Miamun 3

1 Apu buman santan Anutu Yawe tangindan ugu da mur isu apu mararuru tsiraê i nan umpur iyuêan. Gubuê mangan da mur iwaê da sagat da igutin, “Amaê! Nan nidzun i Anutu nidan da agam i anungê gada gai nidzun santan mingêa gum ani?" 2 Da sagat ini mur nifunggan mungaê ibiani, “Imaê, aga sangê i gada gai sib angu muntida gum wasaê ani nidzunggan, 3 da bitsintaê Anutu ifai nan babampafan i agai i gai bits muntida wasaê i gum ani aga anungê gadan ma ngifan u, bida aga nanga bida nigi da aga bungê amamp." 4 Da mur ini binaê, “Imaê! Nan umpur! Agam wasangê i mampan u. 5 Anutu ini ibinigi i arangan isruê gin sib i bida agam gadan da agam maram bungê antap ruan da agam bungê asangê Anutu i sruêa i nam bini da nam maisan." 6 Sagat itsangan gai nidzun igi iwaê ngarubini bingan i maranggan da idaum angu i gadan da uda mararuru. Ibinigi da arangan ipis fain da igan, ida imus rima fain da gabunggan igan impruê ibinigi. 7 Gubuê rib iruê igi gada sib da sung bingan angu maran intap ruan da irarab ruan ratar i mpada ragi dangunt; ibinigi da ribarangan idangin gai yafan tsiraê impruê ruan da iraingê sib i ruan. 8 Gubuê nam nufan da ribarangan iringant i Anutu Yawe yunga gum badan da ribarangan irunt ikup i Arangan imingê wasaê i gai santan. 9 Da Anutu Yawe inuê garam, “U mpa aruanungê?" 10 Da garam inuê ini Anutu Yawe nifunggan mungaê ba, “Dzi ringant i u yunga gum wasaê badan, ibinigi da dzi rat da dzi kup, i dzi mpa ragi dangunt." 11 Da Anutu igutin, “Manga ni da agu i u danguntan? U maga gai nidzun dzi paêa agu gin ugu, ma?" 12 Da garam itip ini Anutu Yawe nifunggan mungaê ibiani, “Sagat u tangindan da dzi ugu irim gai igi nidzunggan fain da dzi da dzi gan." 13 Da Anutu Yawe igut i sagat ini binaê, “U bunang ibinigi iyaê?” Da sagat ini Anutu Yawe nifunggan mungaê ibiani, “Mur isu umpur da dzi da dzi gan." 14 Ibinigi da Anutu Yawe ini da mur ini binaê, “U nang nam bida ani da dzi bungê apupuarap da agu namingê wasaê i apu marapagraê da buman santan, agu bungê asruak i wangum da waga ngaruntsuaf da gubuê sib angu nasangê u gubuê gam mampan. 15 Dzi bungê atangin agu da sagat narim ipiap i ruam da namingê wasaê i agu yanginggam da sagat yanginggan. Da arangan yanginggan bungê ayab i u gudzum, da u bungê agara arangan yanginggan faga mutun." 16 Da ini da sagat ini binaê, “Dzi bungê autus u barabin gam da agu nabiani: u bungê awaê da nam tsakiadan tsiraê bingan da gubuê u rima narum. U maram bungê ari i suda wain i gabunggam da bitsintaê u gabunggam bungê asu gudzun i agu." 17 Da itip ini da garam ini binaê, “U ringant i fininggam nanggan da u ga gai nidzun dzi paêa agu gin ugu, da intap bungê asu mais da agu. U bungê anang gum tsiraê bingan i waêa da nanggam gadan da gubuê santan nasangê u nanggam mampan. 18 Sai titipu da gantsuats maradantang bungê antap da nari u gumam sib da u bungê aga nam ntapa puatsi. Da u bungê anang gum uwats uwats tsiraê i waêa da nam gadan gam, nasangê u tipa fadan da intap aru dzi tipa agu gin ugu. I dzi tip agu i intap da gubuê u mampan da u bungê atip nafan da intap." 20 Da Adam ifaringê fininggan binganggan Ifa (wainggan ibi ‘marantaêan’). I arangan isu garam gar marantaêan sib angu rinanggan. 21 Anutu Yawe runggan itip nam atsufan i apu rini gangan da iraingê sib i ribarangan. 22 Da Anutu Yawe ini ibiani, “Watsangan! Garam ugu ibasangê agi mangan sib, isruê i nam bini da nam maisan sib wa. Agi anungê rungê tusa marangê i arangan da uda gai rima marantaêan nidzunggan da gadan u, i ribarangan bungê ampa ratar nanting i!" 23 Ibinigi da Anutu Yawe iwat arangan rai i gum Iden i nanga gum i intap aru tipa arangan gin ugu. 24 Iwat garam rai iwaê sinungê gum igi sib da Arangan itangin nam marantaêan gunungun fain nida tserubim da bainat bururungan marisa i ruan imingê gubuê yaban i gum Iden da imunti sib i gai rima marantaêan.