2 Pita 2
PNG1 Åga horombo Godɨndɨ hoafɨ tɨkai-hoafɨyomo-rundeimbɨ nindou Israerɨ-yei mbusümo tükümefundɨ. Yahurai-anɨmbo nindou tɨkai-hoafɨ yamundu-rundeimbɨ sɨhei mbusümo amboanɨ tükündafumboemo. Nindou ranai dɨbo tükündafu nɨÅgomombo muÅguambo ranɨ-poanɨmbo tɨkai-hoafɨ sɨheimbo moaruwaimbo-fendürɨmbo yamundɨ-ndundürɨmboemo. Nindou ranahamumbo Adükarɨ ai moaruwai hohoanɨmo-ambeahɨndɨ hɨhɨre masepurɨmündüyosɨ, Åga asu ai Adükarɨ ranahambo amboanɨ daboadɨ hɨhɨrɨmaruwur-ane. Ai ramefundɨ ranɨmboemo asu ai ahamundɨhoarɨ nɨmai moaruwaimbo-ndafumboemo. 2 Asu nindou anɨhondümbo-rɨhindeimbɨ afɨndɨ ranai tɨkai yamundu-rundeimbɨ ahamundɨ moaruwai hamɨndɨ hohoanɨmo ra süÅgundɨhümboyei. Asu ai rawarɨhindɨ ranɨmbohünda nindou amurɨ burayei ranai hoafɨ hondü nafɨ eÅgoro ranahambo moaruwai hoafɨndeimboyei. 3 Ndanɨ nindou ndanai sapo hohoaÅɨ hohoanɨmoyomo-rundeimbɨ-wambo ai sɨheimbo tɨkai-hoafɨ hoafɨndɨmo-ndürɨmboemo. Horombo hondüyo God ai ahamumbo papɨ-hoafɨ hoafɨmayupurɨ, Åga ai moai muÅguyo. Hoafɨ ai hoafɨyu masɨhendɨ ahamumbo moaruwaimbo-fipurɨmbo ra adükarɨ tüküfemboane hɨmboyopurühɨ anɨÅgo. 4 Sünambeahɨndɨ nendɨ bɨdɨfɨrɨ ai yaru moaruwai hohoanɨmo-memoyosɨ, Åga asu God ai moai ahamumbo ambemo yahu hɨnɨÅgɨreapurɨ, Åga wanɨ. Ai ahamumbo Ågoafɨ moaruwai nɨmbɨ afɨndɨ nɨmaro-ambe karabusɨre hɨnɨÅgɨmareapurɨ asu ai adükarɨ tɨÅɨrɨfo saimbo si tüküfembohünda hɨfandarundɨ. 5 Horombo hondü ai moai hɨfɨnɨndɨ nindou muÅguambo ranaheimbo ambeyei yahu, Åga wanɨ. Åga ai hoe afɨndɨ koamarɨhenda ranambo Godɨmbo hohoanɨmokoate nindou ranai moaruwaimbo-mehindɨ. Åga Noa ana sürühoeimbɨ hohoanɨmo bokarɨhai-randeimbɨ asu God ai ahambo nindou 7-babɨdɨ aboedambo-mareandürɨ. 6 Åga Ågoafɨ yimbu Sodom, Gomora ranahafembo moaruwaimbo-ndɨheapɨrɨmboyahɨ yahuhaya, hainambo ramareapɨra hai tɨkɨrapɨrɨmbo muÅguambo moatükunɨ hasüfɨ yaÅgɨrɨ meÅgoro. Ranɨmboane nindou Godɨmbo daboadɨ hɨhɨrɨhoreimbɨ ana, horombo ranɨ-moatükunɨ tükümefeyo nindoumbo ra nafuimbo nahuraiyo tükümefeyo. 7 Rot nindou sapo mbumundɨ hamɨndɨyu asu God ai ranahambo mafarɨheirɨ. Rot aiyu nindou moaruwai hohoanɨmoyeimbɨ ranaheimbo ranɨmbo Ågusüfo nɨmbɨmayu. 8 Nindou aboedɨ ranai ahamundɨ mbusümo nüÅgumboyu asu ai moaruwai nindou ahamundɨ-mayo ahɨnümbɨ hohoanɨmo süÅgufekoate hohoanɨmo hoafɨ hɨmborɨyu asu hoeire marandɨ. Ranɨnambo muÅguambo si maho ra ahandɨ mbumundɨ Ågusüfo asürɨrɨ marandɨ. 