Hibru 3

1 Ranɨmbo-hündambo-anɨmbo sürühoeimbɨ wandafɨ mamɨ, sɨheimbo amboanɨ God ai wand-anei mehundür-anei. Awi se sapo Sisasɨmbo dɨboadondɨhi hohoanɨmondei. Ai Godɨndɨ hoafɨ semɨndɨ ho-randeimbɨ asu Godɨmbo sɨhai-randeimbɨ adükarɨ bogor-ani. Sɨhɨrɨ ahambo anɨhondümborɨhu mburɨhu wataporɨmborɨhu arɨhundɨ. 2 God ai ahandɨ ratüpurɨmbo-hünda Sisas ahambo kafoarirɨ hɨnɨÅgɨmarir-ani. Ranani asu Sisas ai Godɨndɨ ratüpurɨ moanɨ ndore ratüpurɨyu-randeimbayu. Sapo Moses ai Godɨndɨ worɨmboyahi manɨboadei nendɨ-babɨdɨmbo moanɨ ndore ratüpurɨyu marandɨ nou-ani. 3 Sisas aiana Mosesɨndɨ ndürɨ ranahambo Ågasündeandeimb-ani, sapo nindou worɨ worɨmboarandɨ ranai ndürümbɨyuwuhɨ asu worɨmbomarandɨ worɨ ranai moan-ane. 4 Awi sapo muÅguambo worɨ ra nindou mamɨ ai worɨmbondandanɨ anɨmbo fondarɨmboesɨ. Åga awi muÅguambo moatükunɨ ranamboanɨ God ai yaÅgɨr-anɨmbo nafɨramboani. 5 Moses ai Godɨndɨ ratüpurɨyu-randeimbɨ nindouyu haya moanɨ ndore Godɨndɨ nendɨ muÅguambo ranaheimbo hɨfandɨmarandürɨ hu. Ramareandɨ rananɨmbo-anɨmbo asu God ai nɨnɨ-moatükunɨmboyu süÅgunambo wataporɨmboayu ranahambo nafuirandürɨ marandɨ. 6 Åga Krais ranai-ani Godɨndɨ Nɨmorɨyu haya moanɨ ndore Godɨndɨ worɨ nahurai-mayei ranaheimbo hɨfandarandürɨ. Åga Ågɨnɨndɨ nɨÅgo hohoanɨmo ranahambo kɨkɨhɨsafɨ-rɨhumɨndifühɨ hɨhɨfɨ-hɨhɨfɨyefühɨ Adükarɨ ranahambo hɨmboayefɨ ana, asu sɨhɨrɨ ahandɨ worɨ nahurai-ayefɨ. 7 Ranɨmbo-hündambo-anɨmbo asu sɨhɨrɨ Yifiafɨ Aboedɨ hoafɨ-memunɨmbo türüboadɨ-humboane. Ai yare hoafɨyowohü yahoya, “Asu haponda se Godɨndɨ yafambehündɨ hoafɨ hɨmborɨndeihɨ ana, 8 se Ågɨrɨ hɨmbo-sɨhɨmondɨhehindɨ, sapo sɨhei amoao mamɨ horombo ai wosɨhoaforɨ hohoanɨmoyeihɨ wandɨ hoafɨ mbahɨrɨhehi marɨhündɨ nou. Nɨmɨ wohɨ furɨkoate-reandühɨ nɨmboei-ambe ai hɨmborɨ-koateyeihɨ wambo moanɨ yarɨhi sɨsɨndɨrɨhi hoeimarɨ-hindɨrɨ. 9 Ranɨhü ai nɨmboeimbo ro nɨne Ågɨnɨndɨ moatükunɨ 40 hɨmbanɨmbo ratüpurɨmayahɨ muÅguambo ra hoeimarɨ-hindɨyosɨ. Åga wambo sɨsɨndɨrɨ-hindɨrühɨ ai nüÅgu-nahurai-yuke masahündɨrɨ. 10 Ranɨyahɨ asu ro nindou wandɨ ratüpurɨ hoeimarɨhindɨ ranaheimbo Ågɨnɨndɨ-rɨharühɨ hoafɨya-handürühɨ sahɨya, ‘Aiana muÅguambo si ra ro hohoanɨmoayahɨ süÅgurɨ-hindühɨ-yeipoanɨ, Åga ai wandɨ hoafɨyaheimbɨ ra yɨboaruko-rɨhindahanei,’ masahɨ. 