2 Korin 11
PNG1 Awi se wambo rarɨhi hɨnɨÅgɨrɨhindɨranɨ-anɨmbo asu ro hɨhɨndɨ hoafɨ hoafɨnda. Åga se wambo hɨnɨÅgɨrɨ-hindɨrɨmboanei. 2 Awi ro Ågusüfo pararɨheandürɨ God ai sɨheimbo Ågusüfo parareandürɨ hu nou. Seana moanɨ nɨmorehɨ yihoarɨfɨ hamɨndɨ nindowenihɨ mamɨ ranahambo yaÅgɨrɨ segodombo sei hehi dɨbonɨyei hɨnɨÅgarɨhindɨ nahurai-anei. Nindowenihɨ mamɨ ranai ana Krais ranani. 3 Sapo amoasɨrɨ tɨkai hoafɨ fɨfɨreandeimbɨ hamɨndɨyo haya Ifɨmbo tɨkai hoafɨmendo ranahamboanahɨ ro afɨndɨ hohoanɨmoayahɨ. Sɨheimbo-so amboa hohoanɨmo yahurai tükündɨfendüranɨ, asu sɨhei Kraisɨmbo hohoanɨmo aboedɨ Ågusüfo pamarɨhorɨ ranai moaruwaimbo-ndɨfemboe saheheamboanahɨ ro yɨhɨmboayahɨ. 4 Nindou bɨdɨfɨrɨ ai sɨheimbo-so tüküyafu Sisas sapo ro bokarɨhehu arɨhundɨ ranahamboemopoanɨ, Åga Ågorü-poanɨmbo Sisas ranahambo bokarɨhou rundühanemo. Asu se Ågorü-poanɨmbo yifiafɨ masahümündi, Åga ro Yifiafɨ Aboedɨ ranahambo hoafɨyefɨ arɨhundɨyopoanɨ masahümündi. Asu se Ågorü-poanɨmbo aboedɨ hoaf-ane sahümündi arɨhündɨ, Åga aboedɨ hoafɨ ro sɨnefɨ hoafɨyahundürɨ marɨhundɨ ranɨyopoanɨ. Nindou bɨdɨfɨrɨ ai ranɨ hoafɨ ra hoafɨyomondüranɨ asu se rarɨhi hɨnɨÅgɨrɨhipuranɨ yahurai hoafɨ ra hoafɨyomo arundɨ. 5 Ro sɨheimbo hoafehandürɨ, nindou ranahamumbo Kraisɨndɨ hoafɨ sowandümo homo-rundeimbɨ nindou bogor-anemo asei ranahamundɨ hoarehɨ nɨmboambo-yahɨpoanɨ. 6 Yɨnɨ anɨhond-ane, hoafɨ hoafɨyorambo ra ro aboedɨ hamɨndɨ-yahɨpoanɨ, Åga fɨfɨrɨfe ranana ro moai mbonɨmbo-rɨhamɨndɨhɨ. MuÅguambo moatükunɨ hohoanɨmo ro rarɨhu marɨhundɨ ra sɨheimbo ranɨ fɨfɨrɨfe ranɨyo muÅguambo nafuiyahundürɨ marɨhundɨ. 7 Se fɨfɨrɨhindɨ roana sɨheimbo Godɨndɨ-mayo aboedɨ hoafɨ hoafɨyahandürɨ marɨhandɨ ranɨmbo-hünda moai kakɨ napombo semɨndɨmbo warɨyarɨhandɨ. Ro sɨheimboya, ai-anɨmbo nindou aboedɨ hamɨndɨ tükümbeyahindɨ sahehea asu wandɨ fimbo ro hɨfɨnambo-rɨheandühɨ hɨmboarɨ hoafendühɨ hoafɨya marɨhand-ane. Asu ranɨ-moatükunɨ ra nɨmboea? Refe-ana awi wandɨ hohoanɨmo ranambo ro moaruwai hohoanɨmombayahɨyo? 