Garesia 6

1 Wandafɨ mamɨ, asu nindou Ågorü ai moaruwai hohoanɨmo ranambo hɨmondarɨmɨndo ana, nindou sapo dɨdɨyei Yifiafɨ Aboedɨndɨ hohoanɨmo süÅgurɨ-hindeimbɨ se nindou ranahambo warɨ hoafendühɨ aboedɨ ndondondɨhorɨ hɨnɨÅgɨndɨhorɨ. Randɨhindühɨ asu se sɨheihoarɨ hɨbadɨhümbo, Åga asu ranɨ hohoanɨmo ranai sɨheimbo amboanɨ rande hoeindeandüranɨ moaruwai hohoanɨmo-ndeimboyei. 2 Se nindou Ågorümbo tɨÅɨrɨfo tükefeyo ra sɨmborɨ farɨhefiründei. Ranɨ süÅgumbo-anɨmbo asu se Kraisɨndɨ-mayo ahɨnümbɨ hohoanɨmo eÅgoro ra süÅgundɨhimboyei. 3 Nindou mamɨ ai ndürɨkoate-ani, Åga ai ro ndürümb-anahɨ, ehu ana, nindou ranai ahandɨ fimbo wosɨhoaforɨ hoafɨyuhani. 4 Nindou mamamɨ sɨheihoar-anɨmbo nɨne hohoanɨmo ranahambo aboedɨyo moaruwaiyo rawarɨheandɨ mbɨsei hehi türüboadɨhindɨ. Åga se sɨhei hohoanɨmo nindou Ågoründɨ hohoanɨmo ra mamühɨndɨhi yɨbobondɨhimboyei. Asu se sɨheihoarɨ nɨnɨ-moatükunɨyo ramarɨhindɨ ranahambo hɨhɨfɨ-hɨhɨfɨndeimboyei. 5 Nɨmboe nindou muÅguambo mamamɨ ai aheihoar-anɨmbo ahei ratüpurɨ ranahambo wudɨpoaporɨhi hɨfandɨmbɨrɨhünd-amboane. 6 Nindou düdi Godɨndɨ hoafɨ yamunde-randeimbɨmayu ahandɨ yamundea-ndüreimbɨ ahambo bɨdɨfɨrɨ napo mbɨsahündo-wamboane. 7 Awi se sɨheihoarɨ sɨhei fi ranahambo tɨkai hoafɨndeimboyei. Nindou dɨdai-amboanɨ Ågɨrɨ Godɨmbo tɨkai hoafɨndundo. Nindou nɨnɨ-moatükunɨ maÅgɨrɨ nümbür-ambe hɨfareandɨ ana, asu süÅgunambo mare hɨfɨmareandɨ yahurai-anɨmbo asükaindu hündɨhembui. 8 Nindou ranai nɨne moaruwai hohoanɨmo maÅgɨrɨ nahurai hɨfareandɨ ana, yɨfayu amboanɨ süÅgunambo rahurai safɨndowanɨ hündɨhembui. Åga asu ai Yifiafɨ Aboedɨ ranahandɨ Ågɨnɨndɨnambo aboedɨ hohoanɨmo hɨfareandɨ ana, asu süÅgunambo ai Yifiafɨ Aboedɨ ranɨnambo yaÅgɨrɨ koadürümbo-koadürümbo nɨÅgoweimbɨ safɨndowanɨ hündɨhembui. 9 Ranɨmboane awi sɨhɨrɨ aboedɨ mbumundɨ hamɨndɨ ratüpurɨ ranahambo refembo garɨbɨpoanɨ. Sɨhɨrɨ ranɨmbo garɨbɨkoate ranɨ-fihɨ hamɨndɨ tütüÅgarɨhundɨ ranɨnambo süÅgunambo ranahandambohündɨ sesɨ ranai safɨndowanɨ aboedɨ hündɨhehumboyefɨ. 