Ratüpurɨ 2

1 Nümbür-ambeahɨnd sesɨ yimuÅgu-remɨndɨmbo hɨhɨfɨ-hɨhɨfɨ si Pendikos sei arɨhündɨ ranai tüküfeyoambe Sisasɨmbo anɨhondümbo-rɨhindeimbɨ nindou ranai mamɨ worambe gugurɨmehindɨ. 2 Ranɨyo nɨmehünou Ågɨnɨndɨ hamɨndɨ werɨ nahurai sünambeahɨndɨ kosɨ worɨ ai gugurɨyahi nɨmareimbɨ ranahambo sɨmoÅgoramɨndɨ haya meÅgoro. 3 Asu ranɨhü hai imami teifɨ dɨdɨÅarɨyohü ahoro nahurai tüküfe haya muÅguambo mamamɨ aheiwamɨ nɨnouyo wakɨmareandɨ. 4 Ranɨyo Yifiafɨ Aboedɨ ranai ahei fiambe farɨfehü ahandɨ Ågɨnɨndɨnambo Ågorü-poanɨmbo Ågorü-poanɨmbo hoafɨnambo wataporɨmayei. 5 Asu Serusarem Ågoafɨhü muÅguambo hɨfɨ adaburo ranɨhündɨ Suda bɨdɨfɨrɨ Godɨmbo hohoanɨmoyei-rɨhündeimbɨ ai tüküyahi mamarei. 6 Werɨ nahurai tükümefeyo ra hɨmborɨyei hehi nindou afɨndɨ ranai gugurɨmehindɨ. Ranɨyo asu hɨmborɨyeianɨ Sisasɨmbo anɨhondümbo-rɨhindeimbɨ nindou ranai wataporɨmayei ra ahei hoafɨnambo wataporɨmayeia hɨmborɨyei hehi mahepünehindɨ. 7 Asu Sudahündɨ-mayei ranai hoafɨ wataporɨmbo-marɨhündɨ ranahambo hepünehi hehimbo hoafɨyeihɨ seiya, “Awi nindou ranana muÅguambo Garirihündɨ-mbayeiyo? 8 Sɨhɨrɨ ana mamɨ Ågoafɨhündɨ-yefɨpoanɨ, Åga nüÅgurɨhi hehimboyo asu muÅguambo mamamɨ sɨhefɨ hoafɨnambo wataporɨmayeia ahei hoafɨ ra hɨmborayefa? 9 Sɨhɨrɨ ana Partia, Midia, Eram, Mesopotemia, Sudia, Kapadosia, Pondus, Esia, Frigia, Pamfiria, Isip asu Sairini Ågoafɨkɨmɨ Ribia distrik ranambe Ågoafɨ adaburo asu Rom, hɨfɨ ranɨhündambo nindou-anefɨ nda fandɨhu anɨmboefɨ. 11 Suda sɨhɨr-anefɨ asu nindou amurɨ sɨhefɨ Godɨmbo hohoanɨmo süÅgurɨhi arɨhündɨ anei, Kritɨhündɨ asu Arebiahündɨ muÅguambo hɨmborɨyefanɨ God ai Ågɨnɨndɨ-moatükunɨ ramareandɨ ranahambo sɨhefɨ hoafɨnambo wataporɨmbo-arɨhündɨ,” masei. 12 Asu nindou muÅguambo ranai hepünahi afɨndɨ hohoanɨmoyeihɨ aheihoarɨ sɨmborɨ hoafürɨyeihɨ seiya, “Nɨne-moatükunɨyo hapondanɨ nda yahurai tükefeyoa?” masei. 13 Åga asu bɨdɨfɨrɨ ai tɨrɨfoefe hoafɨ-yahündürühɨ seia, “Awi aiana wain hoe afɨndɨ hamɨndɨ sɨmɨndei hehi mamɨkarɨ hohoanɨmo-yeihɨmbayei,” masahündürɨ. 14 Asu Pita ai Sisasɨndɨ hoafɨ sowandümo homo-rundeimbɨ 11 ranɨ babɨdɨmbo nɨÅgomombo puküna hoafɨyuhü yahuya, “Wandɨ wandafɨ mamɨ, Suda anei asu nindou bɨdɨfɨrɨ haponda Serusaremɨhü amarei, se ro ndanɨ-moatükunɨ tükefeyo ranahambo hoafayahɨ nda hɨmboyaÅgɨrɨ kündɨhi nɨmandimbo hɨmborɨndei. 