9 Åga asu nɨne-moatükunɨ Godɨndɨ hohoanɨmo süÅgurɨhindeimbɨ aheimbo refendürɨmbo yahohaya sɨsam-arandürɨ ana, God ai aheimbo ranambeahɨndɨ hürɨhefendürɨmbo fɨfɨreamboani. Åga Adükarɨ ai nindou moaruwai hohoanɨmoyeimbɨ ranaheimbo karabusɨ-fendürɨmbo süÅguna yɨbobofembo si tükefeyo ranɨhü aheimbo moaruwaimbo-fendürɨmbo fɨfɨreamboani. 10 Ranɨ-sɨmboan-anɨmbo nindou bɨdɨfɨrɨ sapo Godɨndɨ Ågɨnɨndɨ yɨboaruko-marɨhindɨ ranai moaruwaimbo-feimbɨ hamɨndɨ hohoanɨmo ahei Ågusüfoambe botɨfembo ranɨ-süÅgurɨhi marɨhündɨ aheimbo moaruwaimbo-ndearümbui. Tɨkai yamundu-rundeimbɨ nindou aiana hɨmboambekoate nindou-anemo asu ai ahamundɨ-poanɨmbo hohoanɨmo ranɨ-süÅgu yaÅgɨrɨ süÅgumarundɨ. Ranɨyomo ai bogorɨ hɨfandɨ-rundeimbɨ ahamumbo tɨrɨfoefe hoafɨmbo kɨkɨrɨfɨfekoate-memo. Nindou hɨmboambekoate-yeimbɨ asu afɨndɨ-afɨndeimbɨyomo ai nindou sünambe amarɨmo ahamumbo tɨrɨfoefe hoafɨmbo yɨhɨmbokoate-memo. 11 Sünambeahɨndɨ nendɨ ranai nindou tɨkai hoafɨ yamundu-rundeimbɨ ahamumbo Ågasündüpurɨ houmbo Ågɨnɨndɨ adükarɨ hamɨndanemosɨ, Åga asu ai moai sɨmborɨ tɨrɨfoarüpurühɨ Adükarɨndɨ hɨmboahü papɨ-hoafɨrüpurɨ. 12 Åga tɨkai yamundu-rundeimbɨ ai nɨnɨhondɨ-yei hohoanɨmo nahurai süÅguarundɨ. Ahamumbo hɨfokoefe mandɨfe sesɨmbo yaÅgɨrɨ nahurai anɨÅgomo nindou ra asu nɨne-moatükunɨ ai fɨfɨrɨfekoate-memo ranahambo moanɨ türüfoaru hoafɨyomo marundɨ. Asu nindou nɨnɨhondɨ naru arundɨ nou God ai ahamumbo hɨfɨkoa-ndeapurɨmbui. 13 Asu ai moaruwai hohoanɨmo süÅgumarundɨ ranɨmbohündambo ai tɨÅɨrɨfo asükai ndowandümboemo. Ai nindou bɨdɨfɨrambo tɨÅɨrɨfo masabudürɨ ranɨ-süÅguyo asu ai-amboa tɨÅɨrɨfo ndowandümboemo. Aiana sɨrɨhü sesesɨyomo asu bia sɨmɨndɨmo rarao arundɨ ranahambo hɨhɨfɨ-hɨhɨfɨmbai yahomomboanemo. Rananemo ai se-babɨdɨ sowasümondühɨ amarɨmo, Åga se ranahambo amoanɨÅgayei. Åga moaruwai tɨkai hohoanɨmo ai yifirɨyomo houmbo ramarundɨ ranahambo hɨhɨfɨ-hɨhɨfɨyomondühɨ amarɨmo. 14 Aiana amurɨ hɨmbombo-yomopoanɨ, Åga moaruwai hohoanɨmo ra ratüpurɨmbohünda nɨmorehɨmbo sowanamboane hɨmboarɨ pararundɨ. Aiana Ågɨrɨ moaruwai hohoanɨmo ra hɨnɨÅgɨndundɨ, Åga wanɨ. Rananemo asu ai nindou bɨdɨfɨrɨ anɨhondümbofe hohoanɨmo akɨdou yaÅgɨrɨ kɨkɨhɨru-ndümondeimbɨ ahamumbo moaruwai hohoanɨmo ra rambɨrunda yahomo houmbo hüharupurɨ. Aiana nindou Ågoründɨ napo hohoaÅɨfembo hohoanɨmo ra ndeara yamundumboanemo. Åga God ai nindou ranahamumbo moaruwaimbo-ndeapurɨmbui. 15 Ai sapo aboedɨ hohoanɨmo nafɨ hondü meÅgoro ranahambo daboadɨ hɨhɨrɨmarundɨ ranɨmboanemo asu ai mamɨkarɨyomo wakarundɨ. Nindou aiana Beorɨndɨ nɨmorɨ Baram ai moaruwai hohoanɨmomayu ahandɨ hohoanɨmo ra süÅgumarundɨ. Baram aiana ro moaruwai hohoanɨmondahan-anɨmbo kakɨ ranai tükündɨfemboe yahuhaya yare hohoanɨmomayu. 