Yowanis 6

1 Raiyi da Yisu ifa mpui fuê tsiraê Galili, nida Taibirias gin, marafain gan. 2 Da garam utup tsiraê bingan itsanga nam maran mangan ampi bingan Arangan nangan i raêa i garam rini gingêan dauman, ibinigi da yatsungê gin ifan. 3 Da Yisu irut riban atsungêa gin iyab mamai da impruê ruan impa nigi. 4 Da garam Yuda gubuê gan mararam tsiraê nida Angira Atupa Sib inang i waêan. 5 Gubuê Yisu raêa i maran da itsanga garam utup tsiraê bingan bada rutin, da Arangan igut i Filip ini binaê, “Agi nabuyu nam gadan anungê i riman da rib utup tsiraê bingan ani i gadan?" 6 Ini nan guta gin bida nigi i intsaêa Filip nanggan muarutsan, i Arangan runggan isruê gin sib wa i nam Arangan maran furan i nangan. 7 Filip ini Arangan nifunggan mungaê ibiani, “Nam ntsuman uda i gum nanga sangêa gubuê 200 anungê isangê i uda bret gin i ampi tsiraê ani bits bits gada pas pas u!" 8 Da gan riban bits Andru, Saimon Petrus rainggan, ini binaê, 9 “Mamaê marub isiê bits ani iyu bret isiê isiê 5 tipa i bali nidzun da yafas iruêrun. Da bitsintaê, nigi bungê asangê ampi tsiraê ani nabianungê?" 10 Ida Yisu ini da ribarangan, “Wani da ampi tsiraê ani i mpada ruêan.” Puatsi iyus mumai igi. Da rib santan impa iruê, da garam ruas angu gudzun gan ibi 5,000. 11 Yisu iyu bali bret igi da irim dangki da Anutu gin da irim da riban atsungêa gin ifab da ampi tsiraê igi. Da inang ibinigi angu i yafas. Da ampan santan igi iyu nam gadan isangê maranggan furan. 12 Gubuê ribigi gada nam sufa sib, da Arangan ini da riban atsungêa gin ibiani, “Wantsungê nam pupumuts rungê mingêan aga, i agi anungê guran u." 13 Ibinigi da tuasarangan intsungê bali bret 5 ugu gan pupumutsan ampan gadan da rumingêan igi da ifarangê i tsitsuê firan 12 da ifungê. 14 Gubuê rib utup tsiraê igi tsanganda nam maran mangan Yisu nangan igi da ini binaê, “Nan nidzun bingan! Profet nida bada intap ugu arangan aruani." 15 Yisu isruê i ribarangan uwayantan nanga i badan da usuda Arangan suda king, ibinigi da Arangan ifingê i ruan ifa tip iyab mamai i runtaê mpadan nigi. 16 Gubuê nam nufan arigi da gan riban atsungêa gin iruê ifa mpui fuê, 17 da bitsintaê nam idziang iruê sib da Yisu watip iba sung u, ibinigi da ribarangan iyab i madzung da yis mpui fuê igi udziê i fada Kapenaum. 18 Da manis tsiraê bingan irunt da mpui iyamiyam tsiraê imunti. 19 Gubuê ribarangan tsariêa fawaêa wasaê bingan bida 5 ma 6 kilomita sib, da itsangan Yisu yunga mpui wagungê bada uts da madzung, da ribarangan irat iyus. 20 Da bitsintaê Yisu inuê ifan ini binaê, “Watangin ratan! Dzi ani." 21 Da ribarangan nugun inuf i uda Arangan yaba ba madzung, da sung angu da madzung iwaê intap tsaraê marafain ribarangan nida fada gin igi. 22 Pisa maiê mangan igi da garam ampi tsiraê rungê mpada mpui fuê igi marafain gan maran rufur i madzung bitsintaê angu imingê nigi da gubuê maiê ugu. Da isruê gin ibi Yisu warut riban atsungêa gin impruê ruan fada gin u. Imaê, riban atsungêa gin angu yatup i madzung igi da ifan. 23 Ida madzung fain mingêa gamp Taibirias iba antungê mpui fuê ringan, uts da mumai aru Yisu rima dangki i nam gadan da garam ampi tsiraê gadan ugu. 24 Ibinigi da gubuê ribarangan tsanganda bida Yisu da garaman atsungêa gin mamida mpadan nigi, da ribarangan iyab madzung fain igi da ifa Kapenaum i sauda Yisu i nigi. 25 Gubuê