Ratüpurɨ 20

1 SüÅgunambo hoafɨ afɨndɨ-afɨndɨmayei ranai ho sɨsɨhɨ-mareandamboyu, Por ai Sisasɨmbo anɨhondümbo-rɨhindeimbɨ gugureandürɨ haya Ågusüfoambe Ågɨnɨramɨndürɨ mbura asürahɨnɨ-mareandürɨ. Ranɨyu asu ai yare hɨnɨÅgɨrearü haya Masedonia hɨfɨna mahu. 2 Ranɨyu ai ranɨ hɨfambe huhü Sisasɨmbo süÅgurɨhindeimbɨ afɨndɨ ranaheimbo Ågusüfoambe Ågɨnɨndɨ kürɨhi hohoanɨmo-mbeyeia yahuhaya hoafɨmeindürɨ. Ranɨyu asu Masedonia hɨfɨ hɨnɨÅgɨre haya Grik hɨfɨhü tüküfi Ågɨmɨ amoamo manüÅgu. Ranɨyu süÅgunambo ai Siria hɨfɨna sipambe hombo hohoanɨmo-mayuwamboemo, Suda ai ahambo hɨfokoefimbo yahomo houmbo hoafɨ fɨmaründümo. Ranɨmboyu asu asükai hɨhɨrɨfe hefe Masedonianambo hombo hohoanɨmo-mayu. 4 Asu Sopater, Pirasɨndɨ nɨmorɨ, Beria Ågoafɨhündɨ ai Por-dɨbo mahüfu. Ranɨyo Tesaronaikahündɨ Aristarkus Sekundus yafanɨ, Gaius, Derbe-hündɨyu, Timotiyu asu Tikikus, Trofimus Esia hɨfɨhündɨ-yafanɨ ai muÅgu Por-babɨdɨ mahɨfomo. 5 MuÅgu ai-boatei hɨfomo Troas Ågoafɨhü nɨmarɨmo yɨhoefɨmbo hɨmbomemo. 6 Ranɨyefɨ Suda ai Bret yisɨkoate sesɨmbo si ranai muÅgumayowamboyo Firipai Ågoafɨhündɨ sipambe farɨyahu hohu hondahüfeimbɨ siyefɨ mburɨhu hefɨ Troas Ågoafɨhü ahamumbo sowahɨ tükümehundɨ. Ranɨyefɨ Troas Ågoafɨhü 7 si mamarefɨ. 7 Ranɨyefɨ asu Sande Adükarɨndɨ sesɨ, sesɨmbohünda gugurɨmehundɨ. Ranɨyu Por ai sümbo nafɨ hɨmbowambo nindou afɨndɨ ranaheimbo gedühɨ wataporɨyu humbo nɨmbɨ mbusümondühɨ tükümefiyu. 8 Worɨ ro nɨmarefɨ wataporɨyefeimbɨ ranambe nɨmoamo yibadɨwamɨ ram afɨndɨ siyowohü haÅgɨfoanɨ burɨmayo. 9 Nindou hoarɨfɨ mamɨ ahandɨ ndürɨ Yutikus ranai nafɨtambe karɨhoemo hɨnɨÅgɨmarundɨ ranɨwamɨ mamaru. Por ai hoafɨmayu hoaÅguamboyu Yutikus ai yapombo hoafɨnambo kümeru. Ranɨwamɨ yapombofi nɨmarühündamboyu fɨmaramündu yaÅgɨrɨ hanü Ågɨmɨ yibadɨ Ågasünde haya hɨfɨnɨ pɨmayu. Bɨdɨfɨrɨ ai hanɨmo sowaründɨmondane, ai nɨmoko meÅguru. 10 Ranɨyu Por ai hanü ahandɨ fi kameihɨ amofi hanühüyu wagɨdɨrümündühɨ hoafɨyundürühɨ yahuya, “Se awi Ågusüfo kɨkɨboadɨhindühɨ afɨndɨ hohoanɨmo-ndeimboyei, Åga nindou ndanana yaÅgɨr-ani,” mehu. 11 Refi mburamboyu asükaiyu nɨmoamo farɨfi hafu bret hɨfɨrɨre mbura masahüsi. Ai aheimbo gedühɨ wataporɨmbo-randürɨ mbura süÅgunambo siambe hüfɨhamɨndɨ masüfuwamboyu hɨnɨÅgɨrearü haya mahu. 12 Yutikus ai yɨfɨhündɨ yaÅgɨrɨmefiyu-wamboyei asu ai ahambo Ågoafɨna sahorɨmɨndei hei Ågusüfoambe aboedɨ kürɨhi hehimbo mamarei. 13 Åga ro-boatei sipambe farɨyahu hohu Asos Ågoafɨhü Porɨmbo fihimündɨ hefe hombohünda mahefɨ. Ai hɨfɨ nafɨ huhü hoafɨyumunühɨ randafundɨ mehumunamboyefɨ ahambo nafɨnɨ fihimɨndɨmbo mahefɨ. 