1 Korin 1
PNG1 Ro Por-anahɨ God aiyu wambo Sisas Kraisɨndɨ hoafɨ semɨndɨ horambohünda kafoare hɨnɨÅgɨ-mareandɨrɨ. 2 Wandɨ wandafɨ Sostenes-dɨbo nɨmaremboanehɨ Kraisɨndɨ nendɨ Korin Ågoafɨhü amarei sɨheimbo pas nda sürü paparɨhandɨ. God ai sɨheimbo Krais-dɨbo nɨÅgombohünda wandɨ yaÅgɨr-anei yahu hɨnɨÅgɨ-mareandürɨ. Ranɨyu asu ai nindou muÅguambo sɨhefɨ Adükarɨ Sisas Kraisɨmbo dɨdɨbafɨyei arɨhündɨ ranaheimbo ai-babɨdɨmbo nɨÅgombohünda kafoare hɨnɨÅgɨ-mareandürɨ. Adükarɨ ranai ana ahei asu sɨhefɨ muÅguamboani. 3 Ape God asu sɨhefɨ Adükarɨ Sisas Krais ai sɨheimbo moanɨ hɨpoambo-ndɨneandürɨhɨ asu Ågusüfoambe afurɨfembü hohoanɨmo mbɨsabɨna-ndüramboane. 4 Sisas Kraisndɨ süÅguyu sɨheimbo God ai moanɨ hɨpoambo-mareandürɨ ranɨmbo-hündambo-anɨmbo asu ahambo sɨheimbohünda muÅguambo si hɨhɨfɨrɨhünɨ arɨhandɨ. 5 Kraisɨndɨ hoafɨ ro sɨheimbo hoafɨmehundürɨ ranana sɨhei Ågusüfoambe Ågɨnɨndɨ nɨmarɨndürɨmboane. Se Krais-babɨdɨ anɨboadei ranɨ-süÅgu God ai ahandɨ hoafɨ hoafɨyorambo asu ahambo fɨfɨrɨfembo moatükunɨ ra sɨheimbo masagadürɨ. 7 Ranɨmboanei asu se sɨhefɨ Adükarɨ Sisas Krais ai weindahɨ tüküfemboayu ranahambo hɨmboyeihɨ asu se-ana moai Yifiafɨ Aboedɨndɨ-mayo moatükunɨ ra mbonɨmbo-rɨhümündi, Åga wanɨ. 8 Asu ai sɨheimbo Ågɨnɨndɨ kɨkɨhɨ-ndamündündürɨ nüÅgu Ågumbo bɨdɨfɨranɨ si asu ai kosɨmbo tüküfiyuambe Ågɨrɨ se hütiyei mbüsu. 9 Asu ai nɨnɨ-moatükunɨ hoafayu ai randeambui. Ahandɨ nɨmorɨ Sisas Krais sɨhefɨ Adükarɨ-babɨdɨ wudɨmbeyeia yahuhayamboyu ai sɨheimbo mborai mehundürɨ. 10 Wandafɨ mamɨ, sɨhefɨ Adükarɨ Sisas Kraisɨndɨ süÅgu sɨheimbo hüti hoafayahandürɨ. MuÅguambo se mamɨ hohoanɨmo ranɨ yaÅgɨr-anɨmbo hohoanɨmondei. Åga asu se yikürübündei wakɨndɨhimboyei. Se moanɨ mamɨ hohoanɨmo süÅgu-anɨmbo moanɨ mamɨmbondahi nɨmboei. 11 Wandafɨ mamɨ, nindou bɨdɨfɨrɨ Kroendɨ worambeahɨndɨ ai hoafɨmehündürɨ sɨhei mbusümo sɨmborɨ hoafɨ hohoanɨmo eÅgoro ranahambo. 12 Awi ro ndarɨhe hoafayahɨ: Nindou mamamɨ se ranɨ-poanɨmbo ranɨ-poanɨmbo hoafɨyo hoafɨmayei. Ågorü ai hoafɨyohü yahoya, “Roana Porɨndɨ süÅgueheandɨ,” Ågorü ai, “Roana Aporosɨndɨ süÅgueheandɨ,” Ågorü ai, “Roana Pitandɨ süÅgueheandɨ,” asu Ågorü ai, “Roana Kraisɨndɨ süÅgueheandɨ,” ranɨ hoafɨ hoafɨmayei. 