɨmbo yaÅgɨrɨ anɨhondümbo-marɨhora ranɨmbo wambo. 12 Nɨmohoafɨrehɨ nindowenihɨ afɨndɨ ranai adükarɨ si ra hoefembo masühüsi ranai ranɨhü nɨmareiane. Asu Ågorü sihɨ Sisas ai Serusarem Ågoafɨnambo asüfu hoafɨ ra hɨmborɨmayei. 13 Ranɨyei asu ai mbe emündɨ nahurai hutei sahümündi hehi, nafɨna nafoarɨhorɨ hehü hoafɨ afɨndɨ-afɨndɨyeihɨyeihɨ seiya, “Godɨmbo hɨhɨfɨ-hɨhɨfɨndefo! Nindou Adükarɨndɨ süÅgu tükefiyu ranahambo ‘aboed-ani’ mbɨsefomboane. Israerɨ-yafe adükarɨ bogorɨmbo aboed-ani mbɨsefomboane,” Buk Song 118:25-26 masei. 14 Sisas ai doÅgi semündü haya ranɨwamɨ masüfu Baiborambe hoafɨmayo süÅgu. 15 Ai yare hoafɨyowohü yahoya, “Saion Ågoafɨ, se yɨhɨmbondamboyafɨ! Sɨhafɨ Adükarɨ bogorɨ asüfu ra hoeirɨworɨ. Aiana doÅgi nɨmorɨ ranɨ wamani nɨmarümbo asüfu,” Sekaraia 9:9 meho. 16 Horombo ana ahambo süÅgururü-rundeimbɨ ai rananɨ moatükunɨ moai wudɨpoaporu fɨfɨrundɨ. Åga süÅguna Sisas ai sünambe hafuane, rasɨmboanɨ ai hohoanɨmomemo Baibor ahambo hoafɨmayo ra. Ranɨyomo asu nindou ai Sisasɨmbo raraorɨhorɨ marɨhündɨ ranahambo fɨfɨrɨmarundɨ. 17 Horombo Rasarus ai yɨfɨyu haya hoÅguambeahɨ yaÅguruane, asu Sisas ai ahambo mɨÅgɨmayua hoÅguambeahɨndɨ tükümefiyu ra nindou afɨndɨ ranai ai-dɨbo nɨboadeimbo hoeimarɨhorɨ. Asu nindou afɨndɨ ranai Rasarusɨmbo hoÅguambeahɨndɨ botɨmarirɨ hoafɨ ra sahümündi hehimbo, weindahɨ wataporɨyei wakɨmarɨhindɨ. 18 Nindou afɨndɨ ranai Sisas hepünɨfeimbɨ moatükunɨ ramareandɨ hoafɨ ra hɨmborɨyei hehi nafɨnɨ nafoamarɨhorɨ hei. 19 Ranɨyomo asu Farisi ai ahamundɨhoarɨ wataporɨyomondühɨ yahomoya, “Haponda sɨhɨrɨ ra hoerɨhumboanefɨ. Nɨmorehɨ nindowenihɨ muÅgu ahandɨ hoafɨ süÅgurɨhindühɨ wambo Ågɨrɨ nɨne hohoanɨmo sɨhɨrɨ hohoanɨmomefɨ ra aboedɨndo,” mehomo. 20 Nɨmorehɨ nindowenihɨ ai Pasofa adükarɨ si ra Serusaremɨnambo Godɨmbo hohoanɨmombo masühüsi. Asu ranɨyei Grik bɨdɨfɨrɨ Suda-yafe rotu hohoanɨmo süÅgurɨhindeimbɨ ai Suda-babɨdɨmbo masühüsi. 21 Nindou Grikɨ-mayei ranai Firip Betsaidahündɨ Gariri hɨfambeahɨndɨ ahambo sowahɨ sɨnei düduyahindowohü seiya, “Rɨtɨfo, ro Sisasɨmbo hoeindɨhurɨ sefɨmboanefɨ,” maseiamboyu. 22 Asu Firip ai hu Andrumbo hoafɨyundo haya, hafanɨ Sisasɨmbo hoafɨmefɨnando. 23 Ranɨyu asu Sisas ai ahafanɨmbo hoafɨyupɨrühɨ yahuya, “Ndeara ndanɨ sɨmboanɨ ana Nindou Hondü ai ndürɨ adükarɨ ndemündümbui. 24 Ro sɨhafanɨmbo anɨhondümboanahɨ hoafayahapɨrɨ: Wit maÅgɨrɨ ra hɨfɨnɨ pɨrɨkoate-yo haya nɨmbayo ana, asu mamɨ ranɨ yaÅgɨranɨmbo nɨÅgomboe. Åga asu wit maÅgɨrɨ ra hɨfɨnɨ peyo haya nɨmbayo ana, asu aboedɨ tükündɨfehü hɨsɨ aboedɨ hɨsɨndɨmboe. 25 Asu nindou ai ahandɨ fi ranahambo yaÅgɨrɨ afɨndɨ hohoanɨmoayu ana, awandɨhoemboe. Åga asu nindou ranai hɨfɨ ndanɨhü ahandɨ yaÅgɨrɨ nɨÅgo hohoanɨmo ra daboadanambo-areandɨ ana, koadürümbo-koadürümbo nüÅgumbui. 