8 Ro sɨheimbo farɨhefe-ndürɨmbohünda Godɨndɨ nendɨ Ågorü Ågoafɨhü amarei ranai wambo kakɨ akɨdou sehi rɨhünda masahamɨndɨhɨ. Ranɨmbo-hündamboyahɨ ro ahei-mayo kakɨ ra moanɨ hümbuhünɨmbo fufurɨhamɨndɨmbo nahurai-mayahɨ. 9 Ro se-babɨdɨmbo ranɨhü nɨmboahɨ sɨmboanɨ ana ro kakɨ-napo yahurai sɨhefe-koate mbonɨmbo-rɨhamɨndɨhühɨ moai nindou mamɨ sɨhei mbusümo ahambo tɨÅɨrɨfo sahando, Åga wanɨ. Åga wandafɨ mamɨ Masedoniahündɨ ndanɨhü sühüsi tükümehindɨ aiyei nɨne napo ro sɨhefembo mbonɨmbo-marɨhamɨndɨhɨ ra masehindɨrɨ. Horombo maho-ane, asu süÅgunamboane ro Ågɨrɨ sɨheimbo tɨÅɨrɨfo ndahandürɨ. Åga ro ranɨ hohoanɨmo ra süÅgurɨ-heandühanahɨ. 10 Kraisɨndɨ hoafɨ hondü ra wandɨ Ågusüfoambe nɨmarɨmboane, ranane asu ro sɨheimbo anɨhondümbo hoafehandürɨ: Hohoanɨmo ra ro süÅgurɨhe arɨhandɨ ranahambo borayahɨ ra Ågɨrɨ Akaia hɨfɨhü Ågorü nindou ai wandɨ borɨ hoafɨ ra kɨkɨndeandɨ. 11 Nɨmboe ro sɨheimbo tɨÅɨrɨfo saikoate-ayaha? Ro sɨheimbo Ågusüfo pefindürɨkoate-wamboyahɨ? Åga wanɨ. God ai fɨfɨreamboani ro sɨheimbo Ågusüfo parɨhendürɨ arɨhandɨ ra. 12 Ro haponda nɨne ratüpurɨ rawarɨheandɨ ra ro moanɨ ranɨ yaÅgɨrɨ ratüpurɨ-yahühanahɨ, nindou bɨdɨfɨrɨ ranahamumbo nafɨ gifepurɨmbohünda. Ai Ågomondühɨya, roana Por mamɨ ratüpurɨyomo arundɨ yahurai-anefɨ ratüpurɨyefɨ arɨhundɨ mbɨsɨmo houmbo borɨndɨmboemo sahehea. 13 Nindou ranai ana, Kraisɨndɨ hoafɨ sowandümo homo-rundeimbɨ hondüyomopoanɨ. Aiana ahamundɨ ratüpurɨyomo arundɨ ranahamumbo tɨkai hoafɨyomo rundühanemo nindou amurɨ ranaheimboya, ai Kraisɨndɨ hoafɨ sowandümo homo-rundeimbɨ hond-anemo sei hoafɨmbɨyeiya yahomo houmbo. 14 E! Asu se ahamundɨ hohoanɨmo ranahambo afɨndɨ hohoanɨmo-ndeimboyei. Satan ai-amboanɨ ahandɨ fi ra Ågorü-süÅgure haya sünambeahɨndɨ nendɨ-yomondɨ si ranɨmbofi haya tüküfi arandɨ. 15 Ranɨmboane Satan ahandɨ ratüpurɨyomo-rundeimbɨ nindou ranai nindou ahei hɨmboahü aboedɨ mbumundɨ ratüpurɨ-yomondeimbɨ ranɨ hoearambeyafu tüküyafunda ranahambo hepünɨfepoanɨ. Nindou ranai ana süÅgunambo ranɨ-moatükunɨ ramarundɨ sɨmoÅgorühɨ asübusɨ ndowandümboemo. 