13 Asu Sisas Krais ai yikürübü-reandeimbɨyu? Asu Por ai sɨheimbo-hündambo nɨmɨ keimbɨ karɨhendeimbɨfihɨ yɨfɨyuwai? Porɨndɨ süÅgurɨhorɨ-rɨhündeimbɨmboyahi hundürɨyei-ai? 14 Ro moai sɨheimbo ana dabo hundürɨhandürɨ, Åga Krispus asu Gaius ahafanɨmbo yaÅgɨrɨhapɨrɨ hundürɨ-marɨhapɨrɨ. Ranɨmbo-hündamboanahɨ ro Godɨmbo hɨhɨfarɨhünɨ. 15 Ranɨmbo-hündambo-anɨmbo nindou mamɨ ai Ågɨrɨ wandɨ ndürɨnambo hɨmonɨ hundürɨmayei mbüsü haya hoafɨndu, Åga wanɨ. 16 Awi yɨnɨ, ro Stefanosɨyu asu ahandɨ fikɨmɨnɨndɨ aheimbo amboanɨ hundürɨ-marɨhandürɨ, Åga nindou amurambo hundürɨ-yondürɨmbo ana, moai hohoanɨmoyahɨ. 17 Sisas Krais ai wambo moai nindou hundürɨ-yondürɨmbo koarɨhendɨrɨ, Åga aboedɨ hoafɨ ra bokarɨhefembo-hündamboyo koamarɨhendɨrɨ. Åga roana, fɨfɨrundeimbɨ nindou tɨkai hoafɨyomo arundɨ nahurai ranɨ hoafɨ moai hoafɨya rɨhandɨ. Ranɨmbe-mbonana asu Sisas Krais nɨmɨ keimbɨ karɨhendeimbɨ-fihɨ yɨfɨmayu ranai Ågɨnɨndɨmbeyu-poanɨ. 18 Sisas Krais nɨmɨ keimbɨ karɨhendeimbɨfihɨ yɨfɨmayu hoafɨ ranana nindou moaruwaimbo-femboayei ranaheimbo hɨhɨndɨ hohoanɨmo-anendürɨ, Åga asu nindou God ai aboedambo-reamuneimbɨ sɨhefɨmbo ana ranɨ hoafɨ ra Godɨndɨ Ågɨnɨnd-anemunɨ. 19 Bukambe yare hoafɨyowohü yahoya, “Hɨfɨnɨndɨ ndorɨhi hohoanɨmoyeimbɨ-yei ndofe hohoanɨmo ranana moaruwaimbo-ndɨheandühɨ asu nindou hɨfɨnɨndɨ aboedɨ hohoanɨmo-yomondeimbɨ-yafe hohoanɨmo ra gɨgɨranambo-ndɨheamboyahɨ,” meho. 20 Refe-anasɨ asu nahi ndoru hohoanɨmoyomo-rundeimbɨ manɨÅgomoa? Asu ahɨnümbɨ fɨfɨrundeimbɨ nindou amboanɨ nahiyomo anɨÅgomoa? Asu nahiyomo hɨfɨ ndanɨhündambo sɨmborɨ hoafɨ nafɨru-rundeimbɨ anɨÅgomoa? Nindou hɨfɨ ndanɨhü anɨmboei ranahei ndofe hohoanɨmo ranahambo God ai hɨhɨndɨ hohoanɨmo-ane yahu nafuimayu! 21 Godɨndɨ ndofe hohoanɨmo süÅguyo hɨfɨ ndanɨhündambo nindou ndorɨhi fɨfɨrɨhindeimbɨ ai ahei hohoanɨmonambo yaÅgɨrɨ Ågɨrɨ Godɨmbo fɨfɨrɨndɨhorɨ. Hoafɨ ro hoafɨyefɨ arɨhundɨ ra nindou ranahambo hɨhɨndɨ hohoanɨmo-ane asei, Åga God ai yifirɨyu haya nindou Kraisɨmbo anɨhondümbo-arɨhorɨ ranaheimbo aboedambo-ndɨheandürɨ-mboyahɨ, mehu. 22 Hoafɨ ranahambo anɨhond-ane yahombohünda Suda ai hepünɨfeimbɨ moatükunɨ ranɨmboanemo hoeindɨhu ehomo, Åga asu Grik ai fɨfɨrɨfe hohoanɨmo ranɨmboanemo yifirayomo. 