Hibru 6
PNG1 Awi ranɨmbo-anɨmbo sɨhɨrɨ Ågɨnɨndɨ yamundɨfe hoafɨ ranɨ-sowana sühündahundüh-anɨmbo asu Kristenɨ-yafe raboakorɨ hoafɨ yamundɨfembo eÅgoro ra daboadanambo-ndɨhumboane. Sɨhɨrɨ Ågɨrɨ kambohoanɨ ranɨ yaÅgɨrɨ fondɨhu asükaindefɨ fɨndɨhehu fondɨhu ndɨhundɨ. Asükaindefɨ Ågɨrɨ sɨhɨrɨ ranahambo wataporɨmbondɨhu Ågefɨ, Åga ranana sapo nda: Ndorɨhefe-koate ratüpurɨ daboadanambofe, Godɨmbo anɨhondümbofe, ranɨ-poanɨmbo hɨmonɨ hundürü hohoanɨmo, nindou-yeiwamɨ warɨ nandɨfe hohoanɨmo, nindou yɨfɨhündɨ asükaiyo botɨfe hohoanɨmo asu Godɨndɨ nendɨ yɨbobofe hohoanɨmo ranɨ-sɨmboanɨ God yɨbobondeandanɨ asu bɨdɨfɨrɨ ai koadürümbo yaÅgɨrɨ nɨmboeimboyei asu bɨdɨfɨrɨmbo God ai tɨÅɨrɨfo dagadürɨmbui. Ranɨ hoafɨ yamundɨfe yaÅgɨrɨ Ågɨrɨ hɨhɨrɨndefɨ keboehu ndɨhundɨ, Åga wanɨ. Åga sapo nindou boagɨrɨ-yafe yamundɨfe hoafɨ rananɨmbo hɨmborɨndefühɨ süÅgundɨhu Ågefɨmboane. 3 God ai sɨhefɨmbo refembo hɨnɨÅgareamunɨ ana, sɨhɨrɨ randɨhumboane. 4 Nindou bɨdɨfɨrɨ ai Godɨndɨ sürühoeimbɨ hohoanɨmo ranambe nɨmboei, asu sünambeahɨndɨ moanɨ saimbo moatükunɨ ra ai yarɨhi hoeirɨhindɨ asu Yifiafɨ Aboedɨ ra ai-amboanɨ sahümündi manɨmboei. Asu nindou ranai rarɨhindeimbɨ ai ahei anɨhondümbofe ho ra randɨhi hɨnɨÅgɨndɨhi hehi, asu asükaindei nüÅgundɨhi hɨhɨrɨndahi Kraisɨmbo anɨhondümbo-mandɨhora? 5 Sapo ai Godɨndɨ hoafɨ aboedɨ hamɨnd-ayo ranahambo fɨfɨrɨhindɨ ai yarɨhi hoeirɨhimboane-wambo. Asu ai Godɨndɨ aboedɨ si süÅgunambo tüküfemboayo ranahandɨ Ågɨnɨndɨ ra hoeirɨhimboanei. 6 Asu ai ahei Kraisɨmbo anɨhondümbofe hohoanɨmo ra moanɨ yarɨhi hɨnɨÅgarɨhindɨ ana, ai Ågɨrɨ asükai hɨhɨrɨndahi anɨhondümbondɨhindɨ, Åga wanɨ. Ranɨ-moatükunɨ ra refekoate-ayo ana, Ågɨrɨ randɨfeyo sapo ai ahei-hoarɨ asükaiyei Godɨndɨ Nɨmorɨ ranahambo nɨmɨ keimbɨ karɨhe-ndeimbɨfihɨ nindou hɨmboahü hɨfokoarɨhorɨ pamarɨhorɨ noumayo-wambo. 7 Hoe ranai hɨfɨ ranɨ-wamɨ afɨndɨmbo peyoanɨ asu hɨfɨ ranai hoe ra semɨndühɨ nindou nümbürɨ-marɨhündɨ ranahei nümbürɨ ranambe sesɨ aboedɨ tükefeyo ana, God ai ranɨ-moatükunɨ ranahambo aboedɨ dɨdɨboadore huhani. 8 Åga asu hɨfɨ ranɨ-wamɨ nümbürɨ ranai wohafɨ napo furɨyowohü wohɨ ai furayo ana, Ågɨrɨ aboedɨndo. Ranɨmbo-anɨmbo asu ranɨ-moatükunɨ ranahambo God ai moaruwaimbo-ndeanda asu süÅguna hai-nambo tɨkɨrɨndandanɨ awarɨndɨhoemboe. 9 Åga wandafɨ mamɨ, ro hoafɨ afɨndɨ tɨÅümbɨ ndahurai hoafayefɨ ra awi sɨheimboanefɨ hoafayefɨsɨ, Åga ro sɨheimbo ranɨ-moatükunɨ ranɨmbo-hünda fɨfɨrɨhundürɨ-mboanefɨ. Se Ågɨrɨ randɨhi nindou amurɨ ramehindɨ nou moaruwaimbo-ndahindɨ, Åga wanɨ. Åga awi sɨheimbo God ai aboedɨ dɨdɨboado-ndearümbui sapo ai sɨheimbo aboedambofe-ndürɨmboayu ranɨmbo-hündambo. 