16 Ro asükai hoafayahɨ: Nindou mamɨ ai wamboya, aiana hɨhɨndɨ-hɨndɨndɨyuhani mbüsü haya hohoanɨmondɨmbui, Åga yowanɨ. Se wambo randɨhi hohoanɨmombondeihɨ ana, ambesɨ, Åga wamboya, aiana hɨhɨndɨ-hɨhɨndɨyumb-ani mbɨsahündɨran-anɨmbo asu wandɨ fimbo borɨnda habodɨmboanesɨ. 17 Ro haponda ndarɨhe hoafayahɨ nda: Adükarɨndɨ hohoanɨmo süÅgu hoafɨyambo-yahɨpoanɨ, Åga wanɨ. Åga ro moanɨ wandɨhoarɨ hɨhɨndɨ-hɨhɨndɨyahühɨyahɨ ro rarɨhe borɨyahühɨ hoafayahɨ. 18 Nindou bɨdɨfɨrɨ ai hɨfɨ ndanɨhündambo hohoanɨmo süÅgu homondühɨ sɨheimbo-so homo ahamundɨ fimbo borɨyomo arundɨ rananɨmbo asu ro-amboanɨ wandɨ fimbo mandɨhe yahurai borɨndamboyahɨ. 19 Seana sɨheihoarɨmboya, “Ro hohoanɨmo aboedɨ fɨfɨrɨhu-ndeimbanefɨ,” aseisɨ, Åga ranɨmboanei se hɨhɨndɨ-hɨhɨndɨyomondeimbɨ nindou ranahamumboya, “Ambemo, Åga moanɨ ai ranɨ hoafɨmbeyomo,” asei. 20 Seana nindou ranai sɨheimbo moanɨ hoafemo süÅgufembo yaÅgɨr-anei hohoanɨmoayei. Asu sɨhei-mayo napo fufemɨndɨ, ahamundɨ wosɨhoaforɨ hoafɨ ranambo sɨheimbo semündündürane, sɨheimbo moaruwai-moaruwaimbo-arundürane, asu Ågusümboarambe pakararɨhoundür-ane, ranɨ-moatükunɨ ra rarundan-ane asu seana ahamumboya, ai ambemo asei. 21 Ranɨ-moatükunɨ hohoanɨmo ai rawarundɨ ranahambo ana awi ro Ågɨnɨndɨ hamɨndɨyefɨpoanɨ. Åga asu nindou Ågorü ai ahandɨ fimbo borɨmbo ehu-ana, ro-amboanɨ, awi hɨhɨndɨ-hɨhɨndɨyahühɨ hoafayahɨ, Åga wandɨfimbo borɨndamboyahɨ. 22 Nindou ra Hibruhündɨ-yomosɨ? Åga ro-amboanɨ Hibruhünd-anahɨsɨ. Asu ai Israerɨhündɨ-yomosɨ? Asu ro-amboanɨ Israerɨhünd-anahɨsɨ. 23 Ai Kraisɨndɨ ratüpurɨyomo-rundeimbɨ-yomosɨ? Awi ro hohoanɨmokoate nindou-anahɨ, Åga roana ratüpurɨ ra refembo ahamumbo Ågasündɨ-heapurɨmboanahɨ. Roana ratüpurɨ ra afɨndɨ hamɨndɨ tɨÅɨrɨfoya, afɨndɨmbo karabusɨyahe, afɨndɨmbo wambo buburundɨrɨ, raramarundɨr-anesɨ. 24 Wambo hondahüfeimbɨmbo wofɨ bogorɨnambo Suda 39 amberamɨndeimbɨyo bubumarundɨrɨ. 