Hibru 13
PNG1 Wandafɨ mamɨ, hohoanɨmondeihɨ se sɨmborɨ Ågusüfo pefiründei Ågei. 2 Hɨdɨborɨ nindou tükündahindanɨ sɨheimbo-so semündündürɨ worɨnɨfendürɨmbo hohoanɨmondei. Nindou bɨdɨfɨrɨ ai rarɨhindühɨyei sünambeahɨndɨ nendɨ ai tükümefunda fɨfɨrɨfe-purɨkoate moanɨ sahüpurümündi worɨnɨma-rɨhipurɨ. 3 Nindou karabusɨyahi anɨmboei sapo se-amboanɨ ai-babɨdɨmbo karabusɨyahi anɨmboei nou ranaheimbo hohoanɨmo-ndahündürɨ. Nindou ai tɨÅɨrɨfoyeianɨ asu se-amboanɨ ai-babɨdɨmbo tɨÅɨrɨfoayei nou aheimbo hohoanɨmo-ndahündürɨ. 4 Nɨmorehühɨfe anamɨndühɨfe hohoanɨmo ranana aboed-ane. Åga nɨmorehɨ nindowenihɨ ranai ahafe fi ranahambo sɨmborɨ anɨhondümbo-feründafehü ndorɨne hɨfandɨ-mbɨrɨnand-amboane. Nindou dɨdɨyomo nɨmorehɨ sɨsɨhɨmoyomo asu nɨmorehɨ ai anamɨndɨhoandɨ bɨrabɨrayei ana, ranaheimbo God ai yɨbobo-ndearümbui. 5 Kakɨmbo Ågusüfo pandɨhi Ågeimboyei, Åga se ranahambo hohoaÅɨ-ndühümboyei. Nɨnɨ-moatükunɨyo se masɨhehindɨ ranɨmbo I ndear-ane nda mbɨsei. Sapo God ai yare hoafɨyuhü yahuya, “Ro sɨheimbo Ågɨrɨ hɨnɨÅgɨndɨhearü, asu ro Ågɨrɨ sɨheimbo daboadɨ hɨhɨrɨndɨhearü,” Æo 36:1 mehu. 6 Ranɨmbo-hündambo-anɨmbo sɨhɨrɨ hɨmbo-koate hoafɨndefɨhüya, “Adükarɨ ai wambo farɨhendɨrɨ-randeimb-ani ranɨmbo wambo ro Ågɨrɨ yɨhɨmbondahɨ. Nindou ai wambo nɨnɨ-moatükunɨ nüÅgumandundɨra?” Buk Song 118:6-7 mbɨsefɨmboane, Bukambe ai hoafayo nou. 7 Horombo sɨhei bogorɨmbo-yafundeimbɨ nindou Godɨndɨ hoafɨ wataporɨmbo-marundürɨ ranahamumbo hohoanɨmondei. Horombo ai yaru manɨÅgomo ranɨmbo-anɨmbo se hohoanɨmondei. Ai yarumboemo manɨÅgomo mbɨsei hehi ahamundɨ anɨhondümbofe ra yahurai-ane mbɨsei süÅgundɨhindɨ. 8 Sisas Krais aiana Ågɨrɨ Ågorü hohoanɨmondu, Åga mamɨ ranɨ yaÅgɨrɨ horombo maho hapondan-ambe asu süÅgunambo aho ra ai mamɨ ranɨ yaÅgɨrɨ nüÅgumboani. 9 Ranɨmboane asu se awi ranɨ-poanɨmbo wosɨhoaforɨ yamundɨfe hohoanɨmo ranai sɨhei aboedɨ ndofe yamundɨfe ho hohoanɨmo ranambe tüküfeyowanɨ asu se Ågorü nafɨ süÅgundahimboyei. Godɨndɨ moanɨ hɨpoambofe hohoanɨmo sɨhefɨ Ågusüfoambe Ågɨnemɨndɨ ra aboedɨ safane, Åga sesɨ wehɨmborɨ horɨ-horɨfe ho hohoanɨmo ranɨnambo sɨhɨrɨ Ågɨrɨ Ågɨnɨndɨ ndahumɨndefɨ. Nindou dɨdɨyei ai ranɨ hohoanɨmo ranahambo süÅguarɨhi hei aheimbo hohoanɨmo ranai moai farɨhendürɨ. 