10 God aiana nindou hohoanɨmo mɨtanɨramündɨ-randeimbɨyupoanɨ. Ranɨyu-anɨmbo asu ai nɨne ratüpurɨ se ratüpurayei-ane asu Godɨmbo Ågusüfo parɨhorühɨ ahandɨ nendɨ ranaheimbo farɨhehi marɨhünd-ane asu hapondanɨ amboanɨ yarɨhi arɨhünd-ane ranahambo Ågɨrɨ mɨtanɨ-ndamündündürɨ, Åga wanɨ. 11 Yɨhoefɨ adükarɨ hohoanɨmo sɨheimbo ranana ndahurai-ane. Roana sɨheimboya, awi se muÅguambo moanɨ ranɨ-ratüpurɨ yaÅgɨr-anɨmbo randɨhi ratüpurɨndei Ågeimbo bɨdɨfɨranɨ hondü rananɨmbo asu se nɨnɨmboyei hɨmboayei ranai anɨhondü tükümbɨfe-ndüramboane. 12 Se ranɨ ratüpurɨ süÅgufe ho yɨboaruko-yɨboaruko ranɨmboanefɨ ro moei-asefɨ. Åga se sapo nindou bɨdɨfɨrɨ Godɨmbo anɨhondümbo-rɨhorɨ mburɨhümbo-mayei sapo Ape ai nɨnɨ-moatükunɨyo segodürɨmbo horombo hoafɨmareandɨ ra asahümündi nou randahindɨ sefomboanefɨ hohoanɨmoayefɨ. 13 Horombo God ai Abrahamɨmbo horombo-hoafɨrirühɨ ai anɨhondümbo-randɨheamboyahɨ yahu dabarɨmefiyu. Ahambo moai nɨnɨ-moatükunɨ Ågasündeambo nahurai yaÅgoro ranambo dabarɨfe-mbohünda, Åga wanɨ. Åga ranɨyu asu ai moanɨ ahandɨ ndürɨ ranɨfihɨ yaÅgɨrɨ dabarɨfihɨ hoafɨmayu. 14 God ai yare hoafɨyuhü yahuya, “Anɨhondümboanahɨ ro sɨhambo aboedɨ-aboedɨ-ndɨheanɨnɨmboyahɨ asu sɨhafɨ ahuirɨ mamɨ afɨndɨ tükündahimboyei,” Stat 22:17 mehu. 15 Ranɨyu asu Abraham ai ranɨ-moatükunɨ ranahambo hɨmboyuhü nüÅgu-ane God ai ahamboya, aboedɨ-aboedɨ-ndɨheanɨnɨmboyahɨ yahuhaya horombo-hoafɨmarirɨ. 16 Nindou mamɨ ai dabarɨfembo yahumbo ra sapo nindou Ågorü düdi ai ahambo Ågasündirɨ haya ranahandɨ ndürɨnambo dabarɨndɨ-fiyuan-anɨmbo asu ahandɨ hoafɨ ra Ågɨnemɨndɨmbo nɨnɨ-moatükunɨ sɨmborɨ hoafɨ mbusümo eÅgoro ranahambo wanɨndɨmboe. 17 Nindou sapo dɨdɨyei ai God aheimbo aboedɨ dɨdɨboado-fendürɨmbo ahandɨ nɨmorɨmbo horombo-hoafɨmareandɨ ra Ågɨrɨ Ågorü süÅgundɨheandɨ yahuhaya ranɨmbo weindahɨ-reandühɨyu ahandɨ horombo-hoafɨ ranahambo Ågɨnamündühɨ dabarɨmefiyu. 18 Ahandɨ dabarɨfe-ane asu horombo-hoafɨfe-ane yimbu moatükunɨ ranana Ågɨrɨ Ågorü-Ågoründo. Asu ranɨ-moatükunɨ ranahambo God ai yare hoafɨmayu ra Ågɨrɨ tɨkandeambo rambüsu, Åga ranɨmbo-anɨmbo sɨhefɨ Ågusüfo ndondeamunɨmboe. Ranɨmboane nindou sɨhɨrɨ dɨdɨyefɨ Godɨndɨ fikɨmɨ aboedamboyahu nɨmboefeimbɨ sɨhɨrɨ ana ranɨ-moatükunɨ ra anɨhondü hondü tükündɨfemboe mbɨsefɨ hohu God ai sɨhefɨmbo horombonambore ranɨ-moatükunɨmbo hɨmbombo masɨhemunɨ ranɨfihɨ Ågɨnɨndɨ kɨkɨhɨndɨ-humɨndefɨ nɨmboefɨ-mboane. 19 Ranɨ-moatükunɨ ranahambo hɨmbombo hohoanɨmo ranana sɨhefɨ nɨÅgo hohoanɨmo ranambeahɨ nɨmoei fürɨfürɨkoate Ågɨnɨndɨ amaro nahurai-ane. Ranɨ-moatükunɨ ranana aboedambore-randeimbɨyo haya ranɨ-hoarehɨ nɨmboefembo Ågɨrɨ fürɨfürɨndefɨ. Hohoanɨmo ranambo-anɨmbo God nɨmaru-ambe Ågemboyefɨ sapo Godɨmbo sai-randeimbɨ bogorɨ adükarɨ ai yipurɨ hoearɨ ranɨ hundünɨ kefuai ser worɨ safambe hamɨndɨ ragu hüfu-arandɨ nou. 20 Sɨhefombohünda Sisas ai Godɨmbo saimbohünda bogorɨ adükarɨmbofi haya God nɨmaruambe ai-boatei kefuai mahüfu. Sapo Merkisedek ai sai-randeimbɨ bogorɨmbo-mefiyu ranɨfihɨ türehaya ai koadürümbo-koadürümbo anüÅgu.