A Collection Of Gospel Hymns In Ojibway And English

"Hark! the glad sound, the Saviour comes."

Be zin dun dah! me noo tah gwud
Ewh min wah je moo win;
Ka guh pe tuh gwish in Je sus,
Kee ween duh mah goo min.

2 Um ba moo je ge da a dah,
Be mah je e wa win
Ke we kush ke tuh mah goo naun
Owh ish pe ming wan jeed.

3 Oo we ne sah koo nuh muh waun
Muj je ish quan da mun,
Kuh ke nuh Muj je Muh ne doo
Kah ke bah quuh wah jin.

4 E gewh ka te mah ge ze jig
Che shuh we ne mind wah,
E gewh dush buh yah tah ze jig
Che aunj ne ge ind wah.

5 E gewh a gah sa ne moo jig
Che ke che me nind wah
Ke che shuh wan dah goo ze win,
Pe oon je tuh gwish in.

6 Um ba nuh guh moo tuh wah dah
Pe zaun ze win pah dood;
Ka gate ke duh nuh me kah goo,
Keen Je ho vah Je sus.