10 Sɨhefe fondɨ hɨnɨÅgɨrɨhu-mboanefɨ. Åga Godɨmbo sɨhou-rundeimbɨ Suda-yomondɨ ser worɨ ranambe ratüpurɨyomo-rundeimbɨ aiana sɨhefɨ sesɨ mandɨfe fondɨ-wamɨnɨndɨ nɨnɨ-moatükunɨ amboanɨ Ågɨrɨ dowadümo. 11 Godɨmbo sɨhai-randeimbɨ adükarɨ bogorɨ ai God nɨmaru-ambe ahambo nɨnɨhondɨ hɨfokoefe sɨhefembo-hünda moaruwai hohoanɨmo süÅgunambo horɨ sowandümo kefoau arundɨ. Åga amurɨ fi safɨ ranana ginɨrɨ hundünɨ mandu arundɨ. 12 Ranɨ süÅgumboyu Sisas amboanɨ ahandɨ horɨnambo nindou ranahei moaruwai hohoanɨmo popoai-hefembohünda Serusarem ginɨrɨ hundünɨ yɨfɨmbo tɨÅɨrɨfo adükarɨ masemündu. 13 Ranɨmbo-hündambo-anɨmbo awi sɨhɨrɨ ahambo-so ginɨrɨ nafɨtambe hundünɨ Ågefɨ ranɨhü amoanɨÅgambo-marüwurɨ nou ai-babɨdɨ yahurai-ndefɨmboane. 14 Åga hɨfɨ ndanɨhü moai sɨhefɨmbo koadürümbo nɨÅgoweimbɨ Ågoafɨ adükarɨ naÅgo, Åga wanɨ. Åga sɨhɨrɨ koadürümbo nɨÅgoweimbɨ Ågoafɨ adükarɨ aboedɨ süÅgunambo tüküfembo ranɨmboanefɨ hɨmboayefɨ. 15 Ranɨmbo-anɨmbo sɨhɨrɨ Sisasɨndɨ süÅgu hoafɨndefɨhüya, ‘God ai aboed-ani,’ mbɨsefɨmboane muÅguambo si aho ra ahambo nɨnɨhondɨ sɨhefe rawefeyo nou. Ranane sɨhɨrɨ sɨhefɨ yafambe ra Godɨmbo ndahundowohü ranambo weindahɨ hoafɨndefɨhüya, ‘Ai yɨhoef-ani,’ nda mbɨsefomboane. 16 Aboedɨ hohoanɨmo süÅgufe ratüpurɨyowohü nindou mbonɨmbo-rühümündimbɨ fehefe hohoanɨmo ra se mɨtanɨndü-hümündihɨ hɨnɨÅgɨ-ndɨhimboyei. Sapo ranɨ-moatükunɨ ra Godɨmbo sɨhefembo moatükunɨ nou-ane asu God ai ranɨmbo hɨhɨfɨ-hɨhɨfɨyuhani. 17 Sɨhei bogorɨ nindoumboyafu anɨÅgomo ranai sɨheimbo farɨhefe-ndürɨmbo yahomomboanemo hohoanɨmoemo. Rananemo ai sɨhei hohoanɨmo muÅguambo si aho ra ai harɨhefe nɨmarɨkoate hɨfandu homo arundɨ. Rananɨmbo süÅgunambo ai Godɨmbo nɨnɨ-moatükunɨ ratüpurɨyo ramarundɨ ranɨmbo hoafɨndɨmo-ndomboemo. Se ahamundɨ hoafɨ hɨmborɨndeihɨmbo ahamundɨ hoarehɨndeian-anɨmbo, asu ai moanɨ hɨhɨfɨ-hɨhɨfɨ-ndɨmondühɨ aboedɨ randumboemo. Åga asu wanayo ana, ai afɨndɨ hohoanɨmonambo ratüpurɨ-ndɨmboemo. Ranana asu Ågɨrɨ sɨheimbo ranɨ hohoanɨmo ranai fandɨheirɨ. Ranɨmbo-hündambo-anɨmbo se moanɨ ahamundɨ hoafɨ ai hoafemo ra hɨmborɨndeihɨ rasüÅgundɨhindɨ. 