15 Se hohoanɨmoyeihɨya, nindou nda wain hoe sɨmɨndei hehi mamɨkarɨ hohoanɨmoyeihanei asei, Åga awi hapondanɨ ana 9 kirok siambeahanefɨ. 16 Åga ndanɨ-moatükunɨ tükefeyo ranana Godɨndɨ hoafɨ hoafɨyu-randeimbɨ Soer hoafɨmayu süÅgu-ane tükefeyo. 17 God ai hoafɨyuhü yahuya, ‘Bɨdɨfɨranambo si ranai akɨmɨ tüküfemboyoambe ro wandɨ Yifiafɨ muÅguambo nindou-yeiwamɨ koandɨhe-heamboyahɨ. Sɨhei nindowenihɨ nɨmorɨ asu nɨmorehɨ nɨmorɨ ai Godɨndɨ hoafɨ hoafɨyomo-rundeimbɨ nahurai wataporɨmbo-ndühümboyei. Sɨhei nindowenihɨ nɨmorɨ hoarɨfamborɨ ai ranɨ-poanɨmbo moatükunɨ yafogoadɨnambo nahurai hoeindumboemo asu boagɨrɨ nindou ai yafogoadɨ-ndɨmboemo. 18 Asu ranɨ-sɨmboanɨ ana ro wandɨ ratüpurɨyei-rɨhündeimbɨ, nɨmorehɨ nindowenihɨ yɨboboambo, aheiwamɨ Yifiafɨ koandɨ-heheanda Godɨndɨ hoafɨ hoafɨyomo-rundeimbɨ nahurai hoafɨndeimboyei. 19 Bɨdɨfɨranambo si ra nafuimbohünda ro hepünɨfeimbɨ moatükunɨ sünambe asu hɨfɨhü nafuindamboyahɨ. Horɨ, hai asu hasɨheimɨ afɨndɨ tükündɨfemboe. 20 Adükarɨ ai ahandɨ adükarɨ hɨmboa-mupuimbo-randeimbɨ si ra tüküfekoate-yoambe anɨmbo hüfɨhamɨndɨ ai nɨmbɨndɨrɨ-mɨndowohü asu amoamo ai horɨ nahurai hamburɨ tükündɨfimbui. 21 Ranɨ-sɨmboanɨ anɨmbo muÅguambo nindou ai aheimbo fehefendürɨmbo hünda Adükarɨmbo dɨdɨbafehindɨ ranaheimbo aboedambo-ndeandürümbui,’ mehu.” Joeɨ 2:28-32 22 Pita yahuya, “Israerɨhündɨ nindou se wandɨ hoafɨ nda hɨmborɨndei. Sisas Nasaretɨhündɨ aiana ranɨpoanɨmbo nindouyu. God ai sɨhei mbusümo ahandɨ warɨsüÅgu hepünɨfeimbɨ moatükunɨ ramareandɨ ra se fɨfɨrɨhindɨ. 23 God ai horombo hondü hoafɨ fɨramündü sɨhai mburamboyu Sisasɨmbo sɨhei warɨhümarirɨ, Åga hürütümbɨ nindou ai nɨmɨ keimbɨ karɨhendeimbɨ fihɨ tɨkoründümo pamarüwura yɨfɨmayu. 24 Åga God ai ahambo yɨfɨndɨ asübusɨ Ågɨnɨndɨkoate-yoweimbɨ ranambeahɨndɨ botɨmarirɨ. Nɨmboe sapo yɨfɨ ai Ågɨrɨ ahambo bobohɨndɨrɨmɨndo. 25 Horombo Defit amboanɨ ahambo yare hoafɨyuhü yahuya, ‘Ro hoeirɨhinanɨ Adükarɨ ai muÅguambo si wandɨ-fikɨmɨ anüÅgu. Ai wandɨ fikɨmɨ nüÅgumbo wambo Ågɨrɨ nɨnɨ-moatükunɨ amboanɨ asübusɨ ndendɨrɨ. 