2 Timoti 2
PNG1 Asu wandɨ nɨmorɨ Timoti, muÅguambo si Sisasɨndɨ-mayo aboedɨ hohoanɨmo ranai sɨhambo Ågɨnɨmbɨ-ramɨndɨnɨn-amboane. 2 Asu yamundɨfe hoafɨ ro nindou afɨndɨ-yei hɨmboahü wataporɨmbo-marɨhandɨ ra se hɨmborɨmayafɨ. Ranɨ hoafɨ ra nindou Godɨndɨ hoafɨ anɨhondümbo kɨkɨhɨ-ründɨmondeimbɨ ahamundɨ warɨhündowapurɨ. Rananɨmbo asu ai asükai nindou bɨdɨfɨrambo yamundɨ-mbɨrundür-amboane. 3 Se Sisas Krisɨndɨ ami aboedɨ nahuraimbondafo nɨmbafɨ. Rananɨmbo se ro-dɨbo tɨÅɨrɨfo ra ndahoamɨnde-mboane. 4 Se ami-yomondɨ ratüpurɨ fɨfɨrowandɨ, sapo ai amimboyafu ratüpurayomo ra Ågɨrɨ Ågorü ratüpurɨ ndowandümo, Åga wanɨ. Aiana moanɨ ami ratüpurɨ ranɨ yaÅgɨrɨ ratüpurɨ-ndɨmondanɨ ahamundɨ bogorɨ ai ahamundɨ ratüpurɨ ranahambo aboed-ane mbeyahua mbɨsɨmo hou ranɨ yaÅgɨrɨ ratüpurɨ-ndɨmboemo. 5 Asu nindou ai napo semɨndɨmbo pɨpɨ ranambe pɨpayu ana, pɨpɨ ranahandɨ ahɨnɨ ra süÅgundeandɨ. Ai ra süÅgufekoate-ayu ana, ai pɨpɨmayu ranahambo napo semɨndɨmboayu amboanɨ Ågɨrɨ ndemündu. 6 Nindou nümbürambe maÅgɨrɨ hɨfɨreandühɨ tɨÅɨrɨfoayu ai-boatei bɨdɨfɨrɨ sesɨ ra yimuÅgurɨ-mbɨramündu-wamboane. 7 Hoafɨ nda ro hoafɨmayahɨmbo se hohoanɨmondafɨ, Åga Adükarɨ ai sɨhafɨ hohoanɨmoambe horɨndea-nɨnɨmbui. Asu rananɨmbo se hoafɨ ranahandɨ nɨmɨndɨ ra wudɨpoapondo fɨfɨrɨndo-wamboyafɨ. 8 Se hohoanɨmondafɨ fɨfɨrɨndowandɨ Sisas Krais yɨfɨhündɨ botɨmefiyu ranana Defit, Israerɨ-yafe adükarɨ bogorɨndɨ sɨrambeahɨnd-ani. Ranɨmboane aboedɨ hoafɨ ro wataporɨmbo-arɨhandɨ ranahambo hoafayahɨ. 9 Ro aboedɨ hoafɨ hoafɨya marɨhandɨ ranɨmboyo nindou ai wambo moaruwai nindou-ani yahomo houmbo mamɨkarambo tɨÅɨrɨfo saundɨrɨ mburümbo karabusɨ-marundɨrɨ. Åga Godɨndɨ hoafɨ ranana Ågɨrɨ karabusɨndɨfeyo. 10 Ranɨmbo-hündamboane ro hohoanɨmo Ågɨnɨndɨ kürɨheandühɨ muÅguambo tɨÅɨrɨfo ra asahamɨndɨhɨ nindou God ai wand-anei yahundüreimbɨ ranaheimbo fehefe-ndürɨmbohünda. Ranɨmboanahɨ ai-amboanɨ Sisas Krais ai aheimbo aboedambo-ndeandüra ai-dɨbo koadürümbo-koadürümbo hɨmboamupuimbo-randeimbɨ kapeihü mbɨnɨmboeia sahehea hohoanɨmoayahɨ. 