25 Romɨhündɨ ai wambo Ågɨmɨmbo nɨmɨharɨnambo buburundɨrɨ. Asu mamɨmbo nɨmoeinambo-rundɨrɨ, asu Ågɨmɨmbo ro nɨmarɨheimbɨ sip ranai hɨmonɨ hɨhɨrɨmafoareandɨ asu ro mamɨ si hɨmonɨ yaÅgɨrɨ boborɨya wakɨmarɨheand-ane. 26 Ro afɨndɨmbo hahabodɨ marɨhandɨ ranambe hohoambumbo ha asu hümbuhünɨ nendɨ afɨndɨ yaÅgorambe ha marɨhandɨ. Asu ranambe yaÅgɨrɨyopoanɨ, Åga Sudahündɨ wandafɨ mamayei asu Suda-yafe ndɨfoyei ai wambo moaruwaimbo-marɨhindɨrɨ. Adükarɨ Ågoafɨhüyo asu nɨmambe nindou nɨÅgokoate-reandühɨ ranamboanɨ ro moaruwaimbo-fembo yaÅgɨrɨya marɨhandɨ. Sɨrɨwara hɨmoyo asu tɨkai Ågunindɨyomo ranambe ro moaruwaimbo-fembo yaÅgɨrɨya ha marɨhand-ane. 27 Ro ranɨ-poanɨ ranɨ-poanɨ ratüpurɨ afɨndɨ safɨyo ratüpurɨya marɨhandɨ. Afɨndɨmbo ro nɨmbokoanɨ gedühɨ moai ndorɨhe apo rɨhandɨ. Wembombo-yarɨhandühɨ asu wandɨ amɨndasümo ranai hoe sɨmɨndɨmbo kɨkɨre-yaparɨhoai marandɨ. Ro sesɨ afɨndɨ sɨhefe, worɨ aboedambe nɨmarɨ, hoearɨ aboedɨ güdüfe raraokoate-ya marɨhand-ane. 28 Ranɨ-moatükunɨ yaÅgɨrɨyopoanɨ wambo-so tüküfe marandɨ, Åga wanɨ. MuÅguambo si maho ra Godɨndɨ nindou Ågorü Ågoafɨhü amarei ranaheimbo hɨfandɨyondürɨmbo hohoanɨmo ranai-amboanɨ tüküfeyo-anɨyahɨ ro tɨÅümbɨ hohoanɨmo sahamɨndɨ marɨhandɨ. 29 Nindou düdi ai Ågɨnemɨndɨ-koate-ayu ana, asu ro-amboanɨ Ågɨnemɨndɨ-koate-anahɨ. Nindou Ågorü ai rareanda Ågorü ai moaruwai hohoanɨmoayu ana, asu ro Ågusüfo nɨmbɨyahühɨ nɨmarɨ arɨhandɨ. 30 Ro borɨmbo asahɨ ana, sapo ro Ågɨnemɨndɨ nɨÅgokoate anɨmboahɨ ranahambo-anɨmbo borɨnda habodɨmboyahɨ. 31 God ai God-ani asu Adükarɨ Sisasɨndɨ Afɨnd-ani ranahandɨ ndürɨ koadürümbo-koadürümbo aboed-ani seihanei. Ai wambo fɨfɨreandɨrɨ ro tɨkai hoafɨyo rakoate anɨhondümboanahɨ hoafayahɨ nda. 32 Ro Damaskus Ågoafɨhü nɨmarɨhambe bogorɨ nindou ranɨ Ågoafɨ hɨfanda-randeimbɨ adükarɨ bogorɨ Arestasɨndɨ hoarehɨ mamaru. Nindou ranai wambo kɨkɨhemɨndɨ mburɨmbo karabusɨ-fendɨrɨmbohünda ami bɨdɨfɨrɨ Ågoafɨ ginɨrɨ nafɨtambe fikɨmɨ hɨnɨÅgɨ-mareapura manɨÅgomo. 33 Åga asu wambo Ågoafɨ ginɨrɨ ranambe nafɨ wandafɨ mamɨ bodɨmondɨ ai basketambe wofɨ küru mburu foarundɨrɨ houmbo masafoarundɨra aboedambomeheandɨ.