Lukas 3

1 King tsiraê Taiberias udzufan mpada tayangê gamp santan mpada warangê i Rom ibawaê 15, da Pontius Pilatus isu kiap tsiraê impa tayangê Yudia, da Herot isu garam gudzun gabman gan mpada tayangê utup Galili, da rainggan Filip isu garam gudzun gabman gan mpada tayangê utup Ituria da Trakonitis, da Lisanias isu garam gudzun gabman gan i utup Abilini. 2 Da Anas da Kaiafas isu garam pumuêa Anutu wain tsiraê. Da gubuê arigi da Anutu nanggan iwaê da Yowanis, Tsakarias narunggan, imingê nam manaê dadauntan. 3 Da Yowanis iyung gamp sib angu mingêa uts da mpui Yordan, da ifis i nan da garam i parima i ruan da tanginda nanggan maisan rai da yiêa i mpui ruruban, i fadan da Anutu i siata i nanggan maisan rai. 4 Da inang gum igi yatsungê profet Aisaia nanggan nidan ibiani: “Nifun mangan inuê imingê nam manaê dadauntan ini ibiani, ‘Watip Nifutsarif sanaban yunga gin narururung. 5 Wasama marangruê, da warab mamai da marabuntup santan naruê nasu bump rururungan. Sanab santan nguangêan narururung, da sanab marangruê nafafus. 6 Da garam gar santan bungê atsangan Anutu nanggan rima sib.’ “ 7 Da Yowanis ini da ampi tsiraê badan i arangan ruruban igi ibiani, “Muntsir narun rusan agam! Mangan ini sisingê da agam i runta sinungê Anutu nugu tsakia gan da agam iba da dzi? 8 Bida agam nida uda mpui ruruban, da wakap nidzun bini mungê da nasantingê nabi agam itangin nanggam maisan rai da iparim i ruam ifan da Anutu. Da anungê nidan da runggam bida ani, ‘Abraham isu agi tafanggangê,’ i nam igi anungê isangê i rima agam sib u. Dzi nani da agam, Anutu isangê nanga tauf ani suda Abraham yangin rusan. 9 I dzantsun rumingê uts da gai wain, da gai santan mamida i kapa nidzun bini da bungê arab udziê da natapu nayab dzaf." 10 Da ampan santan igutin, “Aga nanga bida anungê?" 11 Da Yowanis ini ribarangan nanggan mungaê, “Da mangan ngarukui gan iruê da narim bits da mangan sauda runggan. Da mangan nanggan gadan rumingêan da nanang nabinigi angu." 12 Da garam uda takis fain iba i Yowanis ruruban bida nigi, da igut i arangan, “Nan Wain, aga nanga bida anungê?" 13 Da arangan ini da ribarangan, “Gubuê agam ntsungêan nam mingêa garamin da anungê ntsungêa nam yusa nam bunump gudzun tangindan u." 14 Da garam singaari fain igutin ibinigi, “Da agai nanga bida anungê?” Da arangan ini da ribarangan, “Agam madzur nan umpur ma narim tsakia da garam i uda i gan nam bunumpan ma. Nugum wanuf i nam bunump aru agam udan i gum agam nangan." 15 Da ampan santan impa irim maran i Kristus, Garam Anutu Ragadan, badan, da maran ifur i Yowanis igi mani Kristus arangan. 16 Da Yowanis ringanta i ampan igi nanggan da ini i nifunggan mungaê ibiani, “Dzi rurub agam i mpui utaê. Da bitsintaê mangan atsungêa dzi, ruta nampang tsiraê iyus dzi, bungê aba. Dzi wadaum i piraêa fufuai i Arangan faga gangkang gan da adzuêa Arangan faganggan u. Arangan bungê arurub agam i Marapayam Mararam da dzaf. 17 Da bangin rugif fok i aruda nam gangan mingêa mumai piriangêa nam nidzun gin, ufuma nam nidzun atangêa ungar da bungê afanga nam gangan santan i dzaf gada ratar ntingan." 