26 Ranɨmboane ro Ågusüfoambe aboedɨ hɨhɨfɨ-hɨhɨfɨyahühɨ God ai wambo aboedɨ moatükunɨ refemboayu ranahambo hɨmboayahɨ. 27 Asu se Ågɨrɨ wambo yɨfɨ ambe-ambe rando hɨnɨÅgɨndowandɨrɨ. Sapo se Ågɨrɨ sürühoeimbɨ nindou kafoaro hɨnɨÅgɨmarɨworɨ ra hɨnɨÅgɨ-ndowora yɨfɨ ambe-ambe sümburɨndu. 28 Rananɨmbo se yaÅgɨrɨ aboedɨ nɨÅgombo nafɨ ra yamundo-wandɨrɨmboyafɨ. Asu se yɨnɨ mbɨsafanɨ ro se-dɨbo nɨmboambo afɨndɨ hɨhɨfɨ-hɨhɨfɨ-ndamboyahɨ,’ Buk Song 16:8-11 mehu. 29 “AmoÅgo mam-anemo asu rehɨ mam-anei, ro sɨheimbo anɨhondümboanahɨ hoafehandürɨ, sɨhefɨ amoao Defit ai yɨfɨmayuwambo masamboarɨhurɨ. Asu ahandɨ yɨfɨ ambe ranai haponda sɨhefɨmbo sowahɨ anɨÅgo ho. 30 Defit ai-ana Godɨndɨ hoafɨ hoafɨyu-randeimbɨ wambo fɨfɨreandɨ God ai ahambo hoafɨyundowohüya, ‘SüÅgunambo sɨhafɨ sɨrambeahɨndɨ mamɨ sɨhafɨ fondɨ semɨndɨmbohünda ahambo bogorɨmbondɨhinɨ hɨnɨÅgɨ-ndɨhinɨmboyahɨ,’ mehu. 31 Defit ai nɨnɨ-moatükunɨ tükündɨfembo ra fɨfɨreandühɨ wataporɨmbo-randühɨya, ‘God ai Ågɨrɨ ahambo yɨfɨyeimbɨyei Ågoafɨhü hɨnɨÅgɨndirɨ, asu Ågɨrɨ yɨfɨ ambe-ambe sümburɨndu,’ mehu. God ai ahandɨ nendambo aboedambo-fendürɨmbo Krais yɨfɨhündɨ botɨmarirɨ ranahamboyu wataporɨmbo-marandɨ. 32 Sisasɨmboyo God ai yɨfɨhündɨ botɨmarirɨ. MuÅguambo ro hoeirɨhu hohu ranahamboane wataporɨmbo-arɨhundɨ. 33 Sisasɨmbo God ai sünambe serümündü hafu hɨnɨÅgɨriranɨ ahandɨ warɨhondü waranɨ mbamarü. God ai horombo hoafɨmayu süÅgu Sisasɨmbo Yifiafɨ Aboedɨ masagado, ranɨyo asu Sisas ai sɨhefɨwamɨ koamafoareandɨ, ran-ane haponda se hoafɨ hɨmborɨyei asu hoeirɨhi arɨhündɨ. 34 Defit ai moai sünambe hafu Sisas ramefiyu nou, Åga ai hoafɨyuhü yahuya, ‘Adükarɨ ai wandɨ Adükarɨmbo hoafɨyundowohü yahuya, “Se wandɨ warɨ hondünɨ nɨmandɨfɨ Ågafɨmbo asu sɨhafɨ hürütümbɨ ra sɨhafɨ hoarehɨ hɨnɨÅgɨ-ndɨheapuranɨ se hɨbadapurɨ-mboyafɨ,” ’ mehu. Buk Song 110:1 36 Ranɨmboane Israer nindou muÅguambo se nda ndondɨhi fɨfɨrɨndɨhindɨ. God ai Sisas se nɨmɨ keimbɨ karɨhe-ndeimbɨfihɨ tɨkorɨhomondei pamarɨhorɨ ranahambo Adükarɨmborirɨ asu ahandɨ nendambo aboedambofembo nindoumborirɨ kafoarirɨ hɨnɨÅgɨmarirɨ,” mehu. 37 Pita ai ranɨ hoafɨ ra wataporɨmbo-maranda nindou afɨndɨ ranaheimbo Ågusüfoambe horɨmareandüra bɨdɨfɨrɨ amurɨ Kraisɨndɨ hoafɨ sowandümo homo-rundeimbɨ-babɨdɨmbo ahamumbo düdurɨhipurühɨ seiya, “Asu nɨnɨ nünüÅgu-mandɨhunda?” maseiamboyu. 