Lukas 5

1 Gubuê mangan da Yisu imunti mpui fuê tsiraê Genesaret ringan ifis i nan, da ampi tsiraê angu imunti itsuafiê Arangan i ringanta i Anutu sisingê bini gan. 2 Da Arangan itsanga madzung utaê iruê dzungêa gin yaba fada magamangê ringan da garam uda yafas in igi ifa sib i adzuêa ubing gan. 3 Arangan iyab ifa madzung manga Saimon gan, da ini da arangan i usuda pas waêa fada sinungê magamangê igi. Da Arangan impa iruê madzung wagungê da ifis i nan da ampi tsiraê muntida magamangê. 4 Gubuê Yisu fisa i nan sib da Arangan ini da Saimon, “Wayu madzung ani nafa rungum wasaê da watangin ubing gam naruê i uda yafas." 5 Da Saimon ini, “Garam tsiraê, idziang ugu da aga nang gum tsiraê bingan da aga wayu nidzun gan mangan u. Da bitsintaê u ni, ibinigi da dzi bungê atangin ubing aruê." 6 Gubuê ribarangan nanga bida nigi, da iyu yafas ampi bingan angu da ubing gan inang i ntapa ruan. 7 Ibinigi da ribarangan iwabi gan riban mpada madzung mangan i uda madzung bada i rima sib. Da ribarangan iyu madzung iba, da madzung iruê igi ifungê wasi i yafas da inang i satupan. 8 Gubuê Saimon Petrus tsanganda nam bida nigi da arangan idzaê faga gudzun iruê Yisu fagan da ini, “Nifutsarif, watangin dzi rai, i dzi garam maisan bingan." 9 Ini ibinigi i arangan da gan utupan uda yafas igi irunt fafun i yafas ampi bingan igi. 10 Arangan riban Dzems da Yowanis, Sebedi narun rusan, irunt fafun ibinigi. Da Yisu ini da Saimon, “Anungê ratan u. Aruani da fadan da u bungê ayu garam gar nabinigi." 11 Da gubuê ribarangan antira madzung yaba fada magamangê da itiri nanggan santan rai da yatsungê Yisu. 12 Yisu fawaêa gamp mangan da iwaê da garam manga diginting tirida gin. Da gubuê arangan tsanganda Yisu da arangan itatapuangê maran iruê intap da igaib runggan da Yisu, “Nifutsarif, bida u maram furan da u sangê i nanga dzi rininggangê dauman." 13 Da Yisu irim bangin i arangan da ini, “Dzi marangê yari gin. Aruani da wawaê bini.” Da sung angu diginting itiri arangan rai. 14 Da Yisu ifai nan i arangan i anungê nidan da rib fain. Da ini, “Da bitsintaê wafasantingê runggam da garam pumuêa Anutu namingê Ungar Mararam Yerusalem. Da watsara nam da Anutu natsungê nan faidagin Moses akaran i garam diginting waêa bini, i garam santan sruêa gin bida u rininggam idaum sib." 15 Da bitsintaê Yisu sisingê gan igi ipuê idzarang sung angu iyus miamun ugu, ibinigi da garam ampi bingan iba i ringanta i Arangan da tipa ribarangan rinin gingêan waêa bini. 16 Da bitsintaê Yisu inang da ifingê iruan ifa gamp frap nufan mangan da yugin. 17 Gubuê mangan Yisu fisa i nan, da garam Farisai da garam gudzupuê i nan faidagin impai impruê. Ribarangan iba imingê gamp isiê isiê ampi bingan mingêa Galili da Yudia da gamp Yerusalem ibinigi. Da Anutu nampanggan isisungê Yisu i tipa rinin gingêan. 18 Da garam faingê ibuaringê garam urungun gruêa ruan i tiriang. Da intsaê i dziwara i ampi i fasuda uts da Yisu mingêa ungar wasaê, da bitsintaê imami ruan angu gin. Ibinigi da ribarangan iyab ungar gudzun wagungê, da itawaê nam bida intap gur sinungê ungar gudzun. Da itugu garam gingêa rinin inting da tiriang iruê wasaê i ampi tsiraê igi da iruê rururungan da Yisu maranggan. 