Miamun 11

1 Miamun ugu da garam intap santan ini nifu-nan bitsintaê angu. 2 Garam igi santan intsung impai iyung imingê gubuê yaban da iwaê intap bump tsiraê bingan mingêa intap Sinar (nida Babilonia gin) da sib angu impruê ruan impa nigi. 3 Da ribarangan ini da ruan, “Ariê! Wauriê da agi nau intap gur da natip brik gin da natai i dzaf i babampafan.” Ribarangan inang ibinigi da iwaê da brik i rafa ungar gin, da iyu kolta i amitsa brik mpruêan da ruan. 4 Da itip ini da ruan ini binaê, “Ariê! Wasiri wampruê ruam waba, da agi naraf gampangê tsiraê mangan da narim ungar guntiê bingan angu, gudzun waêa gunungun, i nanga runggangê binganggangê muntida piapan da anungê dzarangan da mpada sangêa intap bafadan u." 5 Da bitsintaê Yawe iruê ba i tsanganda gamp tsiraê da ungar guntiê garam gar rungê rima yaban igi. 6 Da Yawe ini, “Aitsangan! Bida garam ani garam utup bitsintaê da nifu-nan bitsintaê da nanga nam bida ani, da nam mangan wasangê i barabindan da ribarangan u, imaê. Da pas angu da bungê anang nam mara maran i gan maranggan furan. 7 Ariê. Agi ruêan da rintsuma ribarangan nifu-nanggan da ribarangan anungê sruêa i runifu nanggan u." 8 Ibinigi da Yawe irintsum ribarangan i nifu-nan bitsintaê nidan, da inang ribarangan idzarang ifan isangê intap da intap da wantsup gamp tsiraê riman ugu sib u. 9 I wain igi da garam ifaringê gamp igi binganggan Babel (ma Babilon), da wainggan ibi ‘rintsuman’, i Yawe irintsum garam gar igi nifu-nanggan da ibrang ribarangan imingê nigi da idzarang impa isangê intap santan. 10 Sem narun rusan binganggan da nanggan ntuangan. Udzuf iruê aru mingêa bampan i mpui tsiraê riêan ugu, da Sem udzufan iwaê 100 da irim narunggan Arfaksat. 11 Arfaksat waêa sib, da Sem itip impa udzuf 500, da irim narun rusan marub da finam fain. 12 Arfaksat udzufan iwaê 35 da irim narunggan Sela. 13 Sela waêa sib, da Arfaksat itip impa udzuf 403, da irim narun rusan marub da finam fain. 14 Sela udzufan iwaê 30 da irim narunggan Eber. 15 Eber waêa sib, da Sela itip impa udzuf 403, da irim narun rusan marub da finam fain. 16 Eber udzufan iwaê 34 da irim narunggan Pelek. 17 Pelek waêa sib, da Eber itip impa udzuf 430, da irim narun rusan marub da finam fain. 18 Pelek udzufan iwaê 30 da irim narunggan Reu. 19 Reu waêa sib, da Pelek itip impa udzuf 209, da irim narun rusan marub da finam fain. 20 Reu udzufan iwaê 32 da irim narunggan Seruk. 21 Seruk waêa sib, da Reu itip impa udzuf 207, da irim narun rusan marub da finam fain. 22 Seruk udzufan iwaê 30 da irim narunggan Nahor. 23 Nahor waêa sib, da Seruk itip impa udzuf 200, da irim narun rusan marub da finam fain. 24 Nahor udzufan iwaê 29 da irim narunggan Tera. 25 Tera waêa sib, da Nahor itip impa udzuf 119, da irim narun rusan marub da finam fain. 26 Tera udzufan iwaê 70 da irim narunggan Abram da Nahor da Haran. 27 Nan ani intuang Tera utupan nanggan. Tera isu Abram da Nahor da Haran ramanggan. Da Haran irim narunggan marub Lot da narun rusan finam iruê, Milka da Iska. Gubuê Tera rungê mpadan da narunggan Haran imamp imingê Ur, gan gampan wain mingêa Kaldia ugu. Nahor iyu Haran narunggan finam Milka isu i gan fininggan, da Abram iyu Sarai. 30 Da Sarai igi sagat yami da warim narun u. 31 Tera iyu narunggan Abram da rumpunggan Lot, Haran narunggan, da bunggan Sarai, Abram fininggan, da itangin gamp Ur mingêa Kaldia rai da intsungê i fada Kanan. Da bitsintaê gubuê ribarangan yunga fawaêa Haran da ribarangan impai nigi. 32 Tera impa udzufan iwaê 205 da arangan imamp imingê Haran.