16 Ahandɨ nɨnɨhondɨ moaÅgui-randeimbɨ-hündɨ ahandɨ ndürɨ doÅgi ai hoafɨkoateimbane, Åga nindou hoafɨ nahurai hoafɨmayo. Ai Godɨndɨ hoafɨ hoafɨyu-randeimbɨ Baram moaruwai hohoanɨmoayu ranahambo ranɨ-süÅgufepoanɨ yahohaya hoafɨmendo. Ranɨyo asu doÅgi ai ahandɨ Ågusüfo-koate hohoanɨmo ra kɨkɨhɨmarɨmɨndo. 17 Tɨkai yamundu-rundeimbɨ ndanana sapo apoarɨndɨhorɨ hoe Ågɨnareandɨ nahurai-anemo. Asu aiana mburüÅgai hoewerɨnambo kɨkɨramɨndɨ pireandanɨ aho yahurai-anemo. God ai ahamumbo nɨmbɨ afɨndɨ moaruwai nɨmarowanɨ koarɨhefepurɨmbo dɨbonɨyu hɨnɨÅgɨ-reapurɨmboani. 18 Nindou ndanai-ana Ågusüfokoate hoafɨ hoafɨyomondühɨ nɨÅondɨyɨmondühɨ borɨyomo wakarundɨ. Rananemo asu ai nindou bodɨmondambo findɨ moaruwai hohoanɨmo aho ranahambo Ågusüfoambe botɨfe hohoanɨmo ra süÅgu-mbɨrɨhinda yahomo houmbo yirümoarundürɨ hoaÅgomo. Ai nindou sapo haponda moaruwai hohoanɨmoyomo-rundeimbɨ ahamundɨ fikɨmɨ mafefoehindɨ ranaheimbo ahamundɨ moaruwai hohoanɨmo ranambe mbɨheiya yahomo houmbo hohoanɨmoyomo arundɨ. 19 Rananemo tɨkai yamundu-rundeimbɨ ranai horombo hoafɨyomondühɨya, ‘Se yɨhoefɨ hohoanɨmo süÅguarɨhindɨ ana, aboedambo Ågeimboyei,’ mehomo. Åga asu ai-amboanɨ nɨne-moatükunɨ ahamumbo moaruwaimbo-ndeapurɨmboe ranahandɨ moanɨ ratüpurɨyomo-rundeimbɨ nindou nahurai nɨÅgomomboanemo. Ranɨ-moatükunɨ ra ndahurai-ane: Nɨne-moatükunɨ nindou ranahambo hɨfandarɨrɨ ana, ahandɨ moanɨ ratüpurɨyu-randeimbɨ nindou-ani. 20 E! ra anɨhond-ane, nindou ai sɨhefɨ Adükarɨ Sisas Krais sɨhefɨmbo aboedambofe-munɨmboayu ranahambo fɨfɨrɨhorɨ. Asu ranɨmbo-hünda ai fefoehindühɨ hɨfɨ ndanɨhünda moaruwai hohoanɨmondɨ Ågɨnɨndɨ ranambeahɨndɨ aboedambo-mehindɨ. Åga asu asükai ai moaruwai hohoanɨmo ra süÅguarɨhindɨ ana, asükai hɨhɨhɨrɨyahi karabusehindɨ nahurai-ane: WeaÅgurühɨ ai anɨhondümbofe-koate-yeiambe moaruwai hohoanɨmo ra süÅgurɨhindühɨ nindou moaruwai manɨmboei. Asükaiyei süÅguna ai hɨhɨrɨyahi hei ranɨfihɨ apaiarei ana, moaruwai hamɨndɨ hondü nɨmboeimboyei. 21 Refe ana, awi ai aboedɨ hohoanɨmo nafɨ aho ranɨ-süÅgufekoate-mbeimbonana, ranana ranaheimbo moaruwai-ane. Åga nindou ai aboedɨ hohoanɨmo nafɨ aho ranɨ-süÅgu süÅgurɨhi hehimbo süÅgunambo Godɨndɨ ahɨnümbɨ hoafɨ ranaheimbo yamundɨmarundüra masahümündi ranahambo daboadanambo-arɨhindɨ ana, ranaheimbo moaruwai hamɨndɨ hond-ane. 22 Ahei hohoanɨmo ra kafoefe hoafɨ nahurai-ane: ‘Yaforɨ ai nɨnɨ-moatükunɨyo kɨmbomayo ra asükaiyo hɨhɨrɨfe ho sesɨ arandɨ.’ Asu Ågorü yahurai-ane: ‘Nindou ai moatei hundürarandɨ ana, moatei ai hɨhɨrɨndɨfe asükai Ågo hüburukoambe foerɨmboe.’