Hibru 8

1 Ranɨ-moatükunɨ ranahandɨ nɨmɨndɨ hondü hoafɨ ro wataporɨmbo-arɨhundɨ ranana sɨhefɨ moanɨ yahurai Godɨmbo sai-randeimbɨ bogorɨ adükarɨ ai sünambe God Bogorɨ Hondü-mayu ranahandɨ haÅgɨfoanɨ amaru. 2 Ranambe-ani aiana Godɨmbo sai-randeimbɨ bogorɨ adükarɨ ratüpurɨ ranani ratüpurɨyuhü moanɨ sürühoeimbɨ fondɨ ranambe anüÅgu. Fondɨ ra sapo Godɨmbo hoafɨyo-rambo ser worɨ hondü Adükarɨ ai mafondeandɨ ranambe, Åga nindou ai worɨ ra moai fondundɨ. 3 MuÅguambo nindou dɨdemo sapo Godɨmbo sɨhou-rundeimbɨ bogorɨ adükarɨ nɨÅgomo arundɨ ra Godɨmbo moanɨ saimbo moatükunɨ sɨhefembo asu nɨnɨhondɨ hɨfokoefeyoanɨ horɨ kefoefe-rambohündambo anɨÅgomo. Ranɨmbo-hündambo-anɨmbo sɨhefɨ Godɨmbo sai-randeimbɨ bogorɨ adükarɨ ranai-amboanɨ nɨnɨ-moatükunɨyo ra awi Godɨmbo mbɨsɨhend-amboane. 4 Sisas ranai hɨfɨ ndanɨhü mbanüÅgu-mbonana, ai Ågɨrɨ Godɨmbo sai-randeimbɨmbo nüÅgu, sapo nindou bɨdɨfɨrɨ ai Suda-yei ahɨnümbɨ hohoanɨmo ranɨ-süÅgumbo Godɨmbo moanɨ saimbo moatükunɨ sɨhou-arundɨ nindou ranai manɨÅgomo-ndambo wambo. 5 Moanɨ sürühoeimbɨ fondɨ ranambe Godɨmbo sɨhou-rundeimbɨ ratüpurɨ yaru arundɨ fondɨ ranana moanɨ safɨ hondü sünambeahɨ eÅgoro ranahandambo sɨsam-ane. Moses ai sapo sɨsamɨ moatükunɨ ser worɨ-mayo ra fondɨfembo yahuhaya-mboyuambe God ai ahambo hoafɨyundohü yahuya, “Se ranɨ-moatükunɨ ra randowandühɨ ana, sapo hɨfɨ wafuambe muÅguambo moatükunɨ refembo safɨ hondü sɨsamɨrɨhe nafuimehanɨnɨ rananɨmbo ranɨ-süÅgundo worɨmbondandɨ,” Kisim Bek 25:40 mehundo. 6 Åga haponda Sisas ai Godɨmbo sai-randeimbɨ bogorɨ adükarɨ ratüpurɨ ranɨfihɨ türe haya ratüpurayu hu ranana amurɨ-yomondɨ ratüpurɨ Ågasündeandeimbɨ hond-ane. Sapo hoafɨ femɨndɨ aboedɨ safɨ sɨhefembo moatükunɨ Godɨndɨ nendɨ asu Godɨ-mayu ranahei mbusümo dɨdɨboado-mareandɨ ranana moanɨ aboedɨ mbumundɨ hamɨndɨ hond-ane. Ranɨ-moatükunɨ ra sapo aboedɨ hamɨndɨ hondü horombo hoafɨfimbɨhündɨ süÅgu wambo. 7 Horombo weaÅgurühɨdɨdɨ hoafɨ femɨndɨ sɨhefe-mayo ra moanɨ aboedɨ ndombarɨhoai-mbonana, asu Ågɨrɨ süÅgunɨ Ågorü tükümefeyo ranai tüküfeyo, Åga ranana wanɨyo. 8 Åga asu God ai ahandɨ nendɨ ranaheimbo papɨ-hoafɨrandürühɨ yahuya, “Adükarɨ ai yahuya, Awi süÅguna ro Israerɨhündɨ asu Sudahündɨ ranɨ-babɨdɨmbo sɨmborɨ hoafɨ femɨndɨ sɨhefemboayahɨ ranɨ si ra tükündɨfemboe. 9 Ranɨ hoafɨ femɨndɨ sɨhefe moatükunɨ ranana Ågɨrɨ sapo ahei amoao mamɨ-babɨdɨmbo Isip hɨfambeahɨndɨ koakoma-rɨhandürɨ hahɨ ranɨ-sɨmboanɨ hoafɨ fɨrɨhamɨndɨ masɨheheandɨ nahurai-yopoanɨ, Åga wanɨ. Nindou ranai wandɨ hoafɨ femɨndɨ sɨhefe ra ndofe süÅgufekoate-mayei-amboyahɨ asu ro-amboanɨ aheimbo moanɨ yarɨhe hɨnɨÅgɨmarɨhearü, Adükarɨ ramehu. 10 Awi süÅgunambo ana Israerɨhündɨ babɨdɨmbo ndanɨ hoafɨ femɨndɨ sɨhefe ndandɨhe ndahurai-anɨmbo randɨheamboyahɨ. Ro wandɨ-mayo ahɨnümbɨ hohoanɨmo ahei hohoanɨmoambe hɨnɨÅgɨndɨheandühɨ asu ahei Ågusüfo fihü sürü papɨndɨhɨ hɨnɨÅgɨndɨheamboyahɨ. Ro ahei God-ndamboyahɨ asu ai wandɨ nendɨ-ndeimboyei. 11 Nindou mamɨ ai-amboanɨ Ågɨrɨ ahandɨ mamɨ Ågoafɨhündɨ nindou-mayu ranahambo yamundeandürɨ asu ahandɨ sɨrambeahɨndɨ nindou ranaheimbo hoafɨndundürühɨ, ‘Se Adükarɨ fɨfɨrɨndɨhorɨ,’ mbüsu. Nɨmboe muÅguambo nindou ai ndürɨmbayei asu ndürɨ-koateayei aiana wambo fɨfɨrɨndɨ-hindɨrɨmboyei. 12 Ro hɨpoambondɨ-handürühɨ ahei moaruwai hohoanɨmo ranɨmbo amboawiyei mbɨsa hɨnɨÅgɨndɨhearühɨ, asu ahei mamɨkarɨ hohoanɨmo ranahambo moanɨ mɨtanɨndɨ-hamɨndɨ-handürɨmboyahɨ,” Jeremaia 31:31-34 mehu. 13 God ai sɨmborɨ hoafɨ femɨndɨ sɨhefe ranahambo sɨmbor-ane yahu wataporɨmbo-randühɨyu asu hoafɨ ranambo ai weaÅgurühɨdɨdɨ-mayo ranahambo muÅguna wamɨndafɨmbo-mareandɨ. Asu nɨne-moatükunɨ sapo ai wamɨndafɨyowohü sümboayo ranana Ågɨrɨ amɨtata awarɨndɨhoeyo.