Korosi 3
PNG1 God ai Krais-babɨdɨ sɨhefɨmbo botɨreamunɨmboani. Ranɨmbo-hündambo-anɨmbo asu nɨnɨ-moatükunɨ hohoanɨmo nɨmoamo sünambe eÅgoro ranahambo yaÅgɨrɨ hohoanɨmondei. Nɨmoamo ranɨhü ana Krais ai muÅguambo moatükunɨ ranahambo bogorɨmbofi Godɨndɨ warɨ hondünɨ nɨmarümboani. 2 MuÅguambo si aho ra se sünambeahɨndɨ moatükunɨmbo yaÅgɨr-anɨmbo hohoanɨmo pandɨhindɨ, Åga hɨfɨnɨndɨ moatükunɨ ranɨyopoanɨ. 3 Seana Krais-babɨdɨ yɨfɨmayei, ranɨmbo-wambo asu sɨhei koadürü yaÅgɨrɨ nɨÅgombo hohoanɨmo ranai-ana dɨbo mbeÅgorɨ Krais-dɨbo Godɨndɨ fikɨmɨ, Åga awi moai weindahɨ yaÅgoro. 4 Krais-ana sɨhei yaÅgɨrɨ nɨÅgombo hohoanɨmo ranahambo nɨmɨndɨhani. SüÅgunambo ai weindahɨ tüküfiyu-ambe-anɨmbo asu se ai-babɨdɨ Godɨndɨ Ågɨnɨndɨ hɨmboamupuimbo-randeimbɨ eÅgoro ra ndahümündi hehimbo ranɨhü weindahɨ tükündahimboyei. 5 Ranɨmboane se sɨhei hohoanɨmoambe hɨfɨ ndanɨhündambo hohoanɨmo amarondürɨ ra raguanambo-ndɨhindɨ. Ro hoafehandürɨ moaruwai hohoanɨmo nda ndahurai-ane: Nɨmorehɨ sɨsɨhɨmo hohoanɨmo, nindowenihɨ bɨrabɨrɨ hohoanɨmo, Ågusüfo botɨreandeimbɨ moaruwai hohoanɨmo asu nindou Ågoründɨ napo hohoaÅɨfe hohoanɨmo. HohoaÅɨfe hohoanɨmo ranana tɨkai godɨmbo süÅgufe hohoanɨmoane. 6 Nindou düdi ai Godɨndɨ hoafɨ hɨmborɨkoate ranɨ-moatükunɨ hohoanɨmo süÅguareandɨ ana, asu God ai nindou ranahambo Ågɨnɨndɨndürühɨ moaruwaimbo-ndirümbui. 7 Horombo se-amboanɨ nindou ranɨ-babɨdɨ nɨmboeimbo muÅguambo moaruwai hohoanɨmo ra süÅgumarɨhünd-ane. 8 Åga haponda se hohoanɨmo nda muÅguambo hɨnɨÅgɨndɨhindɨ: Ågɨnɨndɨ hohoanɨmo, watɨkoafɨ hohoanɨmo, nindou Ågorümbo moaruwaimbofe hohoanɨmo, amoÅgonɨ hoafɨ, muÅguambo moaruwai hoafɨ ranana se muÅgu hɨnɨÅgɨndɨhindɨ. 9 Se mamamɨ sɨmborɨ tɨkai hoafürɨ-ndeimboyei sapo ndeara yaboateihündɨ moaruwai hohoanɨmo ra sɨhei Ågusüfoambe-ahɨndɨ hɨnɨÅgɨ-rɨhimboanei. 10 Åga asu hapondan-ana se sɨmborɨ nindou tüküyahimboanei. God aiyu ahandɨhoarɨ nindou sɨmborɨ ra nafɨmarandɨ. Ranɨyu asu ai sɨheimbo hohoanɨmo sɨmborɨ sɨmborɨreandürɨ hɨnɨÅgɨreandürɨ arandɨ se God muÅguambo moatükunɨ nafɨra-randeimbɨ ranahambo dɨboadofe fɨfɨrɨfimbohünda. 11 Ranɨmboane asu Godɨndɨ sɨmborɨ hohoanɨmo süÅgu sɨhɨrɨ ahandɨ hɨmboahü mam-anefɨ. Suda asu Suda-yafe ndɨfo ranɨ-poanɨmboyopoanɨ, nindou fi-hoearɨ kefe tɨrɨhefeimbɨ asu nindou fi-hoearɨ kefe tɨrɨhefe-koateimbɨ ranɨ-poanɨmboyopoanɨ. Ndɨfo asu nɨmambeahɨndɨ burɨyeimbɨ nindou, kakɨ semɨndɨkoate ratüpurɨyomo-rundeimbɨ nindou asu nindou moanɨ aboedɨ nɨÅgomondeimbɨ ra ranɨ-poanɨmboyopoanɨ. Åga Krais ai yaÅgɨrɨ adükarɨ moatükun-ani asu muÅguambo sɨhefɨ fiambe amarumunɨ. 12 God ai sɨheimbo wand-anei yahu hɨnɨÅgɨma-reandür-amboani, asu se ahandɨ nindoumboyahi manɨmboei-amboanei asu ai sɨheimbo muÅguambo si Ågusüfo pareandürɨ arandɨ. Ranɨmboane asu se hohoanɨmo ndahurai ndahümündi: Hɨpoambofe hohoanɨmo, nindou dɨdɨboadɨfe hohoanɨmo, afurɨfe hohoanɨmo, warɨ hoafeandühɨfe hohoanɨmo, sɨmborɨ hoafɨkoate hohoanɨmo. Ranɨ-hohoanɨmo ra se süÅgundɨhi ndühündɨ. 