Miamun 22

1 Udzuf fain ifa sib raiyi, da Anutu yintsaê Abraham nanggan muarutsan i tsanganda bida arangan atangêa warangê i Arangan ma imaê. Da inuê arangan ibiani, “Abraham!” Da Abraham itaga ruan da ini binaê, “Dzi rumpai." 2 Da Anutu ini, “Wau narunggam yampi bitsintaê Isak aru u maram aridagin nidzun angu ugu da wafa intap Moria. Da wais arangan funub da watsara nasu dangki naba da Dzi namingê mamai mangan Dzi bungê asantingê agu gin." 3 Tataê maratait mangan da Abraham yuriê da idumpu gai maringê taida nam tsaradan gin sib da idzur impruê da nam bunump santan iyab dongki gan. Da iyu mamaê guman iruê impruê da narunggan Isak da iyung i fada mumai aru Anutu ntuanga rutin sib ugu. 4 Iyung ifan isangê gubuê suda iruê da bits da Abraham iraê i maran da itsangan mamai igi ifa ruguntiê. 5 Da ini da mamaê guman iruê igi, “Agam wampa ani wampruê da dongki, da dzi bungê arut mamaê aruani nafan. Da aga naidzaê fagangê da natsara nam da Anutu sib i naga da aga natip aba." 6 Abraham iyu gai maringê taida nam tsaradan gin da irim da narunggan Isak ibuaringê. Da Abraham runggan igif dzaf da mudzuk da impruê ruan yunga fadan. 7 Ifan da Isak igut i raman, “Ramangê?” Da Abraham ini, “Yaê, narungê. Wani.” Da Isak ini, “Dzaf da gai maringê ani, da dumpa anungê i tsaradan?" 8 Abraham ini narunggan nanggan mungaê ibiani, “Narungê, Anutu runggan bungê atangin dumpa i tsaradan.” Da ribarangan impruê ruan iyung ifan. 9 Gubuê ribarangan fawaêa mumai Anutu nida rutin ugu, da Abraham yantungê tauf tsarada nam in i nigi da irants gai maringê iyabin. Da idzur narunggan Isak fagan da bangin sib da isintungê iyab i gai maringê wagungê. 10 Da irim bangin ifan da iyu mudzuk i safa narunggan wan. 11 Da bitsintaê Yawe angira gan inuê arangan imingê gunungun ini binaê, “Abraham! Abraham!” Da Abraham ini, “Hai. Dzi rumpai." 12 Da angira ini, “Manang bangin mangan i mamaê igi maê. Aruani da dzi tsangan agu sib, u atangê warangê i Anutu, i u wagantsi narunggam yampi bitsintaê aru u maram aridagin igi i dzi u." 13 Abraham iraê i maran da itaningê da itsangan dumpa arapuê bits, tsiapan abira i gai uts uts bangin atangêa i ruan rung muntidan. Arangan ifan da yis funub da itai isu nam tsaradan iyu narunggan Isak mumai gan. 14 Ibinigi da Abraham ifaringê mumai arigi bingangan Yawe Runggan Irim. Da mingêa gubuê aruani da rungê ini, “Mingêa Yawe mamai gan da Runggan bungê arim." 15 Da Yawe angira gan itip inuê Abraham imingê gunungun 16 da ini, “Yawe ini ibiani, ‘U atangê warangê i Dzi nan nidzun angu da u wagantsi narunggam bitsintaê aru u maram aridagin yusan igi i Dzi u. Ibinigi da dzi Yawe ini nan nidzun bingan da agu: 17 Dzi bungê afinti agu nidzun angu da u yangin rusam nawaê nasisungê nasangê ngantam narun mingêa wagungê da nasangê sasanuai mingêa uruts ringan. U yangin rusam bungê adaru gan garam ipiapan rai da nasu wain i gan gampan. 18 Da mingêa u yangin rusam rururungan da Dzi bungê afinti garam intap utup utup santan, i u atangê warangê nidzun angu i Dzi.’" 19 Ntsupa sib da Abraham irut narunggan itip iba da gan mamaê guman, da impruê ruan ifa Birsiba da impa nigi gubuê guntiê bingan. 20 Raiyi da rib fain iragi Abraham rainggan Nahor narun rusan rutin ibiani, “U rainggam Nahor fininggan Milka irim narun rusan binganggan ibiani: 21 mamaê miamun Uts, da rainggan Buts, da Kemuelâ Aram ramanggan, 22 Keset, Hatso, Pildas, Dzitraf da Betuel." 23 Betuel isu Rebeka ramanggan. Milka, Abraham rainggan Nahor fininggan, irim Nahor narun rusan 8 igi. 24 Da sagat guman Reuma irim arangan narun rusan marub ibiani: Tiba, Gaham, Tahas da Maka.