10 Ranɨmboane nɨnɨ-sɨmboanɨyo sɨhɨrɨ nindou amurambo fehefendürɨmboayo, rasüÅgundɨ-hurɨmboane. Randɨhu-ndühɨndowanɨ sapo wandafɨ mamɨ dɨdɨyei Adükarɨmbo anɨhondümbo-rɨhoreimbɨ aheimbo ranɨ-poanɨmbo hamɨndɨ fandɨhehu-ndürɨmboane. 11 Hoafɨ nda ro wandɨhoarɨ sürü paparɨhandɨ. Se hoeindɨhindɨ ro wandɨhoarɨ sürü boagɨrɨ-boagɨrɨ pamarɨheandɨ. 12 Nindou bɨdɨfɨrɨ ai sɨhamumbo fi-hoearɨ karu tɨrɨhou yahomo hüti-hütiarüpurɨ rananɨmbo Suda ai aboed-anemo mbɨseiya mehomo. Nindou ranai yɨhɨmboyomondühɨ yahomoya, ‘Ro Krais yɨhoefɨmbo nɨmɨ keimbɨ karɨhendeimbɨfihɨ yɨfɨmayu ranahambo yaÅgɨrɨ anɨhondümbo-arɨhundɨ ana, Suda ai yɨhoefɨmbo moaruwaimbo-ndümunɨmboemo,’ mehomo. 13 Nindou ranai sapo Suda-yomondɨ ahɨnümbɨ hohoanɨmo ra sowandümo-ndeimb-anemosɨ, Åga asu ai moai ahamundɨhoarɨ ranɨ-moatükunɨ ra ndoru süÅguru homo rundɨ. Åga aiana sɨhamundɨ fi-hoearɨ ra kefe tɨrɨhefihü asu ranahambo borɨndefo yahomo houmboanemo hohoanɨmoayomo. 14 Åga wandɨ fimbo ana, awi ro sɨhefɨ Adükarɨ Sisas Krais ai nɨmɨ keimbɨ karɨhendeimbɨ yɨfɨmayu ranahambo yaÅgɨr-anɨmbo borɨnda Ågamboyahɨ. Ranɨ-süÅguane hɨfɨ ndanɨhündambo hohoanɨmo ra wandɨ hohoanɨmoambe moanane asahɨ. Ranɨyahɨ asu ro-amboanɨ marɨhe nindou hɨfɨnɨndɨ ahei hohoanɨmo ranɨmbohünda yɨfɨmayaha nindou ai wandɨ hohoanɨmo ranahambo moanane asei. 15 Fi-hoearɨ kefe tɨrɨhefe hohoanɨmo asu fi-hoearɨ kefe tɨrɨhefekoate hohoanɨmo ra yɨboboambo Godɨndɨ hɨmboahü moanane. Åga sɨhefɨmbo God ai sɨmborɨ nindoumboreamunɨ hɨnɨÅgɨmareamunɨ ranane ai aboedɨ hamɨndɨ hondayo. 16 Nindou muÅguambo ai ranɨ hohoanɨmo eÅgoro ra süÅguarɨhi hei ranaheimbo God ai hɨpoambo-reandürühɨ Ågusüfo afurɨfe kife hohoanɨmo mbɨsagadür-amboane. Asu Godɨndɨ nendɨ muÅguambo ranaheimbo amboa mbɨsagadür-amboane. 17 Ndeara bɨdɨfɨranambo hoafɨ hoafayahɨ: Nindou mamɨ ai wambo tɨÅümbɨ hohoanɨmo Ågɨrɨ ndendɨrɨ, Åga yowanɨ. Nindou ai wambo harɨmemondɨra sɨfo anaÅgondɨrɨ ranɨ-süÅgunambo muÅguambo fɨfɨrɨhindɨ ro Sisas Kraisɨndɨ yaÅgɨr-anahɨ. 18 Wandafɨ mamɨ, sɨhefɨ Adükarɨ Sisas Krais ai sɨheimbo moanɨ hɨpoambo-mbɨreandürɨmboane. Åga anɨhond-ane.