23 Åga sɨhefɨmbo ana Sisas Krais nɨmɨ keimbɨ karɨhendeimbɨfihɨ yɨfɨmayu ranahamboane ro bokarɨhehu arɨhundɨ. Ranɨ hoafɨ ranane Suda-yomondɨ hohoanɨmo ranahambo mamɨkarapurɨ arandɨ. Asu Grik ana ndanɨ hoafɨ ndanahamboya ranɨ-moatükunɨ ana hɨhɨndɨ hohoanɨmo-ane yahomo houmbo hohoanɨmo-yomondühanemo. 24 Åga asu sɨhɨr-anefɨ, Sudahünd-anei asu Grikɨhünd-anei muÅguambo sɨhefɨmbo God ai mborai mehumunɨ ra hɨmborɨyeifembü sɨhefɨmbo ana Krais ai Godɨndɨ Ågɨnɨndɨ moatükunɨyu haya, asu ahandɨ ndofe hohoanɨmo-ani. 25 God ai hɨhɨndɨ hohoanɨmombayu-mbonana, ahandɨ hohoanɨmo ra nindou-yei ndofe hohoanɨmo Ågasünde. Asu God ai kehurɨmbeyu-mbonana, ahandɨ kehurɨ ra nindou-yei Ågɨnɨndɨ Ågasünde. 26 Wandafɨ mamɨ, se ndandɨhi hohoanɨmondei sapo horombo sɨheimbo God ai hoafɨmayundüra ahandɨ nindou tükümehindɨ ranɨmbo. Sɨhei mbusümo nindou afɨndɨ ai hɨfɨnɨndɨ hohoanɨmo fɨfɨrɨhindeimbɨ-yeipoanɨ. Nindou afɨndɨ ai Ågɨnɨndɨ-yeipoanɨ. Nindou afɨndɨ ai adükarɨ ndürɨmbɨ-yeipoanɨ. 27 Åga asu hɨfɨ ndanɨhündambo nindou ai hohoanɨmoyeihɨ hɨhɨndɨ hohoanɨmoyeimb-anei masei ranaheimbo God ai moanɨ hohoanɨmoyu haya masemündündürɨ ndorɨhi hohoanɨmoyei-rɨhündeimbɨ nindou aheimbo amoanɨÅgambo-fendürɨmbo-hünda. Asu hɨfɨ ndanɨhündambo nindou ai ra Ågɨnɨndɨkoate-yeimb-ane masei ranaheimbo God ai hohoanɨmoyu haya masemündündürɨ nindou Ågɨnɨndɨ hɨfandɨ-rɨhündeimbɨ aheimbo amoanɨÅgambo-fendürɨmbohünda. 28 Ranɨyu asu ai hɨfɨ ndanɨhü ndürɨkoate-yoweimbɨ moatükunɨ ranɨyo, asu nindou ai ranɨ-moatükunɨ ana moanane seihü yiboaruko-marɨhindɨ ra God ai masemündu nindou ai aboedɨ hamɨnd-ane masei ranahambo hɨfɨnambo-fembohünda. 29 Ranɨ-mayowamboane nindou mamɨ ai Ågɨrɨ Godɨndɨ hɨmboahü ahandɨhoarɨmbo borɨndu. 30 Åga God ai sɨheimbo Sisas Krais-babɨdɨ hɨnɨÅgɨmarear-anei. God ai ahambo sɨhefɨ fɨfɨrɨfe hohoanɨmo, Godɨndɨ hɨmboahü mbumundɨ nɨÅgo hohoanɨmo, sürühoeimbɨ hohoanɨmo süÅgufembo hohoanɨmo, asu aboedambo-femunɨmbo hohoanɨmo ranahambo nɨmɨndɨmborirɨ hɨnɨÅgɨmarirɨ. 31 Ranɨmboane Godɨndɨ hoafɨ ai hoafɨyohü yahoya, “Nindou ai borɨmboayu ana, ai Adükarɨmbo yaÅgɨr-anɨmbo borɨmbiyu-wamboane,” meho.