14 Ranɨyu asu Por ai yɨhoefɨmbo Asos Ågoafɨhü süfu mbureamunɨ haya, asu sipambe sahurɨmɨndefɨ hohu, Mitirini Ågoafɨnambo mahefɨ. 15 Ranɨyefɨ sipambe farɨyahu hohu Mitirini Ågoafɨhündɨ hefɨmbo siambe Kios airanɨkɨmɨ tükümehundɨ. Apoefɨ simayowamboyefɨ asu siambe Samos airan tüküyahu mburɨhu asükai Ågorü sihɨ Meretus Ågoafɨhü tükümehundɨ. 16 Por ai Efesus Ågoafɨ Ågasündɨfe hefe Esia hɨfɨhü gedühɨ hɨfo nɨÅgombo moei yahuhayamboyu hohoanɨmomayu. Ai nɨmehünou Serusaremɨnambo hɨfo ahei hɨhɨfɨ-hɨhɨfɨmbo si Pendikos tüküfemboayo ra hoeifemboyu hohoanɨmomayu. 17 Por ai Miretus Ågoafɨhü tüküfi nɨmarümboyu Efesus Ågoafɨnambo hoafɨ koamarɨhendɨ Kraisɨndɨ nendɨmbo hɨfandu-rundeimbɨmbo ai sɨfomonda hoeindɨheapurɨ yahuhaya. 18 Ai sɨfomo tükümefundamboyu hoafɨyupurühɨ yahuya, “Ro boatei tüküyahe Esia hɨfɨhü nɨmboambo asu muÅguambo si se-babɨdɨ anɨmboahɨ nɨnɨ-moatükunɨyo ramarɨheandɨ ra sɨhamundɨhoarɨ se fɨfɨrumboanemo. 19 Ranɨ-sɨmboanɨ Suda ai wambo moaruwaimbo-fendɨrɨmbo hoafɨ fɨmarɨndümonda, ranɨyo asu afɨndɨ hohoanɨmoyahühɨ aranɨmbo yaÅgɨrɨmayahɨ. Ro wandɨ fi hɨfɨnambo-rɨheandühɨ Adükarɨndɨ ratüpurɨ ranɨ yaÅgɨrɨ sahamɨndɨ manɨmboahɨ. 20 Se fɨfɨrundɨ ro sɨhamumbo farɨhefepurɨmbo aboedɨ hoafɨ bokarɨhefembo moai awi sahɨ, Åga nindou afɨndɨ hɨmboahü asu sɨhamundɨ mamamɨ worambe yamundɨheapurɨ marɨhand-ane. 21 Ro Suda, Grik yɨboboambo ahɨnɨ hoafɨyahɨndurühɨ sahɨya, ‘Se sɨhei hohoanɨmo moaruwai hɨnɨÅgɨndɨhi hehi Godɨmbo hohoanɨmondei asu Sisas sɨhefɨ Adükarɨ ranahambo anɨhondümbo-ndɨhorɨ,’ sa marɨhandɨ. 22 Åga hapoana Yifiafɨ Aboedɨ ranai wambo koamarɨhendɨra Serusaremɨnambo ahühɨ, Åga ro ranɨhü Ågühanɨ nɨnɨ-moatükunɨ wambo tüküfemboayo ra ro moai fɨfɨrɨheandɨ. 23 Åga ro rarɨhe fɨfɨrɨheandɨ, Yifiafɨ Aboedɨ ai mamamɨ Ågoafɨhü tüküyaheandanɨ wambo hoafɨyondɨrɨhü yahoya, ‘Se hɨbadambo Ågafɨ, Åga karabusɨndafo nɨmborɨ afɨndɨ ndowandɨfɨ ndamboyafɨ,’ yaho arandɨ. 24 Åga ro moai wandɨ fimbo adükarɨ moatükun-ane sahɨ. Åga Adükarɨ Sisas ai wambo ratüpurɨ asendɨ ra tɨÅɨrɨfoyo ho moendɨfembo saheheamboanahɨ hohoanɨmoayahɨ. Wandɨ ratüpur-ane nda, God ai nindou moanɨ hɨpoamboreandürɨ arandɨ ranɨnambo aboedɨ hoafɨ ranahambo anɨhondümbo hoafɨndamboyahɨ. 25 Horombo ro sɨhamundɨ mbusümo hahabodühɨ God Ågɨnɨndɨ hɨfandarandɨ ranahambo hoafɨya marɨhandɨ. Åga haponda ro fɨfɨrɨheandɨ süÅgunambo ana se muÅguambo Ågɨrɨ wandɨ Ågusümboarɨ asükaindɨmo hoeindundɨ. 