20 Gubuê Yisu tsanganda ribarangan nanggan muarutsan igi da Arangan ini da garam igi, “Garam, dzi siat u nanggam maisan rai." 21 Da garam Farisai da garam gudzupuê i nan faidagin ini angu i wangunggan, “Garam aruani nam idzuwai? Itsarif runggan i uda Anutu mumai gan! Manga sangê i siata nam maisan? Anutu runtaê angu isangê i siata nam maisan." 22 Yisu isruê i nan idzuwai ribarangan maran furan da igutin, “Ibianungê da agam igif nan maran furan igi i gam wangunggam? 23 Bida dzi nidan da garam ani, ‘Dzi siat u nanggam maisan rai,’ da wabarabin u, da bida dzi nidan, ‘Wauriê da wayung,’ da ibarabin. 24 Da bitsintaê aruani da dzi ni agam sruêa gin bida Garam Narunggan isu wain i siata nam maisan rai mingêa intap.” Da ini da garam urungun gruêa ruan igi, “Dzi nani da agu, wauriê da wayu rabiê gam da wafa gampam." 25 Da sung angu arangan yuriê iyab ribarangan maran, da intsung rabiê gan gingêa gin, da iyung da itsarif Anutu ifa gampan. 26 Da rib santan irunt fafun da nugun isantan ruan gin da itsarif Anutu. Da ribarangan ini ibiani, “Gubuê aruani da agi tsanga nam maran mangan santan angu." 27 Raiyi da Yisu iyung iwaê ifa manaê, da itsanga garam uda takis mangan binganggan Liwai impai mumai uda takis in. Da Yisu ini rutin, “Watsungê dzi." 28 Da Liwai itangin nam santan rai da yuriê da yatsungê Yisu. 29 Liwai isu nam gadan tsiraê i Yisu imingê ungaran. Da garam uda takis utup tsiraê da garam faingê iwaê da iga nam impruê da ribarangan. 30 Da bitsintaê garam Farisai da gan garaman gudzupuê i nan faidagin impruê ruan da ini nan ampi bingan angu da Yisu riban atsungêa gin, “Ibianungê da agam irut garam uda takis da garam maisan santan igi iga nam?" 31 Da Yisu ini ribarangan nanggan mungaê, “Garam mamida gingêa rinin mangan wasangê i fada da dudaê mangan u, imaê, garam gingêa rinin angu. 32 Dzi anungê iba i nuêa rib rururungan u, imaê; dzi ba i nuêa garam maisan i parima i ruan sinungê nam maisan." 33 Da ribarangan ini da Yisu ibiani, “Yowanis Ruruba Garam riban atsungêa gin inang da ipaê ruan i nam gadan da gubuê fain da yugin, da Farisai riban atsungêa gin ibinigi. Ibianungê da u ribam atsungêa i agu anungê ipaê ruan i nam gadan da gubuê fain u?" 34 Da Yisu ini nan mungaê, “Amaê, garam bungê uda finin ampi gan waêan igi isangê i paêa ruan i nam gadan da gubuê aru arangan mpada mpruêan igi, ma imaê? 35 Da bitsintaê gubuê mangan bungê awaê i uda garam uda finin ugu sinungê riban, da gubuê arigi da ribarangan bungê apaê ruan i nam gadan." 36 Arangan ini nan raman ani da ribarangan, “Manga anungê isangê i garida ngarukui faê marafaingê isiê mangan da ntanga fada ngarukui ratar u. Bida arangan nanga bida nigi da iwaya ngarukui faê igi da marafaingê amitsa fada ratar igi anungê isangê i sangêa ruan u. 37 Da manga anungê isangê i yatsa wain gurun faê ruêa apu rini gangan ratar ranguda wain gurun gin u. Bida u nanga bida nigi da wain gurun faê nampanggan bungê anang da apu rini gangan ratar igi bungê aitsiar ruan, i gangan igi wasangê i suda tsiraê. Da wain gurun bungê ayats ruan da nawaya apu rini gangan igi. 38 Imaê, bungê ayats wain gurun faê naruê apu rini gangan faê angu, i rini gangan faê isangê i suda tsiraê. 39 Da manga numa wain ratar sib da bungê abugin i numa wain gurun faê, i arangan ini wain gurun ratar igi bini bingan angu."