ribarangan bawaêan da Yisu i mpui marafain igi da ini rutin ibiani, “Rabai, gubuê maran idzuwai da u waê ani?" 26 Yisu ini ribigi nifunggan mungaê ini binaê, “Nan nidzun bingan dzi nani da agam, agam wasau dzi i agam tsanganda nam maran mangan u. Imaê, agam iga nam isuf; ibinigi da agam isau dzi iba. 27 Anungê suda uwatsuwats i nam gadan musa burumpiran. Wanang gum i nam gadan rima maran taêan ntingan angu. Garam Narunggan bungê arim nam gadan igi da agam, i Raman Anutu irim nampang sib da Arangan i nanga bida nigi." 28 Da ampan igi gut i Arangan ini binaê, “Anutu ini aga nanga i gan guman nidzun idzuwai?" 29 Da Yisu ini ribigi nanggan mungaê ibiani, “Anutu guman nidzun ibiani: agam wamuaruts garam aru Anutu tanginda badan ugu." 30 Da ribigi igut i Arangan ibiani, “U bungê anang nam maran mangan idzuwai igi i aga tsangandan da muarutsa agu? Agi tafangê rusangê iga nam gadan faringêa mana gin imingê nam manaê dadauntan isangê nan kakaran nida binaê, ‘Arangan irim bret bada mingêa gunungun da ribarangan i gadan.’ Da u bungê anang nam idzuwai? “ 32 Yisu ini da ribarangan ibiani, “Dzi ni nan nidzun bingan da agam, Moses anungê itangin bret ruêa gunungun badan igi da agam u, imaê. Dzi Ramanggangê angu inang da irim bret nidzun bada mingêa gunungun igi da agam. 33 Da bret aru Anutu riman igi, arangan aru mingêa gunungun ruêa bada intap da rima maran taêan da garam gar." 34 Ampan igi ini rutin ibiani, “Garam Tsiraê, warim bret igi da agai maiê maiê nabinigi angu." 35 Da Yisu ini da ribarangan ini biani, “Dzi runggangê isu bret mpada maran taêan wain. Garam badan da dzi da mangits wasangê tipa rutan u, da garam muarutsa dzi da wan anungê isangê i tipa tsaraêan u. 36 Da bitsintaê ibi dzi nidan da agam, agam itsanga dzi sib wa da agam wamuaruts u. 37 Garam sib angu Ramangê riman da dzi bungê aba da dzi. Da garam badan da dzi, da dzi wasangê paêa arangan rai u. 38 I dzi anungê imingê gunungun iruê ba i atsungêa rugangê maranggangê furan u. Imaê, dzi ruê ba i atsungêa Ramangê aru tanginda dzi badan ugu maranggan furan. 39 Da Ramangê aru tanginda dzi badan ugu maranggan furan ibiani, dzi wasangê i tusa marangê i garam Arangan riman da dzi ugu gan bits i rima ganunggan rai u. Imaê, dzi nais santan igi marataê da gubuê buntun. 40 I dzi Ramanggangê wangunggan ibiani, garam sib angu raraba Narun da muarutsa Arangan da bungê awaê da nam mpada ratar ntingan, da dzi bungê ais ribarangan marataê da gubuê buntun." 41 Gubuê garam Yuda ringanta i nan Yisu nida binaê, “Dzi runggangê isu bret ruêa mingêa gunungun badan,” da ribarangan igagara i nan da ruan. 42 Da ini binaê, “Aguêa! Nigi Yisu, Yosef narunggan, aru ramanggan da rinanggan aga sruêa gin sib ugu igi. Da ibubianungê ida aruani arangan ini i runggan ibiani, ‘Dzi mingê gunungun iruê ba’?" 43 Da Yisu ini ribarangan nifunggan mungaê ibiani, “Watangin gagarada i nan da ruam. 44 Garam mangan anungê isangê i badan da dzi utaê angu u; Ramangê aru tanginda dzi badan ugu runggan nauntap i arangan naba da dzi. Da dzi bungê ais arangan marataê da gubuê buntun. 45 Isangê profet ruas nanggan kakaran nida binaê, ‘Anutu runggan bungê asantingê da nautus garam santan uwayantan.’ Da rib ringanta i Ramangê nanggan da uda uwayant in, bungê aba da dzi. 46 Garam mangan watsanga Ramangê u. Garam aru ruta Anutu mpadan da badan ugu angu runtaê itsanga Ramangê. 47 Dzi ni nan nidzun bingan da agam, nugu muarutsan da bungê ampa ratar nanting angu. 48 Dzi runggangê isu bret mpada maran taêan wain. 49 Agam tafam rusam iga mana imingê nam manaê dadauntan, da ribarangan imamp sib. 50 Da bitsintaê bret ani da bret mingêa gunungun ruêa badan. Garam manga gadan da wasangê mampan u. 51 Dzi runggangê isu bret mpada maran taêan mingêa gunungun ruêa ba. Bida manga gada bret ani da bungê ampa ratar nanting. Da bret ani dzi paiê gangê, da dzi bungê arim rai i garam intap mpada maran taêan gin." 52 Garam Yuda iringantin da yudzungê nan da isu ufuai da ruan gin ini binaê, “Nabubi anungê da garam ani nasangê i rima gan paiê gan i agi gadan?" 53 Yisu ini da ribarangan ibiani, “Nan nidzun bingan dzi nani da agam, bida agam mamida i gada Garam Narunggan paiê gan da numa i biê gan, da nam mpada maran taêan anungê isangê i mingêa agam wangunggam wasaê u. 54 Garam manga gada dzi paiê gangê da numa dzi biê gangê iwaê da nam mpada maran taêan ntingan sib, da dzi bungê ais arangan marataê da gubuê buntun. 55 I dzi paiê gangê isu nam gadan nidzun, da dzi biê gangê isu mpui nidzun numan. 56 Garam manga gada dzi paiê gangê da numa dzi biê gangê impa dzi wasaê, da dzi mpa arangan wasaê. 57 Ibi Ramangê maran taêan wainggan itangin dzi iba da dzi mpa maran taêan i Arangan, ibinigi da manga gada dzi da bungê ampa maran taêan i dzi. 58 Nani bret mingêa gunungun ruêa badan, da anungê ibi mana agam tafam rusam gadan ugu da imus mampa sib. Imaê, manga gada bret ani da bungê ampa ratar nanting." 59 Yisu ifis i nan igi da gubuê Arangan ragida nan mingêa gamp Kapenaum ungaran mpruêa ruan gin. 60 Yisu riban atsungêa gin ampi bingan gubuê ringanta i nan igi da ini da ruan ini binaê, “Nan utusan ani ibarabin. Da manga sangê i udan?" 61 Yisu isruê gin ibi riban atsungêa gin wangun ibarabin i nan igi da igagara i nan da ruan iyus angu gin. Ibinigi da Yisu ini da ribarangan, “Nan ani mawaya agam nanggam muarutsan, a? 62 Da bida agam tsanganda Garam Narunggan tipa yaba gamp aru Arangan bada gin mungê ugu, da bungê abubianungê da agam? 63 Marapayam Mararam irim maran taêan da garam gar. Uriats anungê isangê i rima garam sib u. Da nan dzi nidan da agam ugu nigi marapayam da maran taêan. 64 Da bitsintaê agam fain anungê imuaruts u.” I miamun da Yisu isruê gin sib i rib idzuwai igi anungê imuaruts, da garam idzuwai igi bungê arim Arangan nafa garam ipiap banginggan. 65 Da ini, “I wain arigi angu da dzi ni sib da agam i garam mangan wasangê badan da dzi, bida Ramangê mamida i raêa i arangan wangunggan i badan." 66 Da gubuê arigi da riban atsungêa gin ampi bingan itiri Arangan rai da watip yatsungê Arangan u. 67 Ibinigi da Yisu igut i riban 12 ugu ini binaê, “Da agam mabinigi, agam mani tanginda dzi rai da fadan?" 68 Saimon Petrus ini i nifunggan mungaê ibiani, “Nifutsarif, aga bufadan da mangan igi? U su wain i nan rima maran taêan ntingan. 69 Aga muaruts da isruê gin ibi agu Anutu Garaman Mararam." 70 Ida Yisu ini nan mungaê ibiani, “Dzi runggangê ipiriangê agam 12, da bitsintaê agamam bits isu maratsaip gudzunggan!" 71 Yisu ini nan igi i Yudas, Saimon Iskariot narunggan. Arangan rib 12 igi gan bits, da bitsintaê raiyi da bungê arim Yisu nafa garam ipiap banginggan.