26 Nindou mamɨ ai wandɨ ratüpurɨ asemündu ana, asu ai moanɨ wandɨ hohoanɨmo süÅgu yaÅgɨrɨ süÅgumbɨ-randamboane. Ro Ågoafɨ anɨmboahɨ ranɨh-anɨmbo nindou wandɨ ratüpurɨyu-randeimbɨ ai ro-dɨbo nüÅgumbui. Nindou ra wandɨ ratüpurɨ ranɨ yaÅgɨrɨ semündü anüÅgu ana, asu wandɨ Ape ai ahambo ndürɨ adükarɨ dagadombui,” mehu. 27 Sisas ai yahuya, “Haponda wandɨ Ågusüfoambe moaruwai-arandɨrɨ. Asu ro nüÅgumambɨsaha? Asu ro hoafɨndahühɨ, ‘Ape wandɨ fiambe nɨnɨ-moatükunɨyo tüküfembo yahohaya rarawayo nda sowandɨfɨ piro,’ mambɨsahɨyo? Roana Ågɨrɨ randɨhe hoafɨndahɨ, Åga wanɨ. Åga ro wambo rambɨfeyowambo saheheamboanahɨ ndanɨhü tükeheandɨ. 28 O Ape, sɨhafɨ ndürɨ ra adükarɨ-mbeyowamboane.” Sisas ai yare hoafɨmayuwamboyo asu hoafɨ mamɨ sünambeahɨndɨ ndahurai kosɨwohü yahoya, “Ro wandɨ ndürɨ ra adükarɨmbo-rɨheamboanahɨ, Åga wandɨ ndürɨ ra randɨheandanɨ asükai adükarɨ safɨ tükündɨfemboe,” meho. 29 Nɨmorehɨ nindowenihɨ akɨmɨ manɨboadei ranai hoafɨ ra hɨmborɨyei hehi hoafɨyeihɨ seiya, “Nɨmoamondɨhoafɨ bürügoayo,” masei. Asu bɨdɨfɨrɨ ai seiya, “Sünambeahɨndɨ nend-ani ahambo hoafeindo,” maseiamboyu. 30 Asu Sisas ai sɨmborɨ hoafɨyuhɨ yahuya, “Hoafɨ se hɨmborɨmayei ranana wambo farɨhefendɨrɨmbo tüküfehüyopoanɨ, Åga wanɨ. Ranana sɨheimbo farɨhefe-ndürɨmboane tükefeyo. 31 Haponda God ai nindou hɨfɨ ndanɨhü anɨboadei ranaheimbo yɨbobo-ndearümbui. Rananɨmbo asu ai Satan ndanɨ hɨfɨ ndanɨhü bogorɨmbofi anüÅgu ra nderümündü pindirümbui. 32 Rananɨmbo ai wambo botɨndɨhindɨra, asu ro randɨheandüra nindou afɨndɨ ai wambo sowana Ågeimboyei." 33 Sisas ai ranɨ hoafɨ hoafɨmayu ra, nindou ai ahambo nɨmɨ keimbɨ karɨhendeimbɨfihɨ panduwuranɨ yifɨndümbui. 34 Ranɨmboyei nindou ai ahambo sɨmborɨ hoafɨyahündowohü seiya, “Krais ai yaÅgɨrɨ koadürümbo-koadürümbo nüÅgumbui, ahɨnümbɨ hohoanɨmo Bukambe ranɨmbo hoafɨmayoa hɨmborɨmayefɨ. Asu se nɨmboeafɨ haponda hoafɨyafühɨ, ‘Nindou Hondü ahambo nɨmoamo ndahorɨmɨndei botɨndɨhora yɨfɨndɨmbui,’ masafa? Asu Nindou Hondü ra düdia?” maseiamboyu. 35 Asu sɨmborɨ Sisas ai yahuya, “Si ra se-babɨdɨmbo akɨdoumbo anɨmbo nɨÅgomboe. Si yagodowanɨ nɨmbɨ tüküfekoate-yoambe-anɨmbo si ra-dɨbo Ågei. Nindou ai si wanɨyowanɨ nɨmbokoanɨ ahu ana, ai moai nafɨ hombo ra fɨfɨreandɨ. 36 Haponda si ra sɨheimbo sowahɨ manɨÅgowa hɨfandɨhümboanei, Åga se si ranahambo anɨhondümbo-ndɨhindüh-anɨmbo, asu ahandɨ nɨmorɨndei,” mehu. Suda afɨndɨ ai moai Sisasɨndɨ hoafɨ anɨhondümbo-rɨhindɨ Sisasɨ ranɨ hoafɨ ra rare hoafɨyu mbura asu ai ahei hɨmboarɨhü hu dɨbonapɨmefiyu. 37 Ai hoeirɨhora hepünɨfeimbɨ moatükunɨ afɨndɨ ahei hɨmboahü ratüpurɨyu marandɨyosɨ, Åga asu ai moai ahambo anɨhondümbo-rɨhorɨ. 