11 Ranɨmboyahɨ asu ro Ågɨnɨndɨ-rɨhandürühɨ dabarɨ-yaheandühɨ sahɨya, ‘Nindou ranai sapo ro aheimbo harɨhefe nɨmarɨmbo hɨfɨ masahandürɨ ranambe Ågɨrɨ Ågei,’ masahɨ,” Buk Song 95:7-11 mehu. 12 Wandafɨ mamɨ, se hɨbadɨhümbo. Åga sɨhei mbusümo nindou mamɨ ai ahandɨ Ågusüfoambe hohoanɨmo moaruwai tükündɨfendowohü anɨhondümbofe-koatendeihɨ asu ai sapo God yaÅgɨrɨ koadürümbo nüÅguwembɨ-mayu ranahambo hɨnɨÅgɨndirɨ haya hohoanɨmo ranɨ süÅgundüfimbui. 13 Åga sapo God ai si ranahambo hoafɨyuhü, ‘Hapo,’ mehu ra awi nɨÅgomboane. Åga rananɨmbo asu haponda ndefeambe se sɨheihoarɨ muÅguambo si aho ranɨfihɨ sɨmborɨ farɨhefiründei Ågei. Åga hɨbadɨhümbo nindou mamɨ seambeahɨndɨ ai ahambo hohoanɨmo moaruwai tükündɨfendowohü tɨkai hoafɨndɨndoanɨ asu ai hoafɨ hɨmborɨkoate-ndühɨmbo mamɨkarɨ hohoanɨmondümbui. 14 Sapo horombo bɨdɨfɨrɨ si hoanɨ Kraisɨmbo Ågɨnɨndɨ anɨhondümbo-marɨhurɨ hefɨ nou yahurai hefɨ-hefɨmbo süÅgunambo bɨdɨfɨranɨ yɨfayefɨ ana, sɨhɨrɨ Kraisɨndɨ Ågunindɨmbo-ndahumboyefɨ. 15 Åga asu se ranɨ hoafɨ hɨmborɨmayei ra mɨtanɨndü-hümündimboyei, sapo ai yare hoafɨyowohü yahoya, “Haponda se Godɨndɨ yafambehündɨ hoafɨ hɨmborɨndeihɨ ana, se hɨmbo-sɨhomo-ndɨhehindɨ sapo horombo sɨhei amoao mamɨ ai Godɨndɨ hoafɨ hɨmborɨkoate-yeihɨ mbahɨmarɨ-hehindɨ nou,” Buk Song 95:7-8 meho. 16 Nindou dɨdɨyei sapo Godɨndɨ yafambehündɨ hoafɨ hɨmborɨyei hehi asu ranɨ-moatükunɨ ranahambo süÅgufekoate mbahɨmarɨ-hehinda? Nindou muÅgu ranai ana sapo Moses ai Isip hɨfambeahɨndɨ semündündürɨ mahu ranɨ-yei ramehindɨ. 17 Nindou daboe God ai 40 hɨmbanɨmbo Ågɨnɨndɨmararü hu-a? Ai ramefiyu ana nindou sapo moaruwai hohoanɨmoyei hei asu ai nɨmɨ wohɨ furɨkoate-reandühɨ yɨfɨsafɨmayei ranaheimboyu Ågɨnɨndɨmarandürɨ. 18 Asu nindou daboe God ai dabarɨfihɨ horombo hoafɨ hoafɨyuhüya, “Ai Ågɨrɨ ro aheimbo harɨhefe nɨmarɨmbo hɨfɨ masahandürɨ ranambe Ågei,” mehu-a? Sapo nindou ahandɨ hoafɨ yɨboaruko-rɨhindühɨ mbahɨmarɨ-hehindɨ ranaheimboyu yare hoafɨmayundürɨ. 19 Ranɨmbo-anɨmbo awi sɨhɨrɨ hoeindɨhumboane. Sapo ai Godɨndɨ hoafɨ anɨhondümbofe-koatemayei ranɨmbo-hündambo wambo-anɨmbo asu ai Ågɨrɨ harɨhefe nɨmarɨmbo hɨfɨ God hɨnɨÅgɨmareandɨ ranambe Ågei.