1 Korin 3
PNG1 Wandafɨ mamɨ, horombo ana ro Ågɨrɨ sɨheimbo Yifiafɨ Aboedɨ nɨmarɨndüreimbɨmbo hoafɨyahandürɨ arɨhandɨ nou hoafɨyahandürɨ. Ro nindou ai hɨfɨ ndanɨhündambo hohoanɨmoyeimbɨ asu nɨmoakɨdɨbou nahurai sɨheimbo hoafɨmehandürɨ. 2 Awi ro sɨheimbo kehurɨ sesɨ safɨyo moaÅgui-marɨhandürɨ, Åga nɨmboe sapo se moai Ågɨnɨndɨ sesɨ sesɨmbo tüküyahindɨ hapondanɨ amboanɨ. 3 Åga hapondanɨ ana awi se nindou hɨfɨ ndanɨhünda anɨmboei nahurai-anei. Wandafɨ Ågorümbo moaruwaimbofi hohoanɨmo asu sɨheihoarɨ sɨmborɨ hoafɨ ranana awi sɨhei mbusümo yaÅgoromboane. Hohoanɨmo ranana nindou hɨfɨ ndanɨhündambo hohoanɨmo asu wamɨndafɨ hohoanɨmo ranane hɨfandarɨhündɨ. 4 Nindou mamɨ ai hoafɨyuhüya, “Roana Porɨndɨ süÅgueheandɨ.” Asu Ågorü ai hoafɨyuhüya, “Roana Aporosɨndɨ süÅgueheandɨ.” Ranɨ hohoanɨmo se hohoanɨmoayei ranana nindou hɨfɨ ndanɨ-hündamboyafe hohoanɨmo-ane hohoanɨmoayei. 5 Se ranahambo ndondɨhi hohoanɨmondei. Aporos ra nindou düdia? Asu ro Por nda ro dɨdɨyaha? Roana moanɨ Godɨndɨ ratüpurɨmbo yaÅgɨrɨ nindou-anehɨ. God ai yɨhoefɨmbo ratüpurɨ masemun-ane asu yɨhoefɨ ratüpurɨ ranɨ-süÅguyei se Sisas Kraisɨmbo anɨhondümbo-marɨhorɨ. 6 Ro nümbürɨ mamɨ ranambe hoarɨ hɨfɨ-kamarɨheandɨ. Asu Aporos ai wohɨmarɨhendɨ. Åga asu Ape God aiyu ranɨ-moatükunɨ ranahambo botɨmareanda adükarɨ tükümefeyo. 7 Ranɨmboane nindou ai nɨnɨ maÅgɨrɨyo hɨfɨ-karareand-ane asu woharɨhendɨ ranai ana ndürɨmbɨyupoanɨ, Åga wanɨ. Åga sapo God ai ranɨ-moatükunɨ ranahambo botɨreandanɨ tükefeyo ranai yaÅgɨr-ani ndürümbɨ hamɨndayu. 8 Åga nindou düdi maÅgɨrɨ hɨfɨkare asu nindou düdi wohɨrɨhai arandɨ ranɨ yimbu ai moanɨ sɨmogodɨ nindou-anafanɨ. Åga nindou ranahafanɨmbo God ai ahandɨhoar-anɨmbo süÅguna nɨne ratüpurɨ ai ratüpurɨmefanɨ takɨnɨ dagapɨrɨmbui. 9 Roana mamɨmboyaho hohoa Godɨndɨ ratüpurɨ ratüpurayehɨ, Åga seana Godɨndɨ nümbürɨ, asu worɨ nahurai-anei. 10 Godɨndɨ moanɨ hɨpoambofe-namboyahɨ ro nindou aboedɨ worɨmbora-randeimbɨ nou tükümeheandɨ. Ranɨyahɨ asu ro kambohoanɨ boatei Ågɨnɨndɨ mafeburaheandɨ. Ranɨyo asu nindou Ågorü ai kambohoanɨ ranɨwamɨ worɨ mafondeandɨ. Åga nindou mamamɨ düdi worɨmboarandɨ ranai moanɨ ndonde hoeindeandühɨ worɨ ra worɨmbondandɨ. 11 God ai mbusümo kambohoanɨ hondü Ågɨnɨndɨ mafondirɨ ra Sisas Krais-ani, Åga asu kambohoanɨ Ågɨrɨ asükai nindou ai yahurai fondeandɨ. 