11 Sɨhɨrɨ hoafɨ nda anɨhondümbo-ndɨhumboane: Sɨhɨrɨ ai-dɨbo yɨfayefɨ ana, asükai sɨhɨrɨ ai-dɨbo yaÅgɨrɨ nɨmboemboyefɨ. 12 Sɨhɨrɨ ai-dɨbo tɨÅɨrɨfo asahumɨndefɨ ana, asu sɨhɨrɨ ai-babɨdɨmbo bogorɨmbondahu hɨbadɨhumboyefɨ. Åga asu sɨhɨrɨ ahambo daboadɨ hɨhɨrarɨhurɨ ana, ai sɨhefɨmbo daboadɨ hɨhɨrɨndɨ-ndeamunümbui. 13 Sɨhɨrɨ ahambo süÅgufimbo hoafɨyefɨ mburɨhumbo asu süÅgufekoate-ayefɨ anasɨ, asu aiana ahandɨ hoafɨmayu ra süÅgundeambui. Aiana Ågɨrɨ ahandɨ hohoanɨmo ra Ågorü-süÅgundeandɨ, Åga wanɨ. 14 Se nɨmorehɨ nindowenihɨ ranaheimbo ranɨ hoafɨ ranahambo hoafɨndafɨndürɨ nda Ågafɨ. Asu Godɨndɨ hɨmboahü se aheimbo ahɨnɨ hoafɨndafɨndürɨ ai Ågɨrɨ hɨfɨnɨndɨ moatükunɨ ranahambo hoafɨnambo sɨmborɨ-sɨmborɨndei. Ranɨ-moatükunɨ ranana nindoumbo famandɨheirɨ-poanɨ, Åga nindou hɨmborayei ranaheimbo moaruwaimbo-ndearümboe. 15 Se Godɨndɨ ratüpurɨyo-randeimbɨ nindoumbofe tüküfembo tɨÅɨrɨfondafɨ, rananɨmbo God ai sɨhafɨ ratüpurɨ ra aboed-ane yahombohünda. Rananɨmbo se Godɨndɨ ratüpurɨyafɨ-randeimbɨ amoanɨÅgɨkoate-ndafühɨ ahandɨ hoafɨ wudɨpoapondo yamundo-wandürɨmboyafɨ. 16 Se Godɨndɨ hohoanɨmo süÅgufekoate hoafɨ ranɨ-fikɨmɨ Ågamboyafɨ, Åga yowanɨ. Sapo hoafɨ moaruwai ranai ana nindoumbo Godɨndɨ süÅgufe aÅgunɨ ndemɨndɨndürɨ Ågomboe. 17 Sapo hoafɨ ranana masɨmei moaruwai hamɨndɨ adükarɨ tükefeyo nahurai-ane, Åga rananɨmbo nindoumbo moaruwaimbo-ndeamboe. Sapo Himeneus weimbo Firetus rawefɨne marɨnandɨ nou. 18 Nindou rahurai aiana hoafɨ hondü ra hɨnɨÅgɨrɨneambo anafandɨ, sapo ai hoafɨyafandühɨ safanɨya, ‘Sɨhɨrɨ ana yɨfɨhündɨ botɨmayahundane, ranɨmbo wambo asu Ågɨrɨ süÅguna yɨfɨhündɨ botɨndahundɨ,’ safanɨ arɨnandɨ. Ranane hoafɨ ranai bodɨmondɨ-yafe Godɨmbo anɨhondümbofe hohoanɨmo ra moaruwaimbo-reandürɨ arandɨ. 19 God ai Kraisɨndɨ nendɨ Ågɨnemɨndɨmbo-hünda Krais kambohoanɨ nahurai mafondirɨ. Kambohoanɨ ranɨfihɨ sürü nda apenɨÅgo: ‘Adükarɨ ai ahandɨ nendambo ndore fɨfɨrea-ndürɨmboani.’ Asu Ågorü sürü amboanɨ nda ‘MuÅguambo nindou ai seiya, “Ro Adükarɨnd-anefɨ,” asei ranai ana moaruwai hohoanɨmo ranahambo daboadɨ hɨhɨrɨ-mbɨrɨhind-amboane.’ 20 Adükarɨ worambe gor asu sirfa ranɨnambo hɨpɨrɨ nafɨrühɨ masɨhehindɨ. Gor sirfa ranɨnambo yaÅgɨrɨyopoanɨ, Åga nɨmɨ asu hɨfɨ ranɨnambo amboanɨ nafɨmarɨhündɨ. Ranɨ-moatükunɨ ra bɨdɨfɨrɨ ranɨ-poanambo ratüpurɨmboyo asu bɨdɨfɨrɨ mamɨkarambo moatükunɨ ratüpurɨmboyo. 21 Ranɨmboane nindou düdi ai ranɨ mamɨkarambo hohoanɨmo ra hɨnɨÅgɨreandühɨ Godɨndɨ hɨmboahü aboedayu ana, ai ranɨ-poanɨmbo ratüpurɨmbo hɨpɨrɨ nahurai nüÅgumbui. Ai Adükarɨndɨ yaÅgɨrɨ nüÅguhü asu ahambo fandɨheirühɨ aboedɨ ratüpurɨmbo yaÅgɨrɨ nafɨramɨndɨ nɨÅgo marand-ane. 22 Åga ranɨmboane se nindou hoarɨfamborɨ-yafe moaruwai hohoanɨmo ranahambo feboawandɨ. Åga se mbumundɨ hohoanɨmo, Godɨmbo anɨhondümbofe hohoanɨmo, Ågusüfo pefe hohoanɨmo, Ågusüfo afurɨfe kife hohoanɨmo, ranɨ hohoanɨmo-anɨmbo ndowandɨfɨ. Nindou dɨdɨyei Godɨndɨ hɨmboahü sürühehi-ndeimbɨyei asu Adükarɨndɨ ndürɨnambo dɨdɨbafɨyahi arɨhündɨ ai se-babɨdɨmbo ranɨ hohoanɨmo süÅgundɨhindɨ. 23 Asu se nindou Ågusüfo hohoanɨmokoate hoafɨ Ågorü-süÅgu Ågorü-süÅgu-rɨhündeimbɨ ranahei fikɨmɨ Ågamboyafɨ, Åga yowanɨ. Åga se fɨfɨrowandɨ hoafɨ yahurai ranana hoafɨnambo sɨmborɨ-sɨmborɨ tüküfe randühane. 24 Asu Adükarɨndɨ ratüpurɨyu-randeimbɨ ana Ågɨrɨ hoafɨnambo sɨmborɨ-sɨmborɨndu, Åga wanɨ. Åga ai nindou muÅguambo afure hohoanɨmoyuhü ndore yamunde-randeimbɨyu haya hɨmboarɨ-yaÅgɨrɨ hɨfandɨ-randeimbɨmbiyu-wamboane. 25 Adükarɨndɨ ratüpurɨyu-randeimbɨ ai hɨmboarɨ hoafendɨnduhü, nindou mamɨ hohoanɨmo süÅgufekoate-yeimbɨ ranaheimbo yamundeandürɨ. Rananɨmbo God ai ahei Ågusüfoambe hɨhɨrareandürɨ ana, anɨhondü yamundɨfe hoafɨ ra hɨmborɨ-ndeimboyei. 26 Nindou yahurai ranana Satan ai aheimbo ahandɨ andürambe masemündündürɨ ahandɨ hoafɨ süÅgufembohünda. Åga ai hoafɨ hondü ra fɨfɨrarɨhindɨ ana, Satanɨndɨ andürɨ ra hɨnɨÅgɨrɨhi moanambühɨ aboedambo tükündahimboyei.