38 Ranɨmboyo asu Godɨndɨ hoafɨ hoafɨyu-randeimbɨ Aisaiandɨ hoafɨ ra anɨhondü tükümefeyo. Ai hoafɨyuhɨ yahuya, “Adükarɨ, düdi nindou yɨhoefɨ hoafɨ ranahambo anɨhondümbo-areanda? Asu Adükarɨ ranai daboe Ågɨnɨndɨ hohoanɨmo ra nafuiayundoa?” Aisaia 53:1 mehu. 39 Aisaia ai Ågorü hoafɨnambo yare sürü papɨrandühɨ yahuya, “God ai ahei hɨmboarɨ ra gabudearümboani. Ranɨmboanei asu ai Ågɨrɨ raranɨ-moatükunɨ ahei hɨmboarɨnambo ndondɨhi hoeindɨhindɨ. Ahei Ågusüfoambe ragu God ai nɨmoei nahurai Ågɨnɨndɨ ramareandüra tükümefeyo. Ranamboane asu ai Ågɨrɨ Ågusüfoambe ndondɨhi hohoanɨmondeihɨ wambo sowana hɨhɨndahi dügüsianɨ dɨboadondɨhearü, Åga wanɨ,” Aisaia 6:10 mehu. Aisaia ai ra-mehu ranɨmboanei Suda ai Sisasɨmbo Ågɨrɨ anɨhondümbo-ndɨhorɨ. 41 Horombo hondü Sisas hɨfɨnɨ nɨÅgokoate-yuambe Aisaia ai ahandɨ-mayo hɨmboamupuimbo-randeimbɨ hoeire hayamboyu ahambo hoafɨ ra yare hoafɨmayundo. 42 Nindou afɨndɨ bogorɨmboyafu mamarɨmo ai-amboa Sisasɨmbo anɨhondümbo-arüwurɨ. Åga Farisimbo yɨhɨmboyomondühɨ wambo ai anɨhondümbo-arüwurɨ hoafɨ ra moai weindahɨ hoafɨyomo. Ai hohoanɨmoyomondühɨ yahomoya “Weindahɨ hoafɨndefanɨ yɨhoefɨmbo rotu worambeahɨndɨ hɨhaiboadɨ-munɨmboemo,” mehomo. 43 Nindou ranahamumbo nindou ai aboed-anemo mbɨseiya yahomo hohoanɨmomemo, Åga God ai ahamumbo ‘aboed-anemo’ yahombo moai yifirɨyomo. 44 Ranɨyu Sisas ai puküna hoafɨyuhɨ yahuya, “Nindou wambo anɨhondümbo-areandɨrɨ aiana wambo yaÅgɨrɨ anɨhondümbo-reandɨrühɨyupoanɨ. Åga ai Ape wambo koamarɨhendɨra makosahɨ ahambo kameihani anɨhondümbo-arirɨ. 45 Asu nindou wambo hoeiareandɨrɨ ranai Ape wambo koamarɨhendɨra makosahɨ ahambo kameihani hoearirɨ. 46 Roana, hɨfɨ ndanɨhü si nahurai, nindou ai wambo anɨhondümbo-rɨhindɨrühɨ nɨmbɨ nɨmaroambe nɨÅgokoate-mbeyeia saheheambo makosah-anahɨ. 47 Asu nindou mamɨ ai wandɨ hoafɨ hɨmborɨyuhü, süÅgufekoate-ayu ana, ro Ågɨrɨ ahandɨ hohoanɨmo yɨbobondɨhinɨ. Roana hɨfɨ ndanɨhü nindou aheimbo yɨbobofendürɨmbo kosamboyahɨpoanɨ, Åga wanɨ. Roana aheimbo aboedambo-fendürɨmbo makosah-anahɨ. 48 Asu nindou ai wambo daboadɨ hɨhɨreandɨrühɨ wandɨ hoafɨ semɨndɨkoate-ayu ana, ahambo ahandɨ hohoanɨmo yɨbobofe hoafɨ ra yagododomboe. Hoafɨ ro hoafɨmayahɨ rananɨmbo bɨdɨfɨranɨ si tüküfeyoambe yɨbobondeirɨmboe. 49 Hoafɨ nda ropoanɨmbo hohoanɨmoya hehea hoafɨyahühɨ-yahɨpoanɨ, Åga wanɨ. Ape wambo koamarɨhendɨra makosahɨ ranai muÅgu moatükunɨ Se hoafɨndafɨndürü, mehuamboanahɨ hoafayahɨ. 50 Ro hoafɨ ra fɨfɨrɨheamboanahɨ. Apendɨ hoafana aboedɨ yaÅgɨrɨ koadürümbo-koadürümbo nɨÅgo-randeimb-ane. Ranɨmboanahɨ Ape ai wambo hoafɨmayundɨra asu muÅgu hoafɨ nda sɨheimbo hoafayahɨ,” mehu.