12 Nindou bɨdɨfɨrɨ ai gor, sirfa, nɨmoei kakɨ afɨndɨ fihɨ koarɨhefembo ranɨmbo ranɨwamɨ worɨmbo-ndühümboyei. Åga asu nindou bɨdɨfɨrɨ ai nɨmɨ, wohɨ asu ahurɨndambo nɨmɨndɨ ranɨnambo worɨmbo-ndühümboyei. 13 Rananɨmbo nindou ai nɨne-moatükunɨ nüÅgunahuraiyo ratüpurɨyei hɨnɨÅgɨmarɨhindɨ ra Krais tüküfi sɨmboanɨ weindahɨ tükündɨfemboe. Asu ranɨ si weindahɨ tüküfe sɨmboan-anɨmbo God ai hai nahurai ahei ratüpurɨ ra rande hoeinde-andürɨmbui. Rananɨmbo ai nahanɨyo aboedɨ safayo ranahambo hoeindeambui. 14 Asu nindou ai kambohoanɨ ranɨwamɨ worɨmbo-rɨhündanɨ asu worɨ ahei ranai hai tɨkɨrɨkoate-ayo ana, nindou ranai takɨnɨ ndahümündimboyei. 15 Åga asu nindou ahei ratüpurɨmayei ra hai tɨkɨrarandɨ ana, asu ai ranahandɨ takɨnɨ Ågɨrɨ ndahümündi. Åga asu aheihoarɨ ana haiambeahɨndɨ hürarɨhehindɨ nouehindɨ ana, aboedambo-ndahimboyei. 16 Se fɨfɨrɨhindai, seana Godɨndɨ wor-anei, Åga asu ranane Godɨndɨ Yifiafɨ ranai sɨhei mbusümo amaro. 17 Åga asu nindou düdi ai Godɨndɨ worɨ ra moaruwaimbo-areandɨ ana, asu sɨmborɨ God ai nindou ranahambo moaruwaimbo-ndirümbui. Godɨndɨ worɨ ana ahandɨ yaÅgɨr-ane asu seana ahandɨ wor-anei. 18 Se sɨhei fimbo tɨkai hoafɨndeimboyei. Sɨhei mbusümo nindou mamɨ ai hɨfɨ ndanɨhündambo hohoanɨmo süÅgurandühɨ yare hohoanɨmoyuhüya, “Roana fɨfɨrɨheandeimb-anahɨ,” ehu ana, nindou ranai awi nindou-yei hɨmboahü hɨhɨndɨ hohoanɨmoyu-randeimbɨ nahurai tükümbɨfi-yuwamboane. Rananɨmbo asu ai Godɨndɨ hohoanɨmoambe fɨfɨreandeimbɨ nindou hondü tükündɨfimbui. 19 Hɨfɨ ndanɨhündambo aboedɨ fɨfɨrɨfe ranana Godɨndɨ hɨmboahü hɨhɨndɨ hohoanɨmo nahurai-ane. Godɨndɨ hoafɨ yare hoafɨyowohü yahoya, “Fɨfɨrundeimbɨ nindou ai wosɨhoaforɨ hoafɨyomo arundɨ, Åga God ai ahamundɨ hohoanɨmo moaruwaimbo-ndeapurɨmbui,” Job 5:13 meho. 20 Åga Godɨndɨ hoafɨ asükai yare hoafɨyowohü yahoya, “Adükarɨ ai fɨfɨreamboani fɨfɨrundeimbɨ nindou-yomondɨ hohoanɨmo ranana nɨmɨndɨ aboedɨ fɨfɨrɨfekoate-ane,” Buk Song 94:11 meho. 21 Se Ågɨrɨ Ågorü nindou ranɨmbo borɨndei, Åga Por, Aporos asu Pita muÅguambo ra sɨheimbo fehefembo awi sɨhei-anemo. Yɨnɨ, Åga muÅguambo moatükunɨ sɨheimbo fehefembo sɨhei-ane. Hɨfɨ, yaÅgɨrɨ nɨÅgo, yɨfɨ, hapondan-ane asu süÅgunamboane muÅgu-moatükunɨ ra sɨhei-ane. 23 Asu se Kraisɨnd-anei asu Krais ai Godɨnd-ani.