Yowanis 13

1 Gubuê mararam tsiraê Angira Atupa Sib iba su uts i waêan, da Yisu isruê gin i gubuê Arangan tanginda intap ani rai da fadan da Ramanggan inang i waêan. Da maran yari i gan ampanggan mpada intap ani iba isangê aruani, da isantingê nanggan rima wangunggan da ribigi nidzun angu iyus ifawaê i gan ampapan. 2 Ribarangan iga nam da idziang, da Sadang iraê i Saimon Iskariot narunggan Yudas wangunggan sib i rima Yisu fada garam ipiap banginggan. 3 Yisu irarab sib i Raman itangin nam santan angu iyab Arangan banginggan. Da isruê gin impruê ibi Arangan iba imingê Anutu gin da bungê atip afan da Anutu. 4 Ibinigi da Arangan itiri nam gadan igi rai da yuriê iyab da igruê gan ngarukui gan manaê da iyu taur da iraingê i gan tupuatiapan. 5 Ida iyats mpui iruê ibang da yadzuê riban atsungêa Arangan fagan gin, da itias i taur aru Aranga raingêan ugu. 6 Runang ibinigi da ibawaê da Saimon Petrus. Da Petrus ini da Arangan ibiani, “Nifutsarif, u ni adzuêa dzi fagangê?" 7 Yisu ini arangan nanggan mungaê ibiani, “Nam dzi nangan, da u anungê isruê gin da aruani, da bampan aga da agu bungê asruê gin." 8 Da Petrus ini binaê, “Imaê angu! U anungê isangê adzuêa dzi fagangê u.” Da Yisu ini binaê, “Bida dzi mamida i adzuêa agu fagam, da agu wasangê i suda dzi gangê u." 9 Da Saimon Petrus ini binaê, “Nifutsarif, bida nigi da u anungê adzuêa dzi fagangê angu u; wadzuê dzi bangingê da gudzungê nampruê nabinigi." 10 Yisu itip ini arangan nifunggan mungaê ibiani, “Garam mangan yiêa mpui sib da rinin santan sapan, da anungê isangê tipa yiêan u, bungê adzuê i fagan angu. Da agam isap sib wa, da bitsintaê anungê agam santan u." 11 I Yisu isruê gin sib i manga arigi bungê arim Arangan nafa garam ipiap banginggan. Ibinigi da ini binaê, “Anungê agam santan isap u." 12 Gubuê Arangan adzuêa riban fagan sib da itip yatsuf ngarukui gan da ifa tip impa iruê mumai gan mpada gin. Da igut i ribarangan ini binaê, “Agam isruê i nam dzi nanga i agam igi wainggan? 13 Agam ifaringê dzi Kidungwaga da Nifutsarif, da agam ini nan rururungan i dzi arangan aruani. 14 Da agam Nifutsarifam da Kidungwaga gam yadzuê agam fagam sib, da wanang nabinigi angu i adzuêa rufagam bida nigi. 15 Dzi santingê sanab da agam isu nam raman i agam nanga bida dzi nangan da agam. 16 Dzi nani nan nidzun bingan da agam! Mamaê gum anungê iyus garaman tsiraê u, ma garam rima sisingê ibinigi anungê iyus garam aru tanginda badan ugu u, imaê. 17 Agam irarab nam igi sib, da bida agam nangan da nugum watsiaê angu gin i Anutu bungê afinti agam in. 18 Dzi wani agam sib angu u, imaê. Dzi sruê i garam dzi runggangê piriangêan. Da bitsintaê nan kakaran ani nasu nidzun nabiani, ‘Garam ruta dzi mpruêa ruangê gada nam irim ipiap i dzi.’ 19 Dzi ni nan igi da agam mungê, da bampan aga da bungê asu nidzun. Da waêa suda nidzun da agam bungê amuaruts i Dzi Mpa Ibi Arigi Angu. 20 Nan nidzun bingan dzi nani da agam, manga isa yaring i dzi garamangê tanginda fadan, da yis yaring i dzi. Da manga isa yaring i dzi, da yis yaring i Aru tanginda dzi badan ugu ibinigi." 21 Yisu ini nan igi sib da wangun ibarabin nidzun angu da ini, “Dzi nani nan nidzun bingan da agam! Agamam bits bungê arim dzi nafa garam ipiap banginggan." 22 Ini ibinigi, da gan garaman atsungêa gin imami ruan angu i mangan nigi bungê arim ipiap i Arangan, da intrung maran i ruan ifa iba. 23 Da gan garaman atsungêa gin mangan aru Arangan maran arida gin yusan ugu impa uts rutin. 24 Da Saimon Petrus iraê i maran da garam arigi da ini binaê, “Wagut i Yisu i mangan nigi." 25 Ibinigi da garam igi impap uts angu ifan da Yisu nugun da igutin ini binaê, “Nifutsarif, u buni mangan nigi?" 26 Yisu ini arangan nifunggan mungaê ibiani, “Garam dzi tuguda bret mungaê ruêa mpuaê da rima rutin, da garam arangan arigi.” Da itugu bret igi da irim da Yudas, Saimon Iskariot narunggan. 27 Aru Yudas uda bret igi sib, da Sadang yatangê i arangan. Da Yisu ini da arangan ibiani, “Nam agu nida nangan da wanang sung angu." 28 Rib ruta Yisu mpruêa ruan gada nam igi anungê isruê i nan wain Yisu nidan igi u. 29 Yudas igi garam mpada tayangê ribarangan moni gan, ibinigi da gan fain ibuni Yisu nida rutin i fa uda nam ribarangan sauda runggan gin i gubuê mararam tsiraê igi, ma rima nam da garam sauda runggan. 30 Gubuê aru Yudas uda bret mungaê igi sib, da sung angu da itangin ribigi rai da iwaê ifan da nam idziang. 31 Gubuê Yudas fada sib da Yisu ini ibiani, “Garam Narunggan gubuê gan uda bingan tsiraê arangan aruani, da Anutu bungê ayu bingan tsira i Garam Narunggan. 32 Da bida Anutu uda bingan tsiraê i Arangan, da Anutu runggan bungê arim bingan tsiraê da Garam Narunggan, da bungê anang sung angu. 33 Dzi narungê rusangê, pas angu da dzi wasangê i rungê ruta agam mpadan u. Agam bungê asau dzi. Nan dzi nidan da garam Yuda ugu da dzi ni da agam da aruani. Gamp dzi fada gin, da agam anungê isangê fawaêa gin. 34 Da aruani da dzi tangin nan faidagin faê mangan da agam ibiani: Maram wari i runggam ntuaê nabi dzi marangê arida i agam. Ibinigi da agam maram wari i runggam ntuaê. 35 Bida agam maram arida i runggam ntuaê da garam sib angu bungê asruê gin nabi dzi ribangê atsungêa dzi agam." 36 Saimon Petrus igut i Arangan ini binaê, “Nifutsarif, U buni fada anungê?” Da Yisu ini nan mungaê ibiani, “Sanab dzi fadagin da u wasangê atsungêa gin badan u. Da bitsintaê bampan aga da u bungê amus atsungêa gin." 37 Petrus itip igutin ini binaê, “Nifutsarif! Ibubianungê da dzi mamida i atsungêa agu da aruani? Dzi bungê arim runggangê rai i rima agu sib." 38 Yisu itip ini arangan nifunggan mungaê ibiani, “U bungê asangê i rima runggam rai i dzi, a? Dzi nani nan nidzun da agu, rai da tatariê musa kakarakan, da agu bungê atungê maram i dzi nasangê iruê da bits."