13 Nindou Ågorü ai sɨheimbo moaruwaimbo-areandürɨ ana, asu se amboawi mbɨsei. Nindou Ågorü ai Ågorümbo moaruwaimboarirɨ ana, nindou ranai Ågɨrɨ ahambo sɨmborɨ hoafɨndu. Sisas Krais ai sɨhei hohoanɨmo moaruwai ranahambo amboawi mehu nahurai-anɨmbo asu se-amboanɨ ranɨ-süÅgumbo nindou ranaheimbo amboawi mbɨsei. 14 Amurɨ hohoanɨmo muÅgu ra ranahambo kapeihɨ Ågusüfo pefirɨndei. Ranane Ågusüfo pefe hohoanɨmo ra muÅguambo mamambere hɨnɨÅgɨreanda Ågɨnɨndɨ anɨÅgo. 15 Sisas Kraisɨndɨ-mayo Ågusüfoambe afurɨfimbɨ hohoanɨmo masemunɨ ranai sɨhei Ågusüfo ranahambo ndore hɨfandɨmbɨrandür-amboane. Se fi mamɨ nahurai-anei asu God ai sɨheimbo afurɨfe küfimbɨ hohoanɨmondei yahuhaya mborai mehundürɨ. Asu se Godɨmbo hɨhɨfɨndɨhorɨ ndühündɨ. 16 Kraisɨndɨ hoafɨ ra sɨhei hohoanɨmoambe Ågɨnɨndɨ mbɨmarɨndür-amboane. Se sɨheihoarɨ ndondɨhi fɨfɨrɨndɨhindühɨ sɨmborɨ yamundɨfirɨndei. Se Herü Bukambeahɨndɨ herü, Sisasɨmbo kakɨsaombo herü asu Yifiafɨ Aboedɨndɨ-mayo herü ra heründeihɨ sɨhei hohoanɨmoambe Godɨmbo hɨhɨfɨndɨhorɨ. 17 Rananɨmbo asu se muÅgu moatükunɨ hoafɨ hoafayei-ane asu nɨne ratüpurɨ ratüpurayei-ane ra Sisas Adükarɨ yifirayu süÅgu ratüpurɨndei. Krais ai sɨheimbo mafarɨhendürɨ ranɨmbo-hündambo se Ape Godɨmbo hɨhɨfɨndɨhorɨ. 18 Nɨmorehɨ se, sɨhei nindowenihɨ ranahamundɨ hoarehɨ nɨmboei. Ranɨ hohoanɨmo ranane Godɨndɨ hɨmboahü aboedɨ hamɨndayo. 19 Nindowenihɨ se-amboanɨ, nɨmorehɨ sɨhamundɨ ranaheimbo Ågusüfo pandundürühɨ sɨsɨ-koate ndowandümondürɨ nɨÅgomo. 20 Nɨmorɨ se-amboanɨ muÅgua moatükunɨ sɨhei boagɨrɨ ai hoafayei ahei hoarehɨ nɨboadei. God ai ranɨ hohoanɨmo ranahamboani hɨhɨfɨ-hɨhɨfayu. 21 Asu afɨndɨ se-amboanɨ sɨhamundɨ nɨmorɨ ranaheimbo randüwuranɨ asu ai Ågɨnɨndɨ-Ågɨnɨndɨndeihɨ dɨgorɨ-dɨgorɨndahimboyei. 22 Ratüpurɨyei-rɨhündeimbɨ se sɨhei hɨfandündürɨ-rundeimbɨ ahamundɨ hoafɨ ranɨ-yaÅgɨrɨ süÅgundɨhindɨ. Se ahamundɨ hɨmboahü yaÅgɨrɨ ai hoeirundühɨ aboed-anei mbɨsɨmonda mbɨsei hehi ratüpurɨ aboedɨ ratüpurɨ-ndeimboyei. Åga se Adükarɨmbo yɨhɨmbondeih-anɨmbo asu sɨhei hohoanɨmo ra ratüpurɨ aboedɨ ranahambo yaÅgɨrɨ hohoanɨmo pandɨhindɨ. 23 Se nɨne ratüpurɨ ratupurayei ra ndondɨhi ratüpurɨndei. Sapo se muÅgu ratüpurɨ ratüpurayei ra Adükarɨmbohünda ratüpurayei, Åga nindou-yeiyopoanɨ. 24 Se fɨfɨrɨhimboanei, süÅgunambo ana Adükarɨ ai sɨheimbo takɨnɨ dagadürɨmbui. Ai nɨnɨ-moatükunɨyo sɨheimbo segudürɨmboayu ra napɨre sɨhaiamboani. Se Kraisɨndɨ ratüpurɨyo-rambohünda nɨmboei. Aiana sɨhei Adükar-ani. 25 Nindou ai moaruwai hohoanɨmoayei ana, asu God ai aheimbo sɨmborɨ moaruwaimbo-ndearümbui. Åga God ai nɨmorehɨ nindowenihɨ-yafe hohoanɨmo ra mamɨ sɨmogodühɨ yɨbobore randühani.