26 Ranɨmboanahɨ haponda ro sɨhamumbo anɨhondümbo hoafehapurɨ. Sɨhamundɨ mbusümo nindou mamɨ ai awararɨhoayu ana, ro hütirühünɨpoanɨ. 27 Ro moai Godɨndɨ hohoanɨmo muÅguambo sɨhamumbo ranahambo hoafɨmbohünda mbosɨyahɨ. 28 Se sɨhamundɨhoarɨ asu muÅguambo Godɨndɨ nendɨ amboa wudɨpoapondu hɨbadündürɨ. Yifiafɨ Aboedɨ ai aheimbo hɨbadɨyondürɨrambo kafoare hɨnɨÅgɨmareapurɨ. Se Godɨndɨ nendɨ hɨbadundündürɨ sipsip hɨfandɨra-randeimbɨ nou. Åga aheimbo ahandɨ horɨna pemɨyu haya masemündündürɨ. 29 Ro fɨfɨrɨheamboanahɨ, sɨhamumbo hɨnɨÅgɨ-rɨheapurɨ hehea ahahɨ ana, wosɨhoafɨ hoafeimbɨ nendɨ ai nɨmambeahɨndɨ yaforɨ nahurai tükündahi sɨhamundɨ mbusümo nɨmboeimbo sipsip ra moaruwaimbo-ndɨhindürɨmboyei. 30 Asu nindou bodɨmondɨ sɨheiambeahɨndɨ anɨmbo bogorɨmbondafu nɨÅgomboemo. Ai anɨmbo Sisasɨndɨ süÅgurɨhi-ndeimbɨmbo ahamundɨ süÅgu hombohünda tɨkai hoafɨ yamundundüra asu ai ahamundɨ süÅgu Ågeimboyei. 31 Ranɨmbo-hündambo anɨmbo se hɨbadümbo nɨÅgomo! Åga se ranɨmbo ndondu fɨfɨrɨndundɨ. Ågɨmɨ hɨmbanɨ maho ra nɨmbɨ-nɨmbɨsi ro aranɨ kapehü moai mamamɨ sɨhamumbo ahɨnɨ hoafɨmbo mbosɨyahɨ. 32 Asu haponda ro sɨhamumbo Godɨndɨ warɨwamɨ hɨnɨÅgarɨheapurɨ asu se ahandɨ hɨpoambofe hoafɨ ranahambo hohoanɨmondɨmo. Hoafɨ rananɨmbo sɨhamumbo Ågɨnɨndamɨndɨ-purɨmboe asu muÅguambo aboedɨ-moatükunɨ God ai nindou wandanei mehu ranaheimbo dagadürümbui. 33 Ro-ana moai nindou Ågoründɨ gor, kakɨ, hoearɨ napo ranɨmbo hohoaÅɨrɨhe rɨhandɨ. 34 Se sɨhamundɨhoarɨ yaru fɨfɨrundɨ, ro wandɨhoarɨ wandɨ warɨnambo ratüpurɨmayahɨ ra nɨne-moatükunɨ ro mbonɨmbo-rɨhamɨndɨhühɨ wandɨ fi farɨhehe-rɨhandɨhümbo asu nindou ro-dɨbo nɨÅgomondeimbɨ ranahamumbo farɨheheapurɨ marɨhandɨ. 35 Ro raranɨ ratüpurɨ, ratüpurɨyahühɨ sɨhamumbo rarɨhe nafuimehapurɨ nindou düdi ai fi Ågɨnɨndɨkoate ranaheimbo fandɨhe-hurɨmboane. Adükarɨ Sisas ai yare hoafɨyuhü yahuya, ‘Nindou ai Ågorümbo raranɨ napo segodombo hɨhɨfɨ-hɨhɨfayu ana, asu nindou ai napo semɨndɨmbo hɨhɨfɨ-hɨhɨfɨ Ågasündeamboane,’ mehu ranahambo sɨhɨrɨ ndondɨhu fɨfɨrɨndɨhumboane,” Por ra mehu. 36 Por ai ahamumbo ranɨ hoafɨ ra hoafɨyupurɨ mburamboyu, asu nindou bogorɨ-memo ranɨ-babɨdɨmbo yimɨndɨho pusɨre nɨmarümbo Godɨmbo dɨdɨbafɨmefiyu. 37 Ranɨyomo asu ai muÅguambo arasɨranɨ-yomondühɨ-yomo Porɨmbo mburündümo houmbo wakɨkɨhɨmarüwurɨ. 38 Ranɨyu Por ai hoafɨyupurühɨ yahuya, “Hapondanɨ ana se Ågɨrɨ kaindɨmo wandɨ Ågusümboarɨ hoeindundɨ,” mehuamboyomo, asu ai ranɨmbo Ågusüfo afɨndɨ kürundühɨ hɨpoambo-marüwurɨ. Ranɨyomo asu ai ahambo sip sowanambo koakomarürɨ hanɨmo.