18 Da Yowanis imus ini Anutu sisingê bini gan i nan ampi bingan i untapa i garam uwayantan. 19 Da bitsintaê Yowanis impiê Herot Antipas, garam gudzun gabman gan mpada tayangê Galili ugu, i asuban uda rainggan fininggan, Herodias, da asuban ampi bingan nangan. 20 Raiyi da Herot itip inang asub mangan i tanginda Yowanis atangêa ungar karabus. 21 Gubuê aru Yowanis rung ruruba ampan ampi bingan da arangan irurub Yisu impruê. Yisu muntida udagin, da gunungun idagangê. 22 Da Marapayam Mararam isu busir maran iruê imingê ragun i Yisu. Da nifun mangan iwaê imingê gunungun ini binaê, “Dzi narunggangê agu, da dzi marangê yari da nugungê inuf nidzun i agu." 23 Da Yisu udzufan waêa bida 30, da iraê i gan guman. Da ampan maran ifur da ibuni Yisu igi Yosef narunggan. Da Yosef igi Heli narunggan. 24 Da Heli igi Matat narunggan. Da Matat igi Liwai narunggan. Da Liwai igi Melki narunggan. Da Melki igi Yanai narunggan. Da Yanai igi Yosef narunggan. 25 Da Yosef igi Matatias narunggan. Da Matatias igi Amos narunggan. Da Amos igi Nahum narunggan. Da Nahum igi Esli narunggan. Da Esli igi Nagai narunggan. 26 Da Nagai igi Mat narunggan. Da Mat igi Matatias narunggan. Da Matatias igi Semen narunggan. Da Semen igi Yosek narunggan. Da Yosek igi Yoda narunggan. 27 Da Yoda igi Yoanan narunggan. Da Yoanan igi Resa narunggan. Da Resa igi Tserubabel narunggan. Da Tserubabel igi Sealtiel narunggan. Da Sealtiel igi Neri narunggan. 28 Da Neri igi Melki narunggan. Da Melki igi Adi narunggan. Da Adi igi Kosam narunggan. Da Kosam igi Elmadam narunggan. Da Elmadam igi Er narunggan. 29 Da Er igi Yosua narunggan. Da Yosua igi Elieser narunggan. Da Elieser igi Yorim narunggan. Da Yorim igi Matat narunggan. Da Matat igi Liwai narunggan. 30 Da Liwai igi Simion narunggan. Da Simion igi Yuda narunggan. Da Yuda igi Yosef narunggan. Da Yosef igi Yonam narunggan. Da Yonam igi Eliakim narunggan. 31 Da Eliakim igi Melea narunggan. Da Melea igi Mena narunggan. Da Mena igi Matata narunggan. Da Matata igi Natan narunggan. Da Natan igi Tafit narunggan. 32 Da Tafit igi Yesi narunggan. Da Yesi igi Obet narunggan. Da Obet igi Boas narunggan. Da Boas igi Salmon narunggan. Da Salmon igi Nason narunggan. 33 Da Nason igi Aminadap narunggan. Da Aminadap igi Atmin narunggan. Da Atmin igi Arni narunggan. Da Arni igi Hesron narunggan. Da Hesron igi Perets narunggan. Da Perets igi Yuda narunggan. 34 Da Yuda igi Yakop narunggan. Da Yakop igi Isak narunggan. Da Isak igi Abraham narunggan. Da Abraham igi Tera narunggan. Da Tera igi Nahor narunggan. 35 Da Nahor igi Seruk narunggan. Da Seruk igi Reu narunggan. Da Reu igi Pelek narunggan. Da Pelek igi Eber narunggan. Da Eber igi Sela narunggan. 36 Da Sela igi Kainan narunggan. Da Kainan igi Arfaksat narunggan. Da Arfaksat igi Sem narunggan. Da Sem igi Noa narunggan. Da Noa igi Lamek narunggan. 37 Da Lamek igi Metusela narunggan. Da Metusela igi Inok narunggan. Da Inok igi Yaret narunggan. Da Yaret igi Mahalalel narunggan. Da Mahalalel igi Kenan narunggan. 38 Da Kenan igi Inos narunggan. Da Inos igi Set narunggan. Da Set igi Adam narunggan. Da Adam igi Anutu narunggan.