38 Asu Pita ai sɨmborɨ hoafɨyundürühɨ yahuya, “MuÅguambo mamamɨ se sɨhei moaruwai hohoanɨmo ra hɨnɨÅgɨndɨhi hehi sɨmborɨ hohoanɨmo süÅgundɨhindühɨ Sisasɨndɨ ndürɨnambo hundüründeianɨ anɨmbo God ai sɨhei moaruwai hohoanɨmo ra amboawi mbüsümbui. Ranɨ-süÅgundɨhindanɨ anɨmbo God ai sɨheimbo Yifiafɨ Aboedɨ dagadürümbui. 39 God ai Yifiafɨ Aboedɨ saimbo hoafɨ fɨramündü masɨhendɨ ranana se, sɨhei nɨmorɨ asu süÅgudɨdɨ nɨmorɨ hondü sɨheimbo muÅguamboyo. Ranɨ-moatükunɨ ranana nindou muÅguambo God ai wand-anei yahundüreimbɨ aheimbo hoafɨyu masɨhend-ane,” mehu. 40 Pita ai amurɨ bɨdɨfɨrɨ hoafɨ ranɨfihɨ pare haya wataporɨmbo-marandɨ. Ai hütihoafɨ-yupurühɨ yahuya, “Se hɨbadɨhümbo, Åga nindou moaruwai hohoanɨmoyei-rɨhündeimbɨ ranɨ-babɨdɨmbo moaruwaimbo-ndahimboyei." 41 Pita hoafɨ wataporɨmbo-marandɨ ranai nindou afɨndɨ ranaheimbo Ågusüfoambe botɨmareandüra hundürümayei. Ranɨ-sɨmboanɨ 3,000 nindou-yei Sisasɨmbo anɨhondümbo-rɨhindeimbɨ horɨmbodɨdɨ ranɨfihɨ pamareandɨ. 42 Nɨmorehɨ nindowenihɨ ranai ranɨhü Sisasɨndɨ hoafɨ sowandümo homo-rundeimbɨ-yomondɨ yamundɨfe hoafɨ hɨmborɨyeihɨ bɨdɨfɨrɨ wandafɨ ranaheimbo fehefendürɨmbohünda sesɨ mamɨ sahüsihɨ Godɨmbo dɨdɨbafɨyahi marɨhündɨ. 43 Sisasɨndɨ hoafɨ sowandümo homo-rundeimbɨ-yomondɨ warɨsüÅgu God ai hepünɨfeimbɨ moatükunɨ ramareanda nindou afɨndɨ ranai yɨhɨmboyeihɨ ahɨnɨmarɨhorɨ. 44 Sisasɨmbo anɨhondümbo-rɨhindeimbɨ nindou ranai mamühɨyahi nɨmareimbo mamamɨ ahei napo ra ahei mamühɨ nahuraimayo. 45 Ai ahei hɨfɨ asu napo ra nindou Ågorümbo sehindühɨ ranɨfihɨndɨ kakɨ sahümündi hehi kakɨ ra nindou napokoate-yeimbɨmbo sehi marɨhündɨ. 46 MuÅguambo si Godɨndɨ worambe gugureahi marɨhündɨ. Asu ai ahei worambe gugureahi nɨmareimbo sahüsi rɨhündühɨ aheimayo napo ra nindou Ågorümbo Ågusüfoambe hɨhɨfɨ-hɨhɨfɨ kapeihü sehi marɨhündɨ. 47 Nindou ranai muÅguambo si Godɨmbo aboed-ani sei hohoanɨmoyeia asu muÅguambo nindou ranai aheimbo hɨhɨfɨ-hɨhɨfɨ-yahündürɨ marɨhündɨ. MuÅguambo si Adükarɨ ai nindou bɨdɨfɨrɨ semündündüra asu Sisasɨmbo anɨhondümbo-rɨhindeimbɨ nindou ranai afɨndɨ safɨ tüküfe marandɨ.