18 Se Godɨmbo yɨhoefɨmbohünda dɨdɨbafɨndei Ågei. Ro fɨfɨrɨhundɨ ro mbumundɨ hohoanɨmo hohoanɨmoayefɨ ra, Åga moanɨ muÅguambo si aho ra sapo mbumundɨ hohoanɨmomayo ranɨ yaÅgɨrɨ süÅgundɨhu sefɨmboanefɨ. 19 God ai sɨheimbo sowana hapondanambe wambo hɨhɨre koambɨrɨhendɨr-amboane samboanahɨ se Godɨmbo dɨdɨbafɨndei sahehea düduarɨhandürɨ habodɨhɨ. 20 God ai Ågusüfoambe afurɨfe kifeimbɨ hohoanɨmo nɨmɨndɨhani ranai sɨhefɨ Adükarɨ Sisas ranahambo yɨfɨhündɨ yaÅgɨrɨ botɨmarirɨ. Rananɨmbo asu Sisas ai sipsip hɨfandandeimbɨ nou sɨhefɨmbo hɨfandamuneimbɨ bogorɨmbomefiyu. Ahandɨ horɨnamboane koadürümbo yaÅgorombo hoafɨ femɨndɨ sɨhefe ra Ågɨnɨramɨndɨ arandɨ. 21 MuÅguambo aboedɨ moatükunɨ sapo se semɨndɨmboayei ra God ai mbɨsagadür-amboane ahandɨ hohoanɨmo süÅgufehümbo ratüpurɨ-mbohünda. Sisas Kraisɨndɨ süÅgu-anɨmbo sɨhefɨ Ågusüfoambe ratüpurɨmbiyu-wamboane nɨne-moatükunɨ aboedɨyowanɨ ai hɨhɨfɨ-hɨhɨfefiyu ranahambo. Sisas Kraisɨmbo ahandɨ ndürɨ adükar-ane mbɨsefɨ-mboane koadürümbo-koadürümbo, Åga anɨhond-ane. 22 Wandafɨ mamɨ, awi ro sɨheimbo hoafɨpoa-yahandürɨ habodɨhɨ. Åga sɨheimbo Ågusüfoambe Ågɨnemɨndɨ-ndürɨmbo-hündambo hoafɨ hoafehandürɨ ndanahambo hɨmboarɨnambo yaÅgɨrɨ hɨbadühɨndühɨ hɨmborɨndei. Sɨheimbo ro pas nda sürü papɨmarɨhandɨ ra awi hoandarɨ hamɨndɨyopoanɨ, Åga wanɨ. 23 Sɨhefɨ wandafɨ, Timoti, ai karabus-ambeahɨndɨ hɨnɨÅgɨmarüwura tükümefiyu ranahambo fɨfɨrɨmbɨrɨhorɨ samboanahɨ hoafehandürɨ. Asu ai nɨmai wambo-so tükefiyu ana, ro sɨheimbo hoeifendürɨmbo asükai tükeheandɨ ra ai-dɨbo tükünda-hoamboyehɨ. 24 Sɨhei bogorɨ nindou muÅguambo ranahamumboane asu Godɨndɨ nendɨ muÅguambo yɨhoefɨ-mayo hɨhɨfɨ hoafɨ nda hoafɨndahündürɨ. Itari hɨfɨhündɨ ai sɨheimbo hɨhɨfarɨhündürɨ. 25 Godɨndɨ moanɨ hɨpoambo hohoanɨmo sɨheimbo muÅguambo mbɨfarɨhendür-amboane.