Miamun 1

1 Miamun bingan ugu, gubuê Anutu tanginda gunungun da intap, 2 da intap imingê utaê angu. Da nam mimindan tringtringan ibuafir mpui tsiraê sib, da Anutu Marapayaman imingê wagungê gin ifa iba. 3 Da Anutu ini, “Nam dzidziwandan nawaê,” da nam dzidziwandan iwaê. 4 Da itsangan nam dzidziwandan igi iwaê bini i maranggan, da itsaf nam dzidziwandan i nam mimindan. 5 Anutu ifaringê nam dzidziwandan “gubuê” da ifaringê nam mimindan “idziang.” Nam idziang iwaê da gubuê ipisâ nigi isu gubuê da idziang miamun. 6 Da Anutu ini, “Nam papanifan tsiraê bingan dzara bida umpiê nawaê namunti wasaê i mpui da natsaf mpui i mpui." 7 Ibinigi da Anutu itangin nam dzaran bida umpiê imunti isu ntiangê itsaf mpui mingêa wagungê i mpui mingêa warangê. Da nam igi iwaê ibinigi. 8 Da ifaringê nam dzaran igi “maranguntung.” Nam idziang iwaê da gubuê ipisâ nigi isu gubuê da idziang 2. 9 Da Anutu ini, “Mpui mingêa maranguntung warangê nasiri ruan nampruê namunti rugan da intap tsaraê nawaê.” Da nam igi iwaê ibinigi. 10 Da ifaringê intap tsaraêan “intap” da ifaringê mpui tsiraê “uruts.” Da arangan itsanga nam igi iwaê bini i maranggan. 11 Da Anutu ini, “Nam mara maran ntapan santan nantap intap, gai kapa nidzun da nam yaba bida sai da kapa nidzun mara maran bida dzangkum. Da yamunggan nantap nautus i ruan nabinigi.” Da nam igi iwaê ibinigi. 12 Nam kapa nidzun mara maran sib angu iyab intap: gai kapa nidzun da nam yaba bida sai da kapa nidzun mara maran bida dzangkum. Da arangan itsanga nam igi iwaê bini i maranggan. 13 Nam idziang iwaê da gubuê ipisâ nigi isu gubuê da idziang 3. 14 Da Anutu ini, “Nam puatsadan nawaê namingê maranguntung wasaê i tsafa gubuê i idziang da santingêa gubuê da udzuf da gan gubuê gan mararam mara maran mingêa wasaê gin, 15 da napuatsa nari namingê maranguntung i arida intap sib.” Da nam igi iwaê ibinigi. 16 Ibinigi da Anutu itangin nam puatsadan tsiraê iruêrun, gubuê i mpada tayangê gubuê pisan da ukam i mpada tayangê idziang. Da itangin ngantam narun impruê ibinigi angu. 17 Anutu itangin nam puatsadan sib angu igi imingê maranguntung i arida intap sib, 18 da mpada tayangê gubuê da idziang, da tsafa dzidziwandan i nam mimin. Da arangan itsanga nam igi iwaê bini i maranggan. 19 Nam idziang iwaê da gubuê ipisâ nigi isu gubuê da idziang 4. 20 Da Anutu ini, “Mpui nasisungê i apu marantaêan mara maran, da maranguntung nasisungê i apu mara maran dzufan." 21 Ibinigi da Anutu itangin apu marantaêan mingêa uruts, tsiraê tsiraê impruê da mara maran sib angu, da itangin apu mara maran dzufan. Da arangan itsanga nam igi iwaê bini i maranggan. 22 Da Anutu ifinti da ini, “Wasisungê namingê uruts da apu dzuf nasisungê namingê intap." 23 Nam idziang iwaê da gubuê ipisâ nigi isu gubuê da idziang 5. 24 Da Anutu ini, “Apu mara maran nawaê intap, marapagraê da buman, tsiraê da isiê, yungan da afafan.” Da nam igi iwaê ibinigi. 25 Anutu itangin apu mara maran buman da pagraê, tsiraê da isiê, santan imingê intap. Da arangan itsanga nam igi iwaê bini i maranggan. 26 Da Anutu ini, “Agi natip garam gar nasangê maraganunggangê da natangin i suda rinun i mpada tayangê yafas mpada uruts, da apu dzuf dzufa wagungê, da apu yunga intap mpruêan da intap santan." 27 Ibinigi da Anutu itip garam gar isangê maraganunggan. Itip garam da sagat ibi runggan. 28 Anutu ifinti ribarangan da ini ibiani, “Agam warim narum ruas nayus i mpada sangêa intap da intap da suda rinun da mpada tayangê i yafas mpada uruts da apu dzufa wagungê da apu yunga intap mpruêan da nam santan." 29 Da Anutu ini, “Watsangan! Dzi tangin nam santan ntapan kapa nidzun mara maran da gai kapa nidzun mara maran isu agam nanggam gadan. 30 Da dzi tangin puatsi da gai yafan isu apu marantaêan santan mingêa intap da dzufan nanggan gadan.” Da iwaê ibinigi. 31 Anutu itsangan nam arangan tangindan igi santan angu iwaê ngarubini bingan imingê i maranggan. Nam idziang iwaê da gubuê ipisâ nigi isu gubuê da idziang 6.