Yowanis 4

1 Farisai ruas iringantin ibi Yisu riban ruruban da atsungêa gin iyus Yowanis riban ruruban da atsungêa gin. Da bitsintaê Yisu runggan anungê irurub garam u; riban atsungêa gin angu irurub garam. Gubuê Yisu sruêa gin bida Farisai ruas ringanta i nan igi, da itangin intap Yudia rai da irut riban ifa intap Galili. 4 Da sanab Arangan yunga gin igi irunt wasaê i intap Samaria. 5 Ibinigi da Arangan ibawaê intap Samaria gampan mangan nida Sikar gin, imingê uts angu da intap Yakop yutan da narunggan Yosef. 6 Da Yakop mpui gan rafan imingê igi. Yisu ibawaê da impa iruê uts da mpui rafan ringan i rinin iraraiê nidzun angu i sanab guntiê yunga badan. Da gubuê impa wasaê sib ibi 12 kilok. 7 Da sagat Samaria bits iba i ranguda mpui, da Yisu ini da arangan, “Sagat i, isangê i u rima mpui da dzi numan?" 8 I Arangan riban atsungêa gin ifa sib gamp igi i uda nam gadan. 9 Ibinigi da sagat Samaria ini da Arangan ibiani, “Ai! U garam Yuda da dzi sagat Samaria. Ibianungê da u gut i dzi i mpui i numan?” (I rib Yuda ipaê ruan i ruta rib Samaria mpruêa ruan.) 10 Yisu ini arangan nifunggan mungaê ini binaê, “Dabi u dasruê i Anutu maraampi gan da u dafaringê garam guta i agu i mpui, da u madagut Arangan da madarim mpui maran taêan da agu." 11 Da bitsintaê sagat igi ini rutin ibiani, “Garam tsiraê, mpui rafan ani warangê bingan, da u wayu nam mangan i finuêa mpui gin u! Ibinigi da agu bu-uda mpui maran taêan igi i nanungê? 12 Agi tafanggangê Yakop irim mpui rafan ani da agai ramangê rusangê, da arangan runggan irut narun rusan da apu gan impruê ruan numan. Mani agu mayus arangan?" 13 Yisu ini arangan nanggan mungaê ibiani, “Garam numa mpui rafan ani da wan bungê atip atsaraê, 14 da bitsintaê manga numa mpui dzi riman da arangan, da wan anungê isangê i tipa tsaraêan u. Da mpui dzi riman bungê asu mpui maran mingêa wasaê i arangan da bungê afringfring da narim nam mpada maran taêan ntingan angu." 15 Da sagat igi ini da Arangan, “Garam tsiraê! Warim mpui igi da dzi, i dzi wangê anungê tipa tsaraêan da tida bada ani i finuêa mpui u." 16 Yisu ini da arangan ibiani, “Wafan da wanuê gabunggam da warut waba." 17 Sagat igi ini Arangan nifunggan mungaê ibiani, “Dzi gabunggangê imaê.” Yisu ini da arangan ibiani, “U ni nan nidzun bingan i u gabunggam imaê. 18 Da bitsintaê mungê, da u su gabum 5 sib, da aruani da garam aru agu ruta mpadan igi wasu u gabunggam nidzun u, imaê. Nan u nidan igi nan nidzun." 19 Sagat arangan ini da Yisu ini binaê, “Garam tsiraê, dzi tsangan ibi agu profet mangan. 20 Aga tafangê rusangê da agai ibinigi impruê ruangê imingê mamai igi i pumuêa Anutu, da bitsintaê agam rib Yuda ini mumai pumuêa Anutu gin da imingê Yerusalem angu." 21 Yisu ini da arangan, “Sagat ai, wamuaruts dzi nanggangê. Gubuê mangan bungê abawaê da agam wasangê pumuêa Ramangê Anutu mingêa mamai ani ma gamp Yerusalem aga angu u. 22 Agam rib Samaria ipumuê mangan aru agam mamida i sruêa gin, da aga rib Yuda ipumuê aru aga sruêa gin, i Anutu nanggan rima garam sib iwaê imingê garam Yuda gin. 23 Da bitsintaê gubuê mangan isu uts i waêan da ibawaê sib da arani, da garam pumuêa nidzun bungê apumuê Ramangê Anutu i Marapayam riniurun gan da nan nidzun, i Ramangê isau garam bida nigi i pumuêa Arangan. 24 Anutu igi Marapayam, da garam pumuêa Arangan napumuê Arangan i Marapayam riniurun gan da nan nidzun." 25 Sagat arangan ini da Yisu ibiani, “Dzi sruê i Mesia bungê aba” (faringêa Kristus gin, Garam Anutu Ragadan ugu). “Gubuê Arangan bawaêan, da bungê aragi nam santan angu wasi da agai." 26 Da Yisu ini da arangan ibiani, “Dzi Arangan Aruani ini nan da agu." 27 Gubuê arigi angu da Arangan riban atsungêa gin itip ibawaê da irunt fafun i tsanganda Yisu ruta sagat igi nida nan. Da bitsintaê manga wagut i Arangan i nan bida ani, “U sau nam idzuwai?” ma “Wain idzuwai da u rut sagat igi ini nan?" 28 Sagat igi itangin gur mpui gan rai da itip ifa gamp da ini da rib gamp igi ibiani, 29 “Agam waba da watsangan garam kupisa dzi nanggangê santan dzi nangan ugu wasi da dzi! Mani Kristus, Garam Anutu Ragadan, arangan aga?" 30 Da ampan santan gamp igi iyung iwaê ba i tsanganda Yisu. 31 Mingêa wasaê i gubuê maran arigi, da riban atsungêa gin irim udzungê da ini da Arangan ini binaê, “Rabai, waga nam." 32 Da bitsintaê Arangan ini da ribigi ibiani, “Dzi nanggangê gadan rumingê, da agam wasruê gin u." 33 Ibinigi da ribarangan ini da ruan ini binaê, “Manga mayu nam gadan aba rutin, ma?" 34 Yisu ini da ribarangan ibiani, “Dzi nam gadan gangê ani: atsungêa Anutu aru tanginda dzi badan ugu maranggan furan da ntsupa i gan guman. 35 Agam inang da ini ibiani, ‘Ukam iruê da iruê angu rungê imingê i fawaêa gubuê gum atiêan.’ Aitsangan! Dzi ni nidan da agam, wataningê da watsanga, nam muntida gum wasaê aga isu nidzun sib i yunga gin. 36 Da aruani da garam yunga nam atiêan iyu nam ntsuman gan da yufum nam atiêan nidzun mpada maran taêan ntingan angu. Ibinigi da garam ntanga nam da garam yunga nam atiêan nagu ruan nugun tsiaêan. 37 I garam inang da ini biani, ‘Garam mangan intang da garam mangan iyung gin.’ Nan igi isu nidzun i sanab bida ani. 38 Dzi tangin agam ifan i yunga nam atiêan mingêa gum agam mamida nanga gum in, da agam iyung nam nidzun aru rib fain nanga gum uwatsuwats gin ugu." 39 Ampan Samaria ampi bingan mpada gamp igi imuaruts Yisu i nan sagat igi nidan, “Arangan ikupis dzi nanggangê santan dzi nangan ugu wasi da dzi." 40 Da ribarangan iba da Arangan da yaga i ruta ribarangan mpadan, ibinigi da Yisu ifa mpa gamp igi isangê gubuê iruêrun. 41 Da rib ampi bingan fain imuaruts Yisu i nan Arangan fisa gin angu. 42 Da ini da sagat igi ibiani, “Aga anungê imuaruts Arangan iyab i nan u nidan da agai angu u, imaê. Aga muaruts iyab i nan aga runggangê ringanta gin mingêa Arangan nifunggan nidan, da aga sruê gin ibi nan ani nan nidzun i Arangan garam aru rima garam intap sib." 43 Gubuê Yisu mpadan nigi gubuê iruêrun sib, da Arangan itangin nigi rai da iyung ifa Galili. 44 Da mungê da Arangan runggan ini binaê, “Wasangê tsarifa profet mangan mingêa gan gampan wain u." 45 Gubuê Arangan fawaêa Galili, da garam gamp igi yis yaring gin, i ribarangan ibinigi ifa i gubuê mararam tsiraê Angira Atupa Sib mingêa Yerusalem da itsangan nam santan Arangan nangan mingêa nigi. 46 Yisu itip ifawaê Kana, gamp isiê mingêa Galili aru Arangan itama i mpui suda wain gurun gin ugu. Da king garam guman mangan narunggan igingê rinin imingê gamp Kapenaum. 47 Gubuê arangan ringanta i Yisu mingêa Yudia bada Galili, da ifa aga Arangan i tipa ruta fada Kapenaum da nanga arangan narunggan rinin dauman, i wain ibi inang i mampan. 48 Yisu ini da arangan, “Bida agam mamida i tsanganda nam maran mangan santingêa Anutu nampanggan wasi, da agam wasangê i muarutsa dzi u." 49 Da king garam guman itip yaga Arangan ini binaê, “Garam tsira! Agi ruêa sung, i dzi maragab narunggangê bungê abumamp i!" 50 Yisu ini da arangan ibiani, “Wafan! U narunggam rinin idaum.” Da garam igi imuaruts nan Yisu nidan da ifan. 51 Aru arangan rungê yunga sanab fadan da mamaê guman fain iba tur arangan i sanab ruta nan bini bida ani, “U narunggam rinin idaum wa." 52 Da arangan igut i tuasarangan i gubuê maran idzuwai da narunggan rinin idaum, da ribarangan ini binaê, “Nigi aru 1 kilok gubuê wasaê maiê ugu da rinin sasusan itiri arangan rai." 53 Da raman isruê gin i gubuê maran arigi angu da Yisu ini da arangan ibiani, “U narunggam rinin idaum.” Ibinigi da arangan irut riban santan imuaruts Yisu. 54 Gubuê Yisu mingêa Yudia tipa bawaêa Galili, da inang nam maran mangan igi. Da isu nam